انا زوجي الشمالي باللا انصحوني ايش اسوي معاه

الأسرة والمجتمع

يبنات ابيكم تنصحوني زوجي شمالي وانا متزوجة من ٨ سنوات وعندي ٣ اطفال مايعرف الرومنسية مليت من حياة الروتين اللي عايشتها معاه عشان كذا ابي اعلمه مدري ايش اسوي هذي الايام صايرة اجلس معاه واحيانا ابي اجلس بحضنة بس اخاف انه يضايق بس احيانا اروح اجلس غصب بحضنة وهو طبعا ما يقول شي
امس مثلا كان يتفرج كرة قدم فانا قريت بالنت اذا زوجك يتفرج كرة روحي اعملي فشار وشجعي معاه فانا حبيت اني انفذ اللي قريته رحت عملت فشار بس جيت ابي اجلس جمبه قال روحي بعيد ريحته تزعجني ويخرب علي تخزينتي هويخزن يابنات مدري اذا تعرفون القات اللي يخزنوه باليمن المهم جلست بعيد عنه وبعدين رحت فرشت اسناني كل ما ابي اجلس بحضنة اقول يمكن يضايق لانه هو ما يناديني اجلس عنده اتمنى بس يقول لي تعالي عندي اجلسي .. مرة يابنات كشخت ولبس قميص نوم حلوو مرة ورحت له قلك برقص له وأروح عن نفسيتة شوي هو شافني قال ماشاءالله بالاول بعدين كمل شغله فقلت له انتبه لي قال تبين ترقصين ياللا ارقصي فقلت له لاخلاص ماله داعي ونزلت وانا مقهورة مرة بعد ماقلت له اي واحد مكانك زوجته تجيه متشيكة وحلوة ماينزل عيونة من عليها قال لي انا مشغول قلت له هذا مو مبرر ونمت وانا زعلانة منه .. بس للامانة الصبح ارسل لي مسج يعتذر وسبحان الله كل ما يزعلني الله يعاقبة ذيك المرة المرور مسكة لان اسرع بالطريق وخذ رخصة سواقتة... اتخيلوا امس جا من الدوام العصر وانا واقفة مرتزة عن الباب عشان احضنه واسلم عليه وهو راح من غير ما يشوفني فدخلت الغرفة قلت له انت ما تعبرني شايفني واقفة ساعة عند الباب عشان اسلم عليك وانت منتبهت لي وجا سلم علي وقال لي انا جاي من الشغل تعبان...
وما يقول لي احبك الا اذا انا قلتها له بالاول لما البس واكشخ ما يقول لي ايش هذي الحلاوة يكتفي بالنظرة وما يتكلم الا اذا سالته وقلت له ها كيف حلو يقول ايوا ماشاءالله ويسكت وطبعا اهلي لما اكلمهم عنه يقولون لي لازم هو اللي يجري وراكي موب انتي ولا تروحين له ولا تقعدين معاه بس حسيت اننا بنبعد عن بعض عايشين بنفس البيت كاننا اغراب وهو عادي عنده وجودي جمبه من عدمه واحيانا لما اجلس جنبه وبنتي جالسة يقول لي روحي اجلسي جمبها شوفيها ولما اقوله بردانة يقول لي شوفي بطانية جمبك البسيها وادفي ههههه عاد انا انقهر من جوا مررررة والله تعبت معاه مو عارفة ايش اسوي اقرب منه او ابعد عنه هذي الايام باديه اعودة على الدلع والكلام الحلو واكون جالسة جنبه اتكلم معاه والا هو طبيعتة سكوتي يكتم مشاعرة مايظهرها وانا قلت بدل ما كل يوم اجلس لوحدي وابكي على حالي احاول اغير من نفسي واغير منه توني بديت من كم يوم معاه وبستمر لين شهرين وبشوفه كيف واذا متعدل خلاص راح انفصل انا يابنات مقدر اعيش بدون مشاعر وهو جاف وبارد عاطفيا آسفة اني طولت عليكم بس من حر ما فيني يا بنات والله يعيني عليه باللا انصحوني ايش اسوي معاه لاني تعبت جد تعبت..
21
4K

يلزم عليك تسجيل الدخول أولًا لكتابة تعليق.

تسجيل دخول

أم نايف💙👑
أم نايف💙👑
الانفصال مو حل
وكثر الدق يفك اللحام
حاولي وحاولي لا تيأسين وربي يحنن قلبهةعلسك ويصير ارمس الرومانسيين
تويجه الزهر
تويجه الزهر
الانفصال مو حل وكثر الدق يفك اللحام حاولي وحاولي لا تيأسين وربي يحنن قلبهةعلسك ويصير ارمس الرومانسيين
الانفصال مو حل وكثر الدق يفك اللحام حاولي وحاولي لا تيأسين وربي يحنن قلبهةعلسك ويصير ارمس...
اللهم امييين يعني تنصحيني الزق فيه يا ام نايف تدرين اتمنى بس لما بجي اطلع من الغرفة يقول لي وين تعالي مشتاق لك .. الله يسمع منك حبيبتي وشكرا على مرورك واهتمامك...
mona raja
mona raja
هو طبيعتة كذا مشاعرة داخلية تبان بنظراتة وتعاملة وتقديرة لك مو شرط يصرف لك حكي اتقبلي طبيعتة مثل ماهو وتكيفي معاه انتو متزوجين من فترة منتو عرسان هذي طبيعة الحياة اليومية روتين العشرة الطبية والاحترام هو اللي يبقى
وتظل الروح مشتاقه💗
طيب حلو إنك عارفه نمطه
خلاص اشتغلي على هالنقطه اقري وثقفي نفسك وصدقيني إذا عرفتي له بترتاااحين




ومن خلال قرأتي لموضوعك اكتشفت عندك أخطاااء
أول شي واااضح إنك شديده الإلتصااق لدرجة مل منك الزوج الشمالي يكررره الالتصااق وايضا يكره الاحتضان
أجل توقفين نص ساعه عشان تنتظرينه وتستقبلينه😪
معقوله ماعندك شغل ماعندك هوايه معينه تنشغلين فيها عنه
اذا شافك مشغوله بنفسك هو بنفسه بيفقدك


وثاني شي خطاء خطاء تقولين له هاه شرايك في لبسي هاه أعجبك لبسي او صبغة شعري أو شكلي
كذا تبينين له انك مو واثقه بنفسك وتنتظرين رأيه


والخطاء الثالث لاتقولين له قولي احبك أو تقولين له تحبني انتبهي






ونصيحتي لك لاتفكرين بالطلاق لان هالنمط رااائع وعنده مسؤوليه إذا فهمتيييه


وحبه لك أفعااااال يعني اذا جاب لك أغراض أو طلعك اي مكان هذا تعبير منه على حبه لك🥀
ورده كورشيه
ورده كورشيه
اجل خرب تخزينتك ها متخيله شكلك لحيك مثل ركبتي من القات ولابسه ثوب نوم ياخي نادو ابو لهب