الله يسخره لك
بس أهم شي حبيبتي أنك ماتستخدمي مانع مثل الحبوب أذا هو مايبغى اطفال الان ومتفقين خليه هو يستخدم المانع لأن بعدين اتذا لاسمح الله سببت لك مشكلة وفكر في الاطفال ماراح يصبر الين تتعالجي يروح يتزوج ويقول ابغى طفل يحمل اسمي كل الرجال كذا الا من رحم ربي
واذا انت مصممة على الاطفال ناقشية وقولي ليه ماقلت انك ماتبغى اطفال قبل الزواج أو خلي احد حكيم يحكم بينكم
اما على طبعه ياأختي عيشي حياتك بالطول والعرض وحاولي تنسيه بس أهم شي ماتغضبيه
وعليك أختي بالدعاء والصدقة بنية ان يسخره الله لك ويصلح فيما بينكم

ياقلبي انتي
اول نصيحه مني لك لوجه الله تتعوذي بالله من الشيطان الرجيم لاتتركين الشيطان يلعب عليكي ويدمر حياتكم

زوجك نحسبه والله حسيبه على خير بس انتي مثل ماذكرتي انك ماعرفتي له....
يعني غريبه انتي تقولي طبعك من زمان انك اجتماعيه ...كيف ماتداخلتي مع زوجك
ياقلبي ذي حيااااااااااه طويله الى وين الله اعلم لكن
ابدي من جديد معاه وصارحيه بالتدريج انك تبين تطلعين من البيت
تبينه يتقرب منك اكثر
كل شي بينيه له لاتسكتين تراك غلطانه ......
بس لو انتي ذكيه وفعلا اجتماعيه كان قدرتي عليه
زوجك عنده شي معقده من زمان اقصد له ماضي مأثر عليه......اقصد قبل يتزوجك
انا ابي منك تشوفين كيف حياة اهله
اقصد كيف طلعاتهم من البيت اشياء كثيره ابيك تنتبهين عليها عشان تعرفي طبيعه زوجك ذي من وين مكتسبها
انا متأكده ان والده مثللللللللله بالضبط او الدته ممكن
لكن نصيحه تصارحي مع زوجك وخوذيه بالكلام الحلو وشوي شوي عليه بيني وش اللي يضايقك
ولا كذا والله ثم والله راح يدخلك الملل وذا اللي باين عليكي الحين
المهم ياقلبي لاتدخلين احد بالموضوع من اهلك واهله حلي ذا الموضوع معاه بس بدون زعل وتعصيب
مافي شي يجي بالصريخ خاصة مع الرجال .......
انا اعتقد والله اعلم انك تبين عيال وحاسه انك مليتي اعذرك يالغاليه ذا احساس كل انثى تزوجت ولا ماتزوجت ذا فطري

عشان كذا اصبري الى الله يهدي زوجك ويقولك فتحنا الطريق ابي عيال......
انتي شوفي وش سبب تأجيل العيال اعتقد انه خايف من المستقبل
خاصة انتي تقولي اموركم الماليه زينه الحمدلله

باختصار ياقلبي الحل في ايدك
ارجعي بالتدريج اجتماعيه مثل اول
وماهمك فيه باذن الله راح يتفاعل معك
بس نصيحه الاستغفار لاتنسينه مع الدعاء في الثلث الاخير من الليل

