انا دائم تجي لي ضيق تنفس واروح المسشفى يقولوا التهاب رئوي

الوقايه خير من العلاج
تكرار الالتهابات دليل ان مناعتك ضعيفه ولازم ترفعينها عشان جسمك يقدر يقاوم الفيروسات والبكتيريا
الحل :
احرصي على تجنب المهيجات مثل الغبار والعطور القويه والاماكن اللي فيها انفس كثيره وزحمه
وارفعي مناعتك بالثوم والعسل وعصير الليمون على الريق
كل شهر او كل ثلاثه اسابيع خصصي لك يومين متتاليه تاكلين على الريق فصين ثوم مفروم مع ملعقه صغيره زيت زيتون وعصرة ليمون وتقدرين تمزجينه بالزبادي اذا حبيتي
وحاولي انك تشربين خلال اليوم عصير ليمونه على كوب ماء مو شرط كل يوم لكن حاولي كل كم يوم تشربينه
كذلك العسل حاولي كل كم يوم تاخذين منه ملعقه كبيره وتذوبينها في كوب ماء وتشربينه الصباح
وانصحك بقوه بالمشروب الاخضر لو مرتين بالاسبوع ممتاز لتغذية الجسم بالفيتامينات والمعادن اللي تعزز المناعه
مجرد خذي بيدك قبضه كبيره سبانخ وشوي كرافس وشوي بقدونس مع خياره صغيره وعصير ليمونه وربع او نص كوب ماء بارد وملعقه صغيره زيت زيتون واضربيهم بالخلاط الى ان يصير مثل العصير واشربيه الصباح وانتظري ساعه جسمك يمتصه ثم افطري
واهتمي بتدفئة جسمك عن البرد وبإذن الله تشوفين العافيه