انا شاعره ولازم يكون لي كلمه هالوقت

بسم الله راح اكتب على راحتي عشان اكون بعيده عن التصنع انا وحده اكتب قصايدي هنا فحوا عندي مخزون شعري ومجتمعي القريب منغلق شوي ومايفضلون نشر المراه وعلى زمن المجلات والجرايد ياما حلمت اني انشر لكن ماكنت اقدربسبب اللي حولي بعد النت طلبت من وحده من البنات تزين لي ذا الاسم وعطتني اياه والرقم السري وشرين جوال يقدر يدخل ,,دخلت وكتبت شعري ولا من شاف ولا من دري>>بتقولكم قصتها قبل
المهم مايعنيكم اني اسم هنا من مجموعه اسماء يعني ما اجامل احد وما انافق على حساب نفسي,,لكن اؤمن بالولا والبراء وانا هنا,من منطلق الولاء لله ورسوله ولائمه المسلمين وعامتهم,,بنات عمري ثنين وثلاثين سنه من طلعت ع الدنيا انا عايشه فامان وانقصنا الابعض الاشياء اللي ماتهز الدنيا مرينا بخوف بسيط يوم كنت مراهقه,,ايام ازمه الخليج بس تكاتفو الرجال وعدت الزعزعه اللي صايره حولنا الان وش علينا منها ليه نحاول نقلدها ونجيب التعب لانفسنا وانا مرتاحين يكفي ندعي لهم ونحاول نساعدهم باللي نقدر عليه يعني مايكفي اللي حولنا نجيب البلا لانفسنا ليه مانتعض هم وش حصلو غير ذبح رجالهم والموت ودمار الارض غير كذا انا وش ناقصنا لاتجي وحده وتقول ناقصنا كثير يعني اذا تضاهرنا بتنحل بالعكس بيصير ناقصنا اكثر ياناس اعقلو واحمدو ربكم على نعمته وتراي ماني بطرانه ولا احكي من فراغ بالعكس انا شخصيا حالتي ماشيه يعني انا وزوجي وعيالي الثلاثه فغرفه حمامها فيها مع اهله خريجه ثانوي لاوضيفه ولا راتب واهلي امورهم ماشيه ابوي شايب عند ابله يستل شون وامي كذالك
وماشيه امورنا ناكلرز ولحم واحيانا رز لحاله والعشا قرص وقانعين وخير ونعمه اغلى ماعندي جوالي اللي ادخل به النت اي ثلاثه وستين بسبع ميه جايني هديه قطيه من خوات رجلي ادري فيه ناس اقل مني ولاكن لو فكرنا حتى فزمن الحلفاء كان فيه فقر وكثير القصص اللي تدل عليه وعمر المضاهرات ماحلت مشكله الفقر وبعدين وش نرجي غيرالله ثم ال سعود اقسم بالله انهم حكام يملون البشوت اهل خير ماجاهم احد بطلب ولا شفاعه يقدرون عليها وردوه يتلمسون الخير وينه ويبذلونه بسريه مااقول كاملين ومن هو اللي كامل بس ياحيهم وحي ريحهم ياناس شفتو عبدالله وهو يبكي مع اطفال الشهدا حاكم يبكي هل هو يتصنع مثلا واذا كان يتصنع من يتصنع عشانه سلطان وهو ينزل راسه ويحي راس الجندي من كان خايف منه الا والله تقدير واحترام لشعب سعود الفيصل كبريائه اللي ورثه من فيصل جعل ابوه فالجنه يرفع الراس وسط الوزر اللي مثله نايف جعلنا مانبكيه وكلامه اللي قريته اليوم يوم يقول شعب يرفع الراس من اللي جابره عليه الا الوفا ,,امس ابوي كان جاي من ابله كنا جالسين عنده فالمقلط ونتكلم عن الوضع قلت الحمد الله والله اني كنت خايفه من البطره قال وهو الشايب اللي لايقرى ولا يكتب ولا حوله غير عياله يعني ماعنده احد يعلم الحكومه تعطيه وسام وفاء ,,,هذولا خبلان غاضب الله عليهم>>يقصد اللي يدعون للمضاهره ,,الواحد يروح ويخلي اهله وهو وامن عليهم,,يابنات وعو اللي حولكم ترا كلام الحريم ياثر على الرياجيل وانتو عارفين
صح انا نبي ونبي بس الخير مقبل والعوض ولا القطيعه,,والله لايصير شي ان نغدي طعام كلاب كل يبي ينهشنا
بعدين هاللي مضيع الله دليلهم مااقنعهم كلام المطاوعه ولاهم بعد منافقين ياناس قيسوها بعقولكم الشيخ عبد العزيز واللي مثله بيبيعون دينهم بدنياهم وبعد من هو الحاكم اللي/لقب نفسه بخادم خادم الا اللي يرجي اللي عند الله وبعد خدمتهم للحجاج والمعتمرين والملايين اللي يصرفونها كلها ننساها عشان زياده ماتذكر وكماليات نقدر نستغني عنها ايضا انا عندي ملاحضه اللي يكتب فالنت صحيح محد عارفه ولاحد بيوصله بس هل يعجبه انكم تشوهون صورتكم قدام الدول الثانيه اذا بليتم فستترو يعني لاتحكون بخبالكم يضحكون عليكم الناس فيه ناس تقرى غيركم
ادري طولت بس كبدي منفقعه خلني ابردها واسم في نت من مجموعه اسماء محد عارفني ولا من شاف ولامن دري
سلام