السلام عليكم
اخباركم يازوجات اخبار حياتكم الزوجيه
ظاهره منتشره وااااااجد الا وهي ان الوحده تزعل ووتهاوش مع زوجها
والحل الاول اللي تلجا له "وديني بيت اهلي"
وفالاول تشوف زوجها كلا يكلمها "تعالي"
"ردي خلاص" ومع الايام يطفش ويصير بزعل
او بدون يقطك عند اهلك ولا يهمه وجودك
ليه؟؟!!
انتي سويتي في نفسك كذا
اقرا واجد كلام من بنات المنتدى انها في بيت اهلها زعلانه وزوجها مب سأل عنها
وحابه اي وحده مرت بنفس الموقف تقول لنا ليه زعلانه
اكيد مب ذاك السبب اللي خلاص يستدعي تهجرينه؟!!
اذا كانت الهوشه بينك وبين زوجك جامده كثير لاتقعدين معه في نفس الغرفه لين تهدين شوي
ولا تعلين صوتك عليه لا تكلميه بالمره واذا ماجا يراضيك لا تكلمينه لمده ثلاث ايام يعني كوني
جااافه بس اذا قال شي او سولف ردي عليه بكلمه ولاتتفاعلين معاه
وهو من نفسه بيسألك ليه صايره كذا وش فيك زعلانه وذاك الوقت قوليله
بس "بدون صراخ وعصبيه" قوليله انت سويت كذا وكذا وغلطت في حقي
وقوليله انك تدرين انه مو قصده وانه يحبك بس انتي فالنهايه انثى وحساسه
وزعلتي من تصرفه او كلامه
وصدقيني قولك له انه " مو قصده وانه يحبك " بيخليه لاشعورين يزعل من نفسه ولو كان قاصد اللي سواه اوقاله
بيندم لان بيشوف انتي شلون مصوره تصرفه بطيبه في بالك
وصدقوني روحت بيت الاهل ماتزيد الا الطين بله والام تدخل وتشيش بنتها زياده والخوات
فحلي مشاكلك في بيتك ومع صاحب المشكله فقط ولا تدخلين اي حد بينكم
والله اقولكم هالقصه صارت لي
معي بنت فالجامعه تقول لنا الله يهديها ويصلحها
انها تعرفت على واحد متزوج فالشات يوم قلت لها اتقي الله حرام
قالتلي "كسر خاطري يقول انه فالبيت لوحده وزجته في بيت اهلها"..
هذا طبعا مو دعوة لبث الشك فالنفوس
ولاكن تحذير لانك في هالحاله خصوصا لو كنتي زعلانه بيلعب الفرغ والشيطان فمخه
فليه تفتحي على نفسك ابواب بتتكسر ومابتقدري ترجعي تسديها
مااعتقد ان المشكله اللي بينكم كبيره لدرجه انك ماتقدري تقعدي معاه
وانتي على بالك ان دلعك بيفيد ؟؟
ترى دلعك ممكن يكون سبب في خراب بيتك
فنصيحه للي متعوده تزعل وتروح لاهلها تبطل هالعاده السيئه
وتزعل في بيتها فغرفتها
وبتشوفي بنفسك ان زعلك مابيطول مثل مابيطول لو رحتي لاهلك
طفلة حبيبي @tfl_hbyby
عضوة فعالة
يلزم عليك تسجيل الدخول أولًا لكتابة تعليق.
موضوعك عسل ورائع وجدا في الصميم وفعلا انا متعوده اذا زعلت مع زوجي اقعد في البيت والله ما يتعدى الزعل يوم واحد ومره وحده رحت عند اهلى والله الموضوع كبر وحسيت انى ندمت اني رحت عندهمموضوعك عسل ورائع وجدا في الصميم وفعلا انا متعوده اذا زعلت مع زوجي اقعد في البيت والله ما يتعدى...
تسلمين فديتك انتي العسل
وفي انتظار باقي اراء البنات فهالموضوع
وفي انتظار باقي اراء البنات فهالموضوع
والله انك صااااادقه مشكوره يااقلبيوالله انك صااااادقه مشكوره يااقلبي
العفوا حبيبتي
:27:
:27:
صح كلامك.. بس مين اللي تطبقه.. وكمان هالحركه تزيد الفجوه بين الزوجين لو انها جلست ببيتها تقرب منه اكثر ....
الصفحة الأخيرة
ومره وحده رحت عند اهلى والله الموضوع كبر وحسيت انى ندمت اني رحت عندهم