انا زعلاااانة من اهل زوجي

السلام عليكم ..اعترف من البداية اني إنسانة لي عيوب ومن بداية زواجي حصل خلافات وواضح اختلاف الاطباع والعادات بيني وبين اهل زوجي ..وانا كنت مشكلجية وزعووولة بس لاني عشت شبه منعزلة عن العالم وعندي شوية ظروف ماكنت اتصرف صح لما تواجهني مشكلة على طول ازعل اقولكم هالبداية عشان اكون حقانية وابغى نصيحة خالصة استحقها ..من تقريبا4 سنوات تعرضت لموقف ومشكلة مرررة كبيييرة قلبت موازين حياتي وبديت الين مع اهل زوجي وماارد على حركاتهم كثيير ..وصرت اطنش مرررة ..ودايم اشوف عيالي قدامي واصبر نفسي واقو ل هذول في النهاية اهل ابوهم ..ومشاكلنا الحين تافهة وماتنذكر واحرقهم حرق بالتطنيش ..لكن عندي نقطتين مزعلتني منهم..بالبداية انا عندي ام مريضةالله يشفيها ارعاها ومرررة ظروفها النفسية تحزن وهي معي بالبيت المشكلة امي تموت على السواليف وهم واضح مو متقبلين امي ومايحبون يسولفون معها كثير وهالشي رافع ضعطي احسهم مستحقرينها وهالشي اشوفه في بعض تصرفاتهم لما يزورونا.يعني يسلمون عادي ويسولفون سواليف عامة الصحة والاحوال ومن ثم يبداون يسحبون عليها مع العلم مو صغار اصغرهم تقريبا35واكبرهم بال50.. و انا من 3 سنوات انتهز اي مناسبة واعزمهم عزيمة حلوة واطبخ بنفس ...ولما يجونا واروح المطبخ ااكون مشغولة يعني يايكون دخل اخوهم فاضطر اقوم مثلا..او اروح اشوف الفرن او اي شي محد يقدم لها الاكل من الطاولةلدرجة انو اجي فجاة واشوفهم مخلصين اكلة معينة بدون مايقدمونها لامي ومايساعدوني بالتقديم..وطبعا امي المسكينة فاقدة للبصر وماتشوف وانا اموووت اموووت من القهر عليها وعلى طول اقول يووه ياامي نسيت احط لك من الاكل ومحد يعلق بكلمة ..طبعا اقصد الاشياء الخفيفة مثل المكسرات وكذا ولا العشا اغرف لها كامل واعطيها قبل لااكل 2يبوني ازورهم زيارة عادية بنفسي وطبعا اكيد امي معي مااقدر اخليها لوحدها بس بدون مايقولون لنا تعالوا وهذا متعارف عليه عندنا مافيها شي لو عزمونا على القهوة وضيفونا احتراما لسن امي ولا لو كنت لوحدي مانتظرت منهم عزيمة ازورهم عادي بس امي يبغى لها تشجيع لظروفها الصحية وهي نفسها تطلع بس شايفة حركاتهم...تخيلوا العام برمضان عزمتهم عزيمة حلوة لدرجة زوجي شكرني وقال لي شفت فلان ياكل بنفس من شدة ماعجبوا الاكل ..وتخيلوا عزمونا برمضان بعد عزيمتنا ودخلنا من الباب ولا حد رحب ولاسلم ..والسفرة حتى ماكان فيها موية تخيلوا بس!!لدرجة زوجي قال شكلهم عازمين مجاملة يردون عزيمتنا وبس ...ادري طولت عليكم بس عشان احطكم في الصورة ..وكمان اخت زوجي الكبيرة ماتجامل ابدا ولا حتى بالغلط تقول زوروني ...وبالمناسبة ام وابو زوجي متوفين ومافي غير اخواتو وبس ...واخر شي لسة من يومين صار عندي مناسبة وسويت حفلة وعزمتهم وزوجي انبسسسط كثييييير وقال لي يعطيك العافية جمعتي خواتي في بيتي ....وسامحوني على الاطالة.