آهات رحلة :

تدرين ليه الناس يتجنبوا الثانية ؟؟!!  الانهم ببساطة ما يقدروا يواجهوا الرجل ويحطوا الخطأ عليه  فيبحثوا عن الحلقة الاضعف ليفشوا غلهم فيها  لنفرض ان الزوجة الاولى انسانة ذهب وقفت مع زوجها في بداية حياته وتحملت وصبرت على الحلوه والمرة  وجابت الأولاد والبنات وربت وتعتبت  وشالت وحطت وافنت اجمل سنين عمرها في خدمة هذا الزوج هو وعياله  وقد تكون سكتت عن خيانته لها او تغاضت عن حرام يفعله من مقاطع اباحية او اوفلام او تغفر له زلات في الشرب او عدم الصلاة  ولما استقر ووقف على رجوله وصار عنده خير من الله وتعدل وضعه وتاب وصااار من افضل الرجال   ما فكر يكافئ زوجته او يشكرها حتى على تضحيتها معاه وصبرها عليه   يفكر انه بعد تعب هالسنين في الكفاح وتعدل احواله من جميع النواحي يحب يكافئ نفسه وانه يستحق زوجة ثانية صغيره تدلعه ويبتدي معاها من جديد  ويقول في نفسه خلاص زوجتي جابت العيال وهي راضية بعيشتها معي ما يفكر انها ضحت وصبرت لا طبعاً  يفكر ان الوضع كان عاجبها وراضية وقنوعة وما يعتبر صبرها عليه تضحية ولا تخليها عن مصروفها تضحية ولا انها حرمت نفسها من الحياة الاجتماعية تضحية ولا انها صبرت على بلاويه تضحية ولا انها ما فكرت تتطلق زمان رغم سوء الوضع تضحية  لا يفكر انها سوت هالاشياء الانها تبي تسويها ما هي مجبورة واذا كانت مجبورة كان تركته وما تحملت  شوفي الرجل يقيس على نفسه الانه غير صبور  في الاغلب  ما يقدر صبر و تضحيات المرأة  فاذا انسانة بهذه الروعة تزوج زوجها الكل يتعاطف معاها  وفي نفس الوقت ما يقدرون يلومونه  فاهمين الشرع خطأ وان من حقه  مع ان الله لا يرضى بالظلم  والانسان يظلم نفسه دائماً  بدل ما يوجهوا اللوم له  يدوروا الحلقة الاضعف في الموضوع  وهي البنت الي بيتزوجها  ليه توافقي وليه تبني سعادتك على تعاسة غيرك  وهجوووووووم قووووي عليها  وقد تكون هي نفسها عانت من ظلم الرجل في حياتها من اب او اخ او جد او خال او عم  دفعتها الظروف للقبول بهذا الرجل  ،، الزوجة الاولى بدل ما تلوم زوجها ايضاً تلوم الثانية وتقول خطفت زوجي  يعني كيف خطفته ؟؟!!  دام الدوام الزواج  برغبته  والرجل هو الي يخطب وليس العكس  تلاقي كل حرمة هنا في المنتدى او خارجه ما تحب تنصر الثانية ولا توقف معاها ولا تقدر ظروفها ولا تعذرها من اساس وتعتبرها خرااابة بيوت  الانها خايفة من نفس المصير  خايفة تلقى زوجها يتزوج وفيه حريم يا حلوهم يحبون يطلعوا ان الرجل ضعيف وضحية وانه على نياته وما يعرف في الحريم وان الزوجة الثانية خدعته وجرت رجله  وياااا حراام ومدري ايييش  انتي الآن ضحية لخطأ زوجك  بدل ما الناس تتجنبه اهو وتلومه وتعاتبه  تلومك انتي ويتجنبوك كأنك انتي السبب في الزواج وليس هو  وغير ان اغلب الناس عندهم لبس ويرون الثانية انها دائماً العشيقة  وانها ما تزوجته الا بعد علاقة  او بعد ما عرضت نفسها عليه  عزيزتي اتمنى ان كلامي ما يجرحك بس انقل لك واقع  لنفرض ان زوجك فرضيا اخطأ في زواجه منك وانه ظلم الاولى  يبقى الشي بينه وبينها صح او لا  هو اذا ظلمها او كسرها فكلن محمول بذنبه  انتي مالك ذنب انتي الحلقة الضعيفة في الموضوع  جاك رجل ترضين دينه وخلقه وعشتي ظروف معينة وشفتي الزواج هذا فرصة وتزوجتي ما ظلمتي حد  ولا هدمتي اسرة مثل ما الناس تصور  وصدقيني الرجال لا بغا العرس ما ينتظر وحدة تجر رجله او توقعه وتخليه يتزوجها  اذا فيه اسرة انهدمت او صار شي خطأ  الرجل هو الوحيد المسئول   دامه يعرف ان بيته راح يخرب ليه راح يتزوج من اساس الا الارضاء نفسه الرجل ينظر للتضحيات على انها تنازل بطيب نفس وهو ما يبغى من طيب نفسه انه يتحمل ويعيش الضغط  ويعيش دور الضحية مثل ما اغلب الحريم يحبون هالدور ويتقنوه بتفاصيله  الزوجة تصبر على بلاوي زوجها لكنه ما يصبر اذا قصرت بنوع او بآخر معاه وان كان خارج ارادتها  ولا يصبر لما الزمن  يآخذ شبابها بدري وهو شايف نفسه لسه بقوته  انا لا احب الهجوم على الثانية  خصوصاً الي بوضعك انتي  الان فيه فرق بين زوجة محترمة وبين عشيقة لعوب  اتمنى يكون كلامي واضح ووصلت فكرتي لك اختي  واحتسبي الاجر وتحملي مالك غير الصبر واهم شي بيتك وزوجك وعيالك اذا عندك عيال  الله يوفقك 

تدرين ليه الناس يتجنبوا الثانية ؟؟!!  الانهم ببساطة ما يقدروا يواجهوا الرجل ويحطوا الخطأ...