انا خايفه من ربي ( هل انا مذنبه بحق زوجي ) / استوفى الردود

اولا :: انا ابعاد صاحبة المعرف الاصلي ..
ثانيا :: يا مشرفات لاتنقلون الموضوع لاي قسم اخر :: ابغى اراء البنات هنا ..

ثالثا :: ابدا بسرد قصتى

انا تزوجت من غير قناااعه .. تخيلي تدخلين على واحد وانت موو مقتنعه فييه .. وموو مالي عينك ... تزوجت من واحد يكبرنى 23 سنه ومعه بنات ومطلق ...

تزوجته مغصوبه . ومن اول ليلة وانا ما ابغاه .. وهو حقيقة طيب وابن حلال .. بسسس انا ما ابغاااه ما ابغااه .. لاتقولي تعرفي احد ثاني .. لانى تزوجت صغيره ما مدانى احب وما مداني اعرف الحياة زيييين .. المهم اول حياتى الزوجيه .. كنت اكثر وقتى قافله على نفسي بغرفه .. ونادرا ما اجلس مع زوجي .. اسووي له الغدا والشاهي واحطها له وارجع لغرفتى .. وهو ماعجبه وضعي بالبدايه ... ولا عجبه تعاملي معه ... وكان يقوولي انت تعامليني كذاااا لانك تبغين عيال عمك ... انا عارفك ... مدري من قايله هالكلام او يمكن هو متوهم ::: مع اني مافكرت بعيال عمي ..


كنت مدلعه كثير وهو يراعينى كثير ... كنت ما اسوي له فطوور وانام ويروح يفطر عند بناته .. واكنت افرفر بالاسواق واشتري اللي يبغى واذا طلبت منه فلوس يعطينى ما يقصر على الرغم انه متقاعد وعلى راتب التقاعد .. كملت دراستى وتخرجت .. وكان يصحينى للكليه ويهاوشنى اذا غبت ويدفع راتب السواق ...

بس هو مقصصصرر كثير من الناحيه الدينيه .. يعنى نعمه منه اذا صلى بالمسجد .. وكنت ما اهتم فييه اقول بالطقاق مانى داخله معه القبر .. ولاعمري غسلتله ملابسه ,, هو يغسلها ,, ولا عمري جلست معه وسولفت معه .. يا على التلفزيون يا على النت يا عند اهلي .. اخرررررررررررر همي زوجي هذا اذا ماشلته من القائمه ...

العلاقه الحميمه ما احبهاااا اكررهاا اكرهاا بس لانى اخاف من ربي اعطيه حقه .. وجبت منه ثلاث عيال ماشاء الله ..
وتدلعت زياده .. قلت شايب ولا راح يتزوج علي .. اهملته واهملت صحته وكثر روحاته لبناته يغسلون له ويطبخون له .. انا مجرد انه يجي للبيت وينام في غرفته وبسسسس ... انا ما اعطيه وجه وصررررت جااافه معه حيييييييييييييييل .. حتى العلاقه الخاصه لنا سنيين عنها لان عمره صار 60 سنه وانا ماالي خلقه وهو شكله ضعف ....

كل همي عيالي ونفسي ... وخصصت له غرفه ينام فيها بعيد عنى ..

وخصصت لنفسي غرفه مسستقله فيها لاب توبي ... وشاشه بلازما .. وسرير لي انا بسسس .. واعتزلت العالم ... من يوم اصحي حتى انام يا اراعي عيالي .. او حابسه نفسي بالغرفه وعلى النت والتلفزيون ..

هووو ما انظررر فيه واحيانا يمرر اسبوع ما اشوفه ولا اكلمه ... لانه صار يعتمد اعتماد كلي على بناته .. وانا شلت يدي منه ...

انا ما يهمنى كلام الناس ..

ما يهمنى .. لو تزوج ....

اللي يهمنى
هل على ذنب باللي اسووويه ...؟؟واللي سويته معه من سنييين
بعدم الاهتمام
وعدم التبعل .. انا حتى لبسس حلو ما البس له .. ولا اخليه يشوفه على ..
وشوفه النفس عليه
واحتقاره
.....