انا رذاذ شوفو اخباري للكل دخووول

السلام عليكم
اولا اشكر كل من وقفت معي من اول مشكلتي لليوم
للي مايعرفون وطبعا نصكم عارف سالفتي يارب تكون اخر سالفه
انا من اخر رمضان متزاعله مع زوجي وعند اهلي لي شهر ونص
واخوي من قهره علي ظرب زوجي واخذني معاه ‏
انا بالشرقيه وزوجي في الجنوب
وطول هالفتره ماكلمت زوجي لان اهلي كسروا شريحتي يقولون خليه يعرف قيمتك
اللي صار دخل بيننا وسيط من اهل زوجي عمه ‏
وابوي اول شي رفض يرجعني وبعد محاولات منهم ‏
رضا
وابوي كاره زوجي واخواني متحلفين فيه ماادري ليه يعقدون اموري
وفوق كذا مو متحمليني
المهم في اخر مكالمه بينهم قالوا وش تبون احنا حاضرين
وياجي ياخذها ولا هي متى ماتبغى تقول ونحجزلها وتجي
وهو يستقبلها
انا شرطت الظرب ممنوع بتاتا
لان مافيه شي ينعاب كريم وطيب معاي ويجيب اللي ابي
بس لاعصب ابعدي عنه
فقررت انا يحجزلي وارجع له احسن له ولي
لان ابوي قد قال خليه يأخذ عياله وانتي انطقي هنا
وغير اخواني اللي متوعدين فيه
والامور بدال ماتنحل تتعسر وانا مو ناقصه
فقلت بختصرها احسن لي
امي تقول ارجعي والبوقس اللي اكله وحرمانه من عياله بتعلمه ‏
وفكرت زوجي مو شين يعني ‏
انا ماانكر قصرت بحقه وحق بيتي بس مو مني
من ولدي اللي توه تنظم نومه تعرفون السهر معاهم وما يسوي
وعرفت وش يبي وعرف وش ابي
صحيح انه خرب صورتي عند اهله وقالهم اني اكرهم بس بدخل عليهم ولا كن شي صار
اكيد لارجعت بيقول بنروح لهلي نسلم عليهم ويسلمون ع العيال
الله يعين
برجع من جديد وهو ياليت يرجع من جديد
نار زوجي ولا جنه هلي
من واقع تجربه خصوصا لاشفت ابوي يقسى على ولدي ابو سنتين
ماانسى يوم يلعنه هو وابوه قدام اهلي كلهم وزوجه اخوي
وهو مايدري ‏
وش ‏
السالفه
انا دوروني من التعب النفسي اللي عشته
حتى بشرتي تأثرت ‏
ودي ارجع عروس بكل شي شكلا وفعلا
وش رايكم ‏
عطوني رايكم مع العلم اني عن قناعه قراري

بنات انا بكره الاربعاء بركب لولب لان الحبوب دمرتني
وش تعرفو عنه هل يسبب نزيف والم‏?‏

وياليت اللي عندها رد يسد النفس لاترد تتعب اصابعها
عيشوا موقفي ومعاناتي وردوا ولاتبخلوا بالنصايح