الله يوفقنا واياكم وكل مسلمه اللهم امين

يا حبيبتي ما في حدا في ها الدنيا مرتاح
انا احب زوجي جدا وهو يحبني بس مو مرتاحة في حياتي عايشة في الريف وانا بنت مدينة
كنت متعودة علي الدلع والطلعات والفرفشة والسفريات في بيت اهلي
بس بعد الزواج زوجي كثير الانشغال قعدت في البيت لا اطلع كثير كرهت المجتمع المتخلف اجتماعيا الي انا اعيش فيه
صرت دائمة الاكتئاب وحتي الناس ما حبيت اتواصل اجتماعيا معهم ربي يسامحني لانهم في نظري مو قد المقام
كنت اتحصل علي راتب عالي واشتغل في المدينة في مكان ممتاز ومعروف جدا والكل يحسدني علي وظيفتي
استغني عني مكان عملي لاني بعيدة جدا واتاخر كل يوم في الدوام واحيانا ظروف زوجي لا تسمح لي بالذهاب
ولان سكني بعيد عن المدينة زوجي منعني من قيادة السيارة لانها تحمل مخاطر والمكان بعيد
طيب وشو كمان لان المجتمع الي انا فيه من الريف وقيادة المرأة فيه امر غير رغوب ويربطوه بان اخلاقها ليست جيدة
وفي المدينة كان امر عادي جدا جدا جدا
علي العكس ممكن انا اقود سيارة اخي ان تعطلت سيارتي وهو ياخد تاكسي عشان اروح عملي
مثلا يتحدث عنك الناس ان كانت عندك خادمة بالبيت
ويعتبروه امر غير مقبول فالمفروض صاحبة البيت تخدم بيتها وزوجها(البدو لهم اراء غريبة وطبع غريب)
والحمد لله تمكنت من الانتصار في بعض المواقف وزوجي وظفلي شغالة بس والله ذبوحني بتجريحاتهم وتعليقاتهم عني باني الست الهانم والبرنسيسة ووووووو؟
كافحي يا اختي نفسك وافهمي زوجك ترتاحي في حياتك
ترا انا لا زلت غير راضية
عالم من المتناقضات
بس تعلمت مع الوقت ان احترام زوجي ومحبته تجعلني استغني عن كل شئ وسياتي كل شئ مع الوقت باذن الله
واملي في الله كبير
تفائلي بالحياة يا اختي وخليك ذكية وما تخلي زوجك يكره البيت
وتكوني خسرتي بيتك ونفسك وزوجك
انا ايضا زوجي كتوب ما يحب يتحدث عن نفسه او عيلته
وحتي المشاكل في حياته خارج البيت ما اعلمها واحيانا اسمعها من غيره
بس ما تهمني الي يهمني يكلمني عليه واللي يشوفه ما يهمني ما يحدثني عليه
ربي يسخر لنا ازواجنا يارب
ويجعلنا قرة عين لهم
حافظي علي بيتك وحياتك
والحياة ما تسوي مثل حد يحبك ويحنو عليك في ها الدنيا
والمظاهر زائلة لا محالة

تصدقين حتى انا زوجي فيه مثل صفات زوجك وانا فيني من صفاتك
كل شي مو صعب الا موضووع الخلفة والحمل غريب ما يبغى الا بعد خمس سنين؟؟؟!!!!!!!!!!! لا تسكتين عن هالموضوع بالعادة الرجل يقول خلنا نتمتع سنة من حياتنا واذا كان يدرس ممكن يأجلها اكثر بس بدون سبب يبغى يأخر كل هالمدة !! ليه ما شرط عليكي من اول الطريق كان رفضتي ولا تورطتي وعلقتي
يعني هوا كذا مو مقدر الاحساس بالامومة مشاعرها عندك هذي انانية بصراحة انا ما ابغى احرضك على زوجك بس ما ابي يكون في سبب كبير ورا الفكرة ذي عبري له عن رغبتك باسلوب حلو قولي عالاقل نجيب بيبي واحد وبعدين نأجل كم سنة لين يكبر

السلام عليكم ورحمة الله وبركاته
يااختي الهموم مفرقة والابواب مغلقة يعني كل بيت في هم بس البيوت اسرار
والناس الها الظاهر
الحياة لازم نعيشها بالطول والعرض والحلو والمر
وكلي امرك لرب العالمين
استغفر الله وداومي على قراءة سورة البقرة
ولاتنسي قيام الليلل والدعاء لزوجك بالصلاح وان يحنن قلبه عليك ويجعل التفاهم بينكم
انتي كم صرلك متزوجة لازم تكوني عرفتي شو الي يحبه زوجك وشو الي يكرهه وتركزي على الي يحبه بس بشرط مايكون في معصية رب العالمين
ممكن طبع زوجك هادي وكلامه قليل اني لاتغيري طبيعتك بالعكس ممكن يتاثر منك ويتغير
لاتجعلي اكبر همك وبنفس الوقت لاتقصري بواجباته
ربي يصلح امره ويهديه امين