انا سوريه و افتخر

السلام عليكم و رحمة الله و بركاته

بعد ما قرأة موضوع من يعيد سواد شعري طار النوم من عيوني و تزكرت اهلي اه و حبيت اكتب و فضفض لأن والله قلبي محروق من مين بدي أبدأ والله القصص ماله نهايه والله االمستعان

خالتي لأن ابنها انشق عن الجيش طلبوا بنتها يلي عمرها 15 سنه بدال اخوها تخيلوا رح احكيلم القصه اجوا لعند خالتي الشبيحه قالوا لها هون بيت فلان يعني ابنها خالتي خافت قالت لا ما هون و راحوا قالت لبنتها قومي لبسي خلينا نهرب قلبي ما مطمن بعد ما طلعت خالتي من البيت رجعوا الشبيحه و اقتحموا البيت و اعتقلوا زوجها يلي ما كان موجود ولا بيعرف القصه قالوا له سلمنابنتك قلون ما بعرف وين بنتي ضربوه و لما ما عطاهم معلومات عن البنت طلعوه خالتي رجعت على بيتها و بنتها حطتها عند ناس منعرفون و بيوم من الايام اجا ابن خالتي على البيت بالسر هو و شباب من الجيش الحر اجا يطمن امه على حاله بس في حد شافه و راح بلغ عنه الشباب في منهم ماتوا و في منهم تصاوبوا و ابن خالتي تصاوب من عدة اماكن في جسمه و بفضل الله تم نقله الى تركيا لأن حالته خطره و مابيقدر يفوت على المستشفى بسوريا حتى ما يمسكوه الشبيحه بعد فتره دق على امه و قال لها والله لارجع و اخود بتاري منون و ما عاد سمعنا عنه خبر من شهور...


اما قصة اختي اول الثوره السوريه اتصلت فيني الفجر بتمام الساعه اربعه كانت عم تبكي و عم تصرخ قلت لها خير قالت عم يقتلوا الناس قلت لها طولي بالك وين زوجك عطيني احكي معه قلت لحالي بقول لزوجها يبعد اختي عن هل احداث بس ردت علي و قالت زوجي من يومين ما عم يقدر يوصل على البيت و انا هون لوحدي مع بناتي انا حاولت هدي حالي و هديها قلت لها شو عم تشوفي قالت قتلوا والله قتلوا الزلمه و زتوه بالشاحنه صرت عيط عليها بعدي عن النافذه ما عاد تشوفي فوتي قالت ما بقدر حرام الناس عم تموت انا بهل موقف ما عاد اقدر احكي رميت التلفون و صرت ابكي من الخوف هي انا يلي هون بالكويت كيف اختي يلي بسوريا و قدامها هل موقف ...

اما قصة اولاد اختي الصغار يلي المفروض يكونوا عم يفكروا بالعبه بتعرفوا شو قالولي لما حكيت معون ؟؟

قالت لي بنتها انا و اختي منخاف نام جنب باب البلكون قلت لها ليه يا قلبي قالت بخاف الشبيحه يقتلوني !!!

طفله عمرها تلت سنوات خايفه من القتل انا لما سمعتها هيك عم تحكي ما قدرت اتمالك نفسي و صرت ابكي حتى ما قدرت حسسها بالأمان...

اما اختي التانيه كانت حامل و اجت قزيفه على عمارتها و ضربيت منزل الجيران تخيلوا صوتالقزيفه و صراخ الناس و اختي حامل !!شو بيكون صار فيها رح اترك خيالكم يتوقع موقفها !!!!

انا اذا سمعت العاب ناريه بخاف !


خلينا نحكي عن بنت عمي يلي كانت قاعده في بيتها بأمن الله و قاعده على الكلبايه و حاملة ابنها و فجأ اجت رصاصة جنبها !! و الحمد لله الله نجاها ما اجت عليها او على ابنها بس تخيلوا الموقف كيف مرعب..


ولا نحكي عن زوجة رفيق زوجي يلي كانت هي و حماتها و اولادها و سلفتها في البيت كان عددهم 7 هدم البيت فوق رؤسهم .. مو المفروض البيت يكون مركز حمايه طيب شو عم يصير لكن ؟؟


رح نحكي عن اخوه لزوج اختي ياسر يلي عمره 17 سنه اعتقلوه و قالوا لأهله انه مات حتى ما سلموهم جسته و ما السبب ؟؟ السبب انو عم يطلع مظاهرات اعتبروه ارهابي!! ركزوا الطفل ما اتعده سن ال18 حسبي الله و نعم الوكيل امهه للولد عم تنتظر ابنها لحد هذه اللحظه من فتره سألت اختي عن اخبارها قالت لي بالعيد صارت تبكي و تقول طول علي بالغيبه ياسر!!


عن مين احكي احكي عن اخواتي الصغار يلي صار عندهم شي طبيعي انو اشبيحه تقتحم مدارسهم بحجة عم يفتشوا على الأرهابيين (الجيش الحر)!!!

عن شو بدي احكي ولا عن شو لو بضل بحكي من هون لسنه ما بخلص حكي ولا بشفه قلبي من القهر


يا الله مالنا غيرك يا الله