dubai2 :

انتي صاحبة القرار أولاً و اخيراً والله كأنك تتكلمين بلساني حالتي نفس حالتك بس الاختلاف اني اكبر عنك ب3سنوات نحن في الاصل متجنسين و ابوي ما يزوج بناته إلا من نفس جنسيتنا الاولية تعرفون الحضارم خواتي اللي قبل تزوجوا يمنيين و سلموا جوازاتهم و رجعوا للجنسية الاولية و حالته ازواجهم أقل من الوسط بالنسبة للحياة اللي كانوا عايشينها في بيت ابوي و راضيين بنصيبهم و تعبانين من الاقامات و العلاج و الدراسة كل شي بفلوس الحين جاء دوري و انخطبت من واحد جنسيته غير عربية وله اصول من دولة خليجية انا وقعت في حيرة مثل حيرتج اتزوج الوافد و لا اعنس استخرت و استشرت و ما زلت (الكل يقول وافقي ) انا لو علي برفض بس مضطرة اوافق لان حريم عيلتنا كلهم عندهم تاريخ مرضي طويييل مع تليفات الرحم و من ثم العقم انا سويت عملية قبل كم شهر و نصحني الدكتور بالزواج باسرع وقت ممكن هذا الشي لخبط لي كل حساباتي و مضطرة اوافق (لأسباب صحية و لأني عنست ع قوله اللي حولي و لأن امي تبا تشوف عيالي لأني بنتها الوحيدة و لأن ابوي يبا الفكة و و لأن بنتات العايلة يبغون عرس ههه لأسباب وايد كلها إلا اني مقتنعة احس اني مغصوبة حتى الجهاز امي تنزل السوق و تشتريه مالي خص في اي شي الشي الوحيد اللي سويته اني رحت قست فستان العرس و بس ) بعد الاستخارة خفت اني أؤثم لاني رافضته و هو على خلق و دين استشرت شيخ قالي توكلي ع الله و اسعي في الموضوع و هذا اللي صار و اللي كاتبه ربي بيصير نصيحتي لج ما بقول انتي صغيرة و لا انتي كبيرة سن الزواج هالايام مب مثل قبل يعني بعدج عندج فرصة تقولين بتتزوجين عشان العيال من حقهم عليج توفرين لهم الحياة الكريمة و المريحة مثل غيرهم لو تزوجتي وافد بتحرمينهم من ابسط الحقوق مثل التعليم و الصحة كل شي بفلوس بس لو خذتي السعودي كل شي توفره الحكومة بالمجان هذا غير المعاير من اقرب الاقربين لعيالج عيال خالاتهم و اهلج صدقيني هالكلام و التصرفات اشوفها بين عيال اخوي و عيال اختي اللي ما خذه الوافد لدرجة ان ولدها يقول انا ما احب ابوي لانه يمني و اوفد يسالها ليش ما تزوجتي مواطن عندي سؤال شو رأي اهلج موافقين ؟

انتي صاحبة القرار أولاً و اخيراً والله كأنك تتكلمين بلساني حالتي نفس حالتك بس الاختلاف اني اكبر...