انا زوجة مملة .. كيف اتغير

السلام عليكم اخواتي الحبيبات

مادري كيف ابدأ
انا متزوجة من عشر سنين وعندي اطفال
زوجي يعمل بمجال مختلط :44:

مشكلتي اللي اعاني منها من بداية زواجي
هي انه يبدو علي اني انسانة جاافة .. مع العلم اني من الداخل مرهفة جدا وعاطفية
الكلام الحلو هذا معضلة بالنسبة لي ..
عمري ماسمعت زوجي كلمة حبيبي ..
ولما اكلمه بالتلفون وهو مسافر مثلا مايطلع معاية الكلام الحلو مع انه بداخلي شي كثير
عشر سنين على هذا الحال
بالاضافة الى اني مش زوجة لهلوبة وماعرف اسوي حركات الحريم وليالي مميزة اصلا ما اهضمها
اناقتي في البيت اقل من عادية .. ما اتقنن في نفسي كثير
حتى رسايل حب .. ما ارسل له ..
باختصار انا مملة .
كنت اظن انه مو ملاحظ او متعود ع كذا
بس امس صارحني بهدوء قالي عمرك ماكلمتيني وسمعتيني كلام حلو
عمرك ماجيتي من نفسك وضمينيني
وقالي انا عارف انك انتي كذا طبعك واحبك ووو بس اتمنى تسوي لي ذي الاشياء
وكلام كثير .. حسيت اني ببكي

من الاشياء اللي اثرت على علاقتي بزوجي هي عمله المختلط فهو محاط بنساء جميلات جدا دايما تصير مشاكل عشان عمله
والسبب ان ثقتي بنفسي مهزوزة
وهالشي خلاني متبلده من ناحيته وماعاد لي نفس ادلعه

تكفون يابنات ساعدوني
ولا تسمعوني كلام يغث
انا ابغى اتغير بس احس نفسي مقيدة
كيف احل عقدة لساني
هل ممكن ان شخصيتي تتغير جذريا
للعلم امي نفس شخصيتي بالضبط
ودايما تقول ما ابغاك تشبهين لي

مادري احس كلامي ملخبط
وقاعدة امتب من الجوال
انتظر نصايحكم
وجزاكم الله خير