عواطف تركي :

كل تصرفات ابوك وردات فعله اتجاهك نابعه من خوف كبير بداخله ابوك بدأ يشيل همكم وجالس يفكر جدياً في إنه يسعى في تزويجكم وتقريبكم من اقاربكم ظناً منه ان كذا راح يتطمن عليك اما بخصوص الزواج والتواصل مع الاقارب والاختلافات اللي بينكم حاولي تتكلمين مع ابوك بإسلوب مقنع وعقلاني عشان يتفهم موقفك ويخف الخوف اللي بداخله اشرحي له انه صعب على كبر وبعد كل هالقطيعه تنجبرين على المبالغه بالتقرب منهم ومجاملتهم بدون سبب قوي وفهميه انك ان شاء الله ماراح تقطعين رحمك معاهم لكن مو شرط ان التواصل كل اسبوع لا بينكم سواليف مشتركه ولا ميانه لدرجة تحسين نفسك دخيله عليهم اشرحي له اللي بخاطرك وخليه يتطمن مو شرط الاهل والاقارب يشيلونك ويلمونك بعد أمك احياناً الاقارب هم اللي يسببون مشاكل واذى الامان والاطمئنان والقوه بالله سبحانه وتعالى مو عند البشر انتي مو غلط ولا ابوك غلط لكن حاولي تتفهمين وضع ابوك النفسي والفكري وخذيه باللين والاقناع

كل تصرفات ابوك وردات فعله اتجاهك نابعه من خوف كبير بداخله ابوك بدأ يشيل همكم وجالس يفكر جدياً في...