انا خزام نجد اللي حملت بعد معاناه وظروف شوفو شصار لي

 السلام عليكم ورحمة الله ..
اللهم صل على محمد واله وصحبه وسلم ..

بنات طبعا تذكرون مواضيعي ان شاءالله واللي ماتعرفني ابختصر لها
مطلقه ورجعت لطليقي وبعد اكثر من 14 سنه ربي اكرمني بالحمل وعمري طبعا الان 45 سنه الله يختم لي بطاعه 

المهم انا يابنات ماعلمت احد بحملي طبعا الا اهلي لاني عارفه محد راح يفرح لي الان بالشهر الثاني ومع الوحم والتعب والغثيان قسم بالله تعبت تعب ربي يعلمه جاني زوجي وقبل ماابشره كنت ناويه اعلمه بس تخيلو قبل ماابشره بكم يوم خويه جاله ولد قام انفجر علي بالسيارة وطبعا يقول امزح بس من طريقة كلامه وانفاسه وحمار وجهه واضح مزحه من جده المهم قالي كل الحريم يحملن ويولدن وكل الناس عندهم ( دادا ) قلت ماشاءالله جاي تغثني بهالكلام وعندك عيال قال لا ومادري ايش المهم تنكدت نكد معه انقهرت من اسلوبه ورحا للسوق واخذت لي بعض الاغراض امشي واشتري وقلبي مب معي غير الغثيان والتعب والدوخه وطلعت من المول وجاء بعده بيومين يمممه منه هاوشني بدون سبب بس اللي اشوف انه هاوشني عليه كنت رايحه العمره وقصيت من شعري واللي معها المقص ضعيفه قالت ابي فلوس عطيني اللي تعطيني قلت له عطها انا مانزلت معي بوكي هو معه اغراضه قام انفجر علي يالبقره يالثوره ياللي فيك يالغبيه قمت صراحه جادلته على سالفة هالقص اني لازم اتمم عمرتي بالقص الزبده انه يهاوش بدون هدف او سبب يقولي اسلوبك شين وانا مااتذكر اني نطقت بحرف الا كنت اقول لازم اقص قبل اطلع من الحرم وبعد هالهواش بالسياره بعد مااعتمرنا استفرغت ودخت وتعبت قلت ابروح المستوصف وفرصه انه يدري المهم حللت وبشروه بالحمل فرح وطار واستبشر وصار يساعدني وطلبت منه يكتم الخبر لو شهر اللي صار اول مارجعت من العمره راح ودق على امه وعلمها يقول ابي ابشرها وهي مفروض اول من يدري هنا انصدمت منه قهرررني جدا جدا بتقولون لي امه ويبي يفرحها بس كل زوجه او مطلقه تحط نفسها محلي وتحكم باللي راح اقوله 
سعت في طلاقي
زوجت ولدها علي وهو كان رافض الزواج
تحرضه علي واذا جيت ادق اسلم عليها ماترد السلام ولاتحشمني ابد ابد ببالها انها زعلانه مني وليه الزعل انا نفسي مادري بس يمكن عشاني رجعت
وصلت الى دخول بيتي بغيابي 
تاخذ اغراضي واغراض بيتي وتحاول اي شي تاخذه مني واشياء انا شاريتها بفلوسي
طبعا هذا اثناء سكني بديرتها 

بنات انا جدا مقهوره انها درت واللي يقهر مادقت ولا باركت يعني اانا اعتبر عقيم وجاني حمل مفروض درت تدق علي اقل شي تبارك 
انا ميته قهر من حركة زوجي سخيفه مره وطايح من عيني من زمان وتمنيت انه مادرى للاسف الرجال ماينعطون سر ويفهمها بالمقلوب اني مابي امه وانا معذوره سوت فيني اشياء لو اقولها هنا بتنجلطون واشياء عمري ماقريتها بمشاكل الحريم بس حسبي الله وكفى مابي اخذ ذنب احد ولا ادري وش يصير فيني مابي تكون نيتي شر بس مره ضايق خلقي من الموضوع
ابي وحده تقولي كلام يخفف همي انا اقرا كل الردود اكثر من مره حتى لو مارديت اسعفوني يابنات كلكم مابي احدد بالاسم كلكم خواتي ابي اسمع رايكم بموضوعي ضايق صدري وبطني يمغصني وعايفه كل شي قدامي وش رايكم ؟؟؟ ردو علي بكل اللي قلته