انا راحل عن عيونك وابيك بكلمتين صغار
إلى من ضاقت احوالك تذكّرنـي ورددهـا
( احبك موت ) رددها بقلبك تنبت الازهـار
(احبك موت) معناها حياتي فيـك مولدهـا
تذكّرهـا وتلقانـي بقلبـك كلّمـا تحـتـار
تلاقيني مع اطيافي بـروحٍ كنـت تجهدهـا
بسافر يابعد عمري طويله سكّـة المشـوار
تركت القلب بيدينك وروحي معـك بفقدهـا
لك الذكرى تناديني ويحرقني لهيـب النـار
ولكن خطوتي ترفض رجوعي لو أعاندهـا
انا مكسور في نفسي وخلّيت الجروح اسرار
أبآخذها مع اغراضي وبرحل قبل تشهدهـا
صحيح ان الحزن قاسي ولكن ماتفيد اعـذار
كبرنا عن طفولتنـا ووقـتٍ كـان يسعدهـا
خلاص اليوم ودّعنا زمان وباقـي التذكـار
تسلّينـا بوحدتنـا ونسلـى فـي مشاهدهـا
دخيلك لابكت عينك وهلّت دمعهـا مـدرار
ترى روحي مناديلك تكفكف دمـع يوقدهـا
أثير العطوي @athyr_alaatoy
عضوة جديدة
يلزم عليك تسجيل الدخول أولًا لكتابة تعليق.
ميمي2013 :
~كلمات رائعة اختي تروحي وترجعي بسلامه ننتظر القادم بشوق ~~كلمات رائعة اختي تروحي وترجعي بسلامه ننتظر القادم بشوق ~
تسلمي يا الغلا من. ذوقك ....... الله يسلمك
شعر جميل حقاً ولكن مكانه مع الشعر النبطي لأن الواحة هنا للفصحى ربما لاتعلمي موفقة !شعر جميل حقاً ولكن مكانه مع الشعر النبطي لأن الواحة هنا للفصحى ربما لاتعلمي موفقة !
مرورك اسعدني فعلاً لا أعلم ......
الصفحة الأخيرة
تروحي وترجعي بسلامه ننتظر القادم بشوق ~