انا رديت ... سلموا علاي

حياك الله حبيتي والله يكون في عونا جميعا وننحف من غير عله وبالنسبه للأنظمه انت شوفي اللي يناسبك وكبدايه لا تضغطين على نفسك وراح تتشجعين مع الوقت لما تشوفين الوزن نقص وشاركي في المسايقه الجايه

يا هلا بامل الحلوه

انا صراحه قريت كل ردودك بتجمع دشتي وبو عباس لما كنت اسوي الرجيم
انشاءالله حبيبتي تكون رجعه حميده وتنزلي وزنك الزايد يارب
شوفي حبيبتي انا اسوي رجيم للاخت عذاري مع مجموعه بنات بالمنتدى وهو موجود بالصفحه الاولى بالمنتدى اذا حبيتي تشاركي ويانا
وهذا هو الرجيم وانشاءالله يعجبك ويكون على هواكي..........


أخييييييراً يابناااااات نزل وزني في 20 يوم بس !!!!!!!
أخيراً يابنات نزل وزني في 20 يوم 15 كيلو .......


اقول لكم قصتي أنا ما خليت ريجيم ماجربته جربت غصن بان الكويت وما نفع وصار لي مضاعفات بعدة لا وطعمة يلوع الكبد ونصحوني كثير بالحبوب اللي تسد الشهية والله وانا اختكم رحت وشريتها العلبة بـ 200 ونفس الشئ مانفع وجربت ريجيم الشوربة هم مانفع وجربت الريجيم الكيميائي ورجعت دبل بعد ماتركته اهئ اهئ
الين ماحصلت هالريجيم من وحدة تقرب لي من زمان ما شفتها وقالوا لي انها تغيرت صارت رشيقة وانا اعرفها منفوخـــــة عالعموم ماصدقت لين شفتها ضعيييييفة ماتصدقون وعزمت اسوي ريجيمها اللي جابتها من وحدة كانت منفوخة وضعفت عالعموم هالريجيم صار كأنة وصية كل وحدة تعطية الثانية وراحت قريبتي وسئلت دكتورة معروفة في منطقتنا وقالت لها هالريجيم زين أنصحك فيه مع الرياضة طبعاً .... عالعموم أنا سويته 20 يوم طبعاً أول أسبوع تحسين أنج خفيتي بس أنصحك إذا جعتي كلي علك خالي من السكر وفي منه أنواع أنا عني أستخدم علكة نوفا بالنعناع عالعموم نزلت عليه كلن أستغرب ويقولون سبحان مغير الأحوال هالمنفوخة صارت كذا أنا كان وزني 80 صار 65 وكله أشياء موجودة بالبيت وأعذروني طولت عليكم وكاهو الريجيم



السبت . الافطار . جبنة قليلة الدسم 100 جم + توست + شاي أقهوة ( أنا أحط شريحة جبنة قليلة الدسم وهي متوفرة فوق 1 شريحة بريد بر مع شاهي طبعاً أحط السكر الخاص بالريجيم فقط لا تفركرين تحطين سكر مع الشاهي ولا نقطة هههههه تعذيب صح ) عالعموم اللي يبي الدح مايقول أح ...
الغدا . 2/1 دجاجة مشوية + سلطة خضراء + خضار مسلوقة .. ( الخضار تجي مجمدة في أكياس بس أسلقيها )
العشا . كوب كبير عصير برتقال ( طازج طبعاً أنتي تعصرينة وأنتي ماتشوفين الدرب ) + علبة زبادي قليل الدسم كليها طبعاً آخر الليل مو مع البرتقال ( يازينك وأنتي تاكلين عصير وتشربين برتقال )

الأحد . الأفطار . 2 بيضة مسلوقة مع شاي ( بدون سكر الا من سكر الريجيم )
الغدا . سمكة مشوية كبيرة + صحن سلطة خضراء ..
العشا . شابورة ( طبعاً بر ) مع قطعة جبنة ( اللي ذكرتها فوق """) مع شاي أو قهوة ( شاي اكيد )

الاثنين . الافطار . بيضة مسلوقة + برتقاله + شاي أو قهوة
الغدا . لحم مشوي غير محدود الكمية مع حبة طماطم أو خيار ( أنا أستبدلته بدجاج ) ...
العشا . كوب حليب قليل الدسم ويفضل منزوع + شابورة ( بر ) ...

