انا سوسو الي كتبت موضوعي قبل كم يوم

هذا موضوعي القديم
https://www.hawaaworld.com/showthread.php?t=451351...الي صار انه كان موعد زوجي مع شيخ الهيئة كان الخميس .. والشيخ ماكان موجود.. انا سويت بنصايح اغلبكم وماسمحتله يحسسني اني غلطانه.. بالعكس قلتله احمد ربك جات على قد كدا .. وقلبت الطاولة عليه .. وطلب اني اعتذر لامه يقلي مريضه والسكر تخربط عليها عشان خايفه عليه من الفضيحه .. قلتله ماترد عليا وليش ادق عليها واحرج نفسي.. ومادقيت.. بس ابغى مشورتكم دحين ... هو تعامله صار كويس معايا وبالعكس قلي انا ما ابغى افرط فيكي لكن انتي حطيتيني في موقف مو حلو عشان كدا كنت بطلقك والحمدلله ربنا اراد يفضحني عشان يمنعني من الحرام واراد ان الطلقات الثلاث الي طلقتك ماتنحسب وانا احبك وابغاكي ومن الكلام المعسوووول.. وكنا كويسين .. وجلس يحلف ايمان مغلظه انه ماجاب سيرتي باي سوء قدام امه وضرتي وانه ما اساء لي وانه يقلهم تصرفها كان بسبب صدمتها.. انا كان في شي داخلي يقلي كذاب بعد مانام دخلت جواله وسمعت مكالمه بينه وبين ابو ضرتي ... فاكرين الرسالة الي قلي ارسليها لضرتك وامي تبيضي وجهي للاسف اني رسلتها.. وضرتي راحت تشتكي لابوها .. وابوها دق عليه يقله زوجتك ايش تبغى من بنتي قله تبغى توضح امور عشاني قلتلها اذا ضرتك اتطلقت حتتطلقي .. انا انصدمت لانه كداب قلي بس بيضي وجهي قدامهم عشان اقدر ادافع عنك!!!!!! المهم ويقول لابوها هي صفر عالشمال وهي انا مهددها بالطلاق بعد ماتخلص دورتها وهي تبغى تنقذ نفسها باي طريقه عشان كدا رسلت لبنتك تعتذرلها وابوها يقله هذي مو زوجة عاقله هذي فضحتك وبهدلتك يقله زوجي عارف هذي ووييين وبنت الاصول بنتك وييين!!!!! وارجع اسمع مكالمه بعدها بينه وبين ضرتي يقلها ليش تقولي لابوكي ليش ماقلتيلي انا اتصرف معاها انا اصلا ما اكلمها ولا اجلس عندها بنفس الغرفة ولاطايقها وكل ما اشوفها اتحسبن واقلها الله يدمررررك!!!!!!! ويقلها هذي الحرمه غلطة عمري خليكي معايا واوقفي معايا انا ندمان اني تزوجتها اصلا وهي تبغى ترضيكي لانه قلتلها اذا تطلقت ضرتك انتي طالق وهي تقله خرجها من حياتي لاترسلي ولا حاجه مرضت امك وسوتلنا مشكلة كبيرة غير الفضيحه وابو البنت وجلست توسوس وزوجي ماقصرررر فيا.. المهم لما صحي الصباح سويت نفسي ماني داريه وهو صاحي ويحضن ومسوي رومانسيه وانا فقلبي اقول ماااا احقرك ... قلتله دحين امك وضرتي ايش مفكرين عني قلي يفكروا الي يفكروه بس انا ماحطلقك انا ابغاكي وانتي حب حياتي رغم تهورك !!!!!


دحين انا حاسه بغبنه وقهررررر ايش رايكم فالكلام الي قاله عني ايش اسوي اطربق الدنيا وطز فالحياة هذي ولا ايش اسوي ؟ انا افكررر اواجهه بالكلام الي قاله عني واصمم عالطلاق