انا رايحه اتوظف ولا اتزوج؟

بنات قسم بالله
كرهت نفسي والحياه وكل شي
كان كل شي متوفق على العمر
انا وش ذنبي اذا عمري تقدم
وانا متاخره بكل شي بكل شي
من ناحيه الدراسه تخرجت متاخر لظروف
من ناحيه الوظيفه وصل عمري 33
وللحين ابحث
من ناحيه الزواج راح عمري ولا جاء النصيب
قبل فتره
جتني وظيفه قطاع خاص
وفرحت وحسيت الحياة بتتغير
رحت سويت مقابله مع المدير
وكانو كثير يقولون
لي اذا سالك عن عمرك
لاتقولين 33
قولي 30
وكان كل شي ماشي تمام والمدير
فجاه
سال عن عمري
قلت30
تغيررررررر كل شي حتى ماجامل
قالي
كبيره!!
مره كبيره
حنا نبي حدثين تخرج
انتي اعذريني
حسيت انه جاي يخطبني
مب. جايته ابي اتوظف
هذا وانا منقصه من عمري ثلاث سنين
بفهم وش ذنبي
ان الله الخالق ماكتب نصيبي
لاوظيفه
ولا زواج ولا ذراسه مثل الناس تاخرت
بظروف صعبه
ختى الزواج كل من شاف وجهي
من اقارب او اهلي
بعضهم مايراعون
يقولون مابقى لك شي
وتوصلين اربعين
السنين سريعه
تزوجي جيبي ولدين اقل شي
قبل توقفين
ترا البنت لها تاريخ انتهاء !!
متخليلين
كذا يقولون لي
واللي يقول صرتي عجوز
واللي يلومني
وكان الزواج
يمخباتي
انا وش ذنبي بفهم
وش ذنبي اذا حياتي متاخره بكل شي
يعني يدرون ان مالي اي سبب انا
ليش يزيدوني !!
كاني ناقصه كلامهم