انا سبب مشاكلي

السلام عليكم
بنات مشكلتي هاذي مضايقتني جدا
انا لساني طويل حتى مع زوجي ارد على الكلمة ب 10وهو دائما ينبهني على هالشي وكثير يحاول يظبط أعصابه بس مشكلتي اذا مارديت مارتاح تعودت اكون مدللة ببيت أهلي وكلامي محد يكسر ه ممكن هالشي هو اللي مخليني أتعامل مع زوجي بالأسلوب خصوصا بعد موقف قوي حصل منه
آخر موقف حصل لي وخلاني اكتب الموضوع هو كنت نايمة وعمل الفطور وتعرفو كيف الرجال لما يعمل شي لو بسيط يقلب الدنيا ويحوسها دخلت لقيت المطبخ كارثة طبعا انا لسى مانتبهت انه عامل فطور لي رحت جيت له وهو مبتسم قال إيش رأيك ب الفطور
قلت والمطبخ مين ينظفه قال بمزح انتي طبعا
انا وقتها تعبانه من أطفالي عندي بنت وولد حديثي الولادة ومحتاجين اهتمام وفوق كذا دراسة واطفالي جبتهم لولادة مبكرة وعانيت معانة لحالي وعمري صغير
المهم غلطت بحقه وسبيت رغم أني عارفة غلطي
راح هو قال أنا تحملتك وكل شوي اقول مصير ها تتعدل لكن انتي يبغى لك تربية من جديد
وتهاوشنا وخرج من البيت وارسل لي رسالة انا عند صديقي وماراح اجي اليوم أتمنى تراجعي نفسك وتفكري عدل انا احترمك واقدرك وماكنت ابغى أوصل لهالمرحلة في الكلام معاك والنهاية قدرك فوق راسي وانتي أم عيالي اذا حاسة نفسيتك مو تمام ارسلك لاهلك كم شهر تريحي
وانا ماودي اروح الكويت واترك دراستي أجلت كثير
ادري كبرت الموضوع لكن نفسيتي كثير تعبانة