انا داخله على الله ثم عليكم تساعدوني 0000

السلام عليكم
كيف حالكم ياخواتي انشاالله تكون كل وحده سعيده في حياتها الزوجيه
بنات انا اكتب كلماتي هذي وانا احس اني مقهوره وتعبانه من السالفه اللي بستشيركم فيها طبعا هي ماتخصني تخص صديقه غاليه على قلبي
السالفه وما فيها 000
ان صديقتي دقت علي امس وهي في حاله يرثى لها 0
راح اعطيكم نبذه عن صديقتي وعن زوجها علشان تقدرون تساعدوني
هي متزوجه وعندها ثلاث اطفال وزوجها الله يهديه ويفتح على قلبه انسان راعي سهر بالليل مايرجع الا اليوم الثاني على وقت الدوام ويلبس لبس الدوام ويروح واذا رجع من دوامه صكها نومه لين الليل يعني الساعه تسعه عشره على حسب راحته اذا قام بدل ملابسه وطلع لشلته وعلى ذا المنوال نادرا مايفضى لعياله طبعا بعد هواش من زوجته ونكد ودائما مشاكل هو راعي سفريات برا ومايرضى ياخذها معه بالنسبه للصلاة نادر مايصلي تعبت معه مافي فايده حتى امه تعبت معاه برضوا بدون جدوا تصوروا انه يقعد مايتروش من الجنابه الابعد يومين اوثلاث ايام يعني الصلاة يصلي فرض ويخلي عشره
طبعا هي اذا طلع زوجها تدق عليه تعال عيالك محتاجين لك يقفل الجوال يتذمر منها اذا رجع للبيت وقامت تكلمه قام يضربها وضربه مبرح مع اهانات مره دق عليها صديق زوجها وتكلم معها قال زوجك يحبك لكن انتي ماعرفتي تتعاملين معه خليه على راحته يروح متى مايبي ويجي متى مايبي هو صديقي واعرفه ومن ذا النصائح
المهم في السالفه واللي ابيكم تساعدوني فيها علشان انصحها تسويه لانها تقول انشل تفكيري معاد اكدر افكر ولا اقدر احل مشكلتي
زوجها قبل يومين سافر صبعا سفريته هذي فسقه
في اليوم اللي سافر فيه بالليل دق عليها رجال وقعد يستهبل عليها ويقول انا عارف انك لحالك في البيت وان زوجك مسافر هي انهبلت وصكت السماعه في وجهه دق التلفون مره ثانيه رقم غير الرقم اللي دق عليها طبعا الارقام اللي تدق عليها موبايلي ماتقدر تطلع صاحب الجوال المهم الاتصال الثاني كان من حرمه قامت الحرمه تتكلم بكلام وقح وماينقال وتضحك عليها وصديقتي هذي تهزئها وتقول انتي ماتخافين الله ومن ذا الكلام يعني طولت معا شوي
يوم صكت السماعه دقت على جوال زوجها ويدق ويعطي مشغول ثم يعطي مقفل بعدين ارسلت له رساله تقول انا ابغاك ضروري في امر طارىء
مادق عليها 00طبعا هي الله يهديها اللي هي صديقتي دقت على وحده تعرفها ماهي ماضبوطه تصير طليقة صديق زوجها كنت احذرها منها دايم لكن ماتسمع كلامي هذي الحرمه دايم تنصحها نصايح تخرب عليها بيتها الحرمه هذي من شكلها تقول راعية غزل حتى زوج صديقتي هذي يحذرها منها يقول لاتدقين عليها تراها ماهيب مضبوطه
المهم دقت عليها وعلمتها باللي دقوا عليها قالت عطيني ارقامهم ادق عليهم عطتها الارقام وسكرت منها ثم دقت عليها قالت تصدقين الرقم اللي عطيتيني حق الرجال انه صار رقم خارج المملكه يعني تبي تشككها في زوجها اما الحرمه يوم دقيت عليها عرفت اسمي وقالت انتي فلانه وتدرسين بالمعهد الفلاني تصدقين والله ان فيها جني وش دراها عن اسمي
وذا المسكينه اللي هي صديقتي صدقتها وقامت تشيها على زوجها وتقول اذا جا قفلي باب البيت ولاتفتحينه له وقومي على القنوات اللي مشفرها وافتحيها ولو فرضا دخل عليك وانتي تشوفينها قولي ابي اتلذذ مثلك
طبعا هي دقت علي وخبرتي باللي صار كله والكلام اللي قالته الحيوانه هذي اللي تبي تدمرها
قمت اخوفها من الحرمه هذي اللي معطتها وجه وقلت ميدها انا متوقعه ان لها يد في الموضوع
دق عليها زوجها وخبرته بالسالفه كلها وقعد يهاوشها وقال اذا رجعت تفاهمت معك
رجع من السفر اليوم وحط البيت جحيم واتهمها في شرفها كان شاحن الجوال لها وخلص الشحن قام يقول وش اللي خلص شحن جوالك الاانك تكلمين من وراي ليش يوم دقوا عليك يزعجون ليش تردين عليهم والوقت متاخر اكيد انك قعدتي تسولفين معهم وكانت هي من القهر يومه مسافر ماسحه رقم جواله من جوالها قال ليش تمسحين رقم جوالي وش هدفك
ثم قام واخذ الارقام كلها منها حتى رقم الحيوانه اللي تحرشها اخذ رقمها
وقال ميدها ابيك تدقين عليها وتحطين السبيكر ابي اسمع وش كلامها معك ابي اعرف شخصيتها ذا الادميه
المهم دقت عليها بعد ماضغط عليها زوجها قالت لها هااا رجع زوجك من السفر قالت لا مارجع قالت زوجك اصلا حيوان يبيله وحده تربيه انتي ماعرفتيله زوجك خربان داشر راعي حريم هو يبغى فرقالك اليوم قبل بكره عشان كذا قام يدبر المكايد عشان يلقى عذر في طلاقك شوفي حبيبتي اذا رجع من السفر بيهاوشك قابل الصوت بالصوت تسلم فيه حديث كثير داربينهم كله وقاحه وزوجها يسمع الكلام بعد ماخلصت اخذ جوال زوجته وقال معاد فيه بعد اليوم جوال والتلفون بشوفله صرفه قام يزربها في شي ماهو فيها يقول انتي بنت حمايل ويطلع منك الشي هذا وهي مسكينه دورها في الحوار بكاء وحلف وايمان انها ماهي من البنات اللي يسوون الحركات هذي ولوا فيها بلا ماعلمتك باللي صار كان كتمت الموضوع 000
بنات كتبت الموضوع ابي جواب وافي وش تسوي تروح لهلها علما انه وده انها تروح لوراحت لهلها خلاها تقعد اشهر اوصار طلاق هي ماتبي تشتت عيالها لان البزران مايضمهم الابيت ابوهم تكفون انا تعبانه مره واحس اني مصدعه من كثر التفكير