انا سليمه طبياً مشكلتي حسد الارحام ادخلوا تكفون وساعدوني

السلام عليكم ورحمه الله


خواتي بكتب لكم مااعاني منه واتمنى ان التمس منكم المساعده والدعاء تكفون
انا معي حسد بالارحام مايسمى (القرينه او التابعه ) متزوجه من 14 سنه ماخليت شيخ يرقي حرمه ترقي تعالج ادويه شعبيه حتى الكوي اكتويت مع ظهري وبطني والى الآن وضعي زي ماهو 💔
مااحمل نهائي وان حملت باطفال الانابيب اجهض يتوقف نموه على 3 اشهر بدون سبب طبي وانا سليمه طبياً الحمدلله مافيني شي لدرجه الاطباء مستغربين من حالتي
انا في كل عمليه حقن بعد ترجيع الاجنه اتحلم بصرصور يطالعني او يلحقني و وزغ وتفشل العمليه او اجهض واخر عمليه قبل اسبوعين كنت على رقيا بعد الفجر وقراءت سوره البقره كامله وتدهنت بزيت مقري وشربت ماء زمزم واكلت تمر عجوه وتمددت بجنب سجادتي وجلست استغفر وغفيت ماصحيت الا على (حلم اول مره اتحلمه )مجموعه رجال بدون ملابس وجماع من واحد بالحلم كأني اعرفه و من قوو الألم حسيت بمغص الدوره قوووي وصحيت وبداء الدم معي عرفت ان العمليه فشلت ...الله يعوضني خير
مع العلم استخدمت السدر شرب واتسبح فيه الزيت المقري الرقيا ماء زمزم قراءت سوره البقره كل ليله التحصين والاذكار واستخدمت المر من العطار ابالخيل ...كل ماكتب بالمنتدى جربته ورحت لحريم يعالجون ويمرخون كثير وسويت حجامه واستخدمت كورس هيفاء وخلطه الرومي والى الان انتظر فرج ربي ....
(عندي نبض بجنب السر يسار تقولي الممرخه انها ذي التابعه شوفيها تنبض .. مرات تخف ومرات لا تلفت اعصابي منها)
تكفون اللي تعرف شي ولا مرت بنفس الحاله او تعرف احد كان مثلي وتعالج ولا رقية تفيد حالتي او اي شي تساعدني وتبرد قلبي العمر يجري اتمنى طفل معافى لاكبرت يشيلني ...راح عمري وانا بعمليات الانابيب ابغى احمل طبيعي واعيش حياتي مثل باقي الحريم ..زوجي اشوفه يتقطع على الاطفال