1-اول شي نظمي وقتك !كيف؟ سوي جدول بالساعات لكل ساعه خصصي لها شغله
2-الجدول يكون الصباح خليه تجهيز فطور وترتيب نفسك وعيالك اما بيتك يكون من الليل نظيف عشان تصحي وانتي مرتاحه
3-خصصي وقت للغسيل الملابس ووقت لنفسك ووقت لعيالك ووقت لزوجك ووقت لبيتك شوفي لكل شي الوقت المناسب وانتي ادرى باوقاتكم 💕
4-اولادك احبسيهم بغرفه وقوليلهم ليه حبستيهم عشان يتادبون (جربه هالطريقه عيال اختي )
5- خصصي لك وقت لكريمات
وبس اتمنى اني افدتك والله يجعلكم عايله سعيده كتكوته 😄💕وبس 😌💕

ياحبيبتي ماراح اضيف اكثر من اللي قالوه البنات
دامك راعية سهر بالليل نظفي بيتك ورتبيه
وحوسة المدارسه الصبح اذ عندك بزوره يدامون نظفيها وراهم بنفس الوقت وغرفتك خليها دايم مقفله عن البزوره ماله داعي يدخلون يكركبونها
انا عيالي ينامون معي بغرفتي بس يدخلون وقت النوم ويطلعون اول مايصحون الصباح
واذ بتنامين وهم صاحين صعب شوي اما تنامين معاهم بغرفتهم او الله يعينك اقلبي جدولك ونامي معهم
وكل شي بالتعود خصوصاً التنظيف سوي لك جدول وقسمي شغلك

انتي عارفه سبب وسخك هو نومك والسهر نظمي وقتك وتشوفين اذا تنظم بيتك

1* حاولي تتخلصي من كل شي زايد ملابس ومواعين العاب وكل شي حتى قطع الأثاث الي مزحمة أو مكسورة سواء للجمعيات السليم والزبالة للمعدوم....
2* لاتستخدمي من المواعين إلا على قد عددكم مثلا ملاعق .صحون .. أكواب..الخ والباقي ارفعيه فووق علشان تظطري تغسلي بعد كل استخدام احسن من انك تركمي المواعين على أساس راح اغسلها بعدين ...


3* حاولي الأطفال ممنوع يدخلو غرفتك وإذا لابد لصغر مساحه البيت أو لأي سبب رتبي الدولاب بطريقة مايقدرو يكركبوها مثلا الرفوف السفلية رتبي فيها الأشياء في صناديق صعبة الفتح أو على بعض وثقيله عليهم وجوتها أشياء ماتستهوي الأطفال مثل الملابس وخليهم يشوفو وشفيها علشان مايدفعهم الفضل للتخريب وكمان رف العاب مسموح لهم يلعبو فيها ... و الرفوف العلوية الي مايقدرو يوصلو لها في صناديق بدون اقفال وتجنبي صناديق الكرتون والخشب لأنها تجذب الحشرات ..
4* إذا في امكانية جيبي شغالة بالساعات
5*شجعي عيالك يساعدوك وكافئيهم وعاقبي في حال خالفوا وكذا ...مثلا طلبو المكعبات قلي حاضر لكن جمعو السيارت في علبتها الخاصه إذا جمعو واعطوك كان بها ماجمعو لاتعطيهم المكعبات ولاتضربي ولا تصارخي وخليهم يبكو يصيحو براحتهم بس كرري ماينفع اعطيكم البيت بيسير حوسه .... حددي مكان لاكلهم سواء طاولة أو سفرة على الأرض المهم ممنوووع يأكلون في غير هذا المكان المنظبط يأخذ حلاوة بعدها والي مايسمع لك خليه يشبع وامسكي يده وقولي انا قلت بس هنا ناكل شف كيف صار شكل البيت يله تعال وخليه ينظف




6* وأقوى من هذا كلللله بعد كل صلاة سبحي 33 واحمدي33 وكبري 34 بتحسي ببركة الوقت وكان أحد يساعدك سبحان الله


7*حللي فيتامين د والغدة وشوفي لايكون عندك فقر دم


الله يبارك لك في وقتك وعيالك

هلا اختي
أقترح عليك تسوين جدول على حسب اللي يريحك و على حسب الوقت اللي تكونين فيه فاضيه
يعنى اليوم الاحد بنظف مكان الغرف
بكرة المجالس و بعد ....... الخ