الثلاثاء . الافطار . شريحة جبنة قليله الدسم + توست ( بريد بر ) + شاي أقهوة .
الغدا . نوع واح من الفاكهة ... ( أنا كنت آكل التفاح ) ......
العشا . لبن قليل الدسم مع توست ( بريد بر )

الاربعاء . الافطار . 7 حبات تمر مع قهوة طبعاً مو شاي
الغدا . دجاج مشوي بدون جلد غير محدود الكمية .
العشا . 3 بيضات مسلوقات مع توست .... ( أنا كنت أحط البيض في المقلى من دون زيت وأقلقلة .. وأحط شوية جبنة فيتا قليلة الدسم علشان يلينة ) ...

الخميس . الافطار . مفتوح الغدا . مفتوح
العشا . مفتوح
الجمعة . الافطار . جبن قليل الدسم + 2/1 خبزة + عصير برتقال ...
الغدا . لحم مشوي غير محدود الكمية ( أستبدلية بدجاج اذا تبين ) + لبن قليل الدسم ويفضل منزوع ....
العشا . مفتوح
ملاحظة : مفتوح تعني اختيار أي وجبة مما سبق في الريجيم ( لا تستانسين واجد ) ..

عالعموم أنتي بس سوية عشرين يوم يعني أسبوعي و6 أيام = 3 أسابيع وروحي الدوااام وأنتي مستانسة وقولي عذاري ماقالت .. رهيييب واذا حسيتي بالجوع مررة بين الوجبات كلي هوى أقصد كلي تفاحة

وعالعموم أتمنى للجميع الرشاقة وأي استفسار أنا حاضرة بس أهم شي الرياضة أعرف وحدة سوت الريجيم هذا وضعفت بس يبي لها شوية رياضة ........ عالعموم أنا بادية الريجيم اليوم 25 / 6 السبت وهذاني أكل زبادي وبالتوفيق ....................

الفين شكر للفراشه اللؤلؤيه و رايونا
الله يسلمكم
ما قصرتوا

بالنسبه للنظام احس انه صعب الحين لان وزني كبير و معدتي كبيره و انا ابي شيء فيه اكل الضحى و العصر قبل العشا علشان لا اجوع مبدئيا بس!

الله يعطيك العافيه على النقل بارك الله فيج

امل الحلوه
طيب ليش ما تردين لنظام دشتي؟؟
بنت خالتي كانت تسوي نظام دشتي ونزلت عليه كثير
ولما تركته كل الكيلوات اللي نزلتها ردتها
والحين مو قادره تسوي اي رجيم لانها تعودت على الاكل بنظام دشتي
وتقول ارادتي ضعيفه ما اقدر اسوي رجيم وانتظم فيه باكل محدد بعد ما كنت اكل وقت ما احب بنظام دشتي
اعتقد انها نفس مشكلتك ؟؟

الريجيم لمده اسبوعين وينقص 3-4 كيلو في اسبوعين

الفطور
نسكافيه مع حليب وكوفي ميت مع سكر خفيف + صمونه او توسته وحده معاها جبن أو لبنه

الغداء
توست 2 جبن أو لبنه أو بيض من 1 - 2 + خس + خيار+ دايت + زيتون من 3 - 7
أو
بطاطا 1 مشويه أو مسلوقه + شريحة جبن من 1 - 2 + خيار+ دايت
قبل العشاء
بسكويت من 2 - 4 أو كاكاو + نسكافيه مع حليب

العشاء
توست 2 أو شابوره من 1 - 3+ جبن أو لبنه أو بيضه مسلوقه + شاي مع حليب

وبما اني أحب الوجبات السريعه مثل ماكدونلدز فسمحلي مرتين بالأسبوع بدون مايونيز + شبس صغير + دايت

منقووول..

ومهم جدا تشربين شاي اخضر مع ليمون لسد الشهية بعد كل وجبه بس لا تستمرين عليه اكثر من شهر لان الشاي الاخضر يمنع نزول الوزن اذا شربتيه مده طويله