a7laaa @a7laaa

عضوة نشيطة

انا شاكه بصديقتي بالدوام

حبيت اطرح عليكم موضوع حيرني وصراحه احس انه اخذ من تفكير كثير من يوم الاربعاء
عندي صديقتي بالدوام بنت حليوة وطيبه وصراحه انا اثق باخلاقها يوم الاربعاء حسيت انها متضايقه
وباين عليها انها قلقانه طبعا انا كل شوي بسالها ويكون عندي احد بمكتبي واسكت وانتظرت لين صرنا لوحدنا قلت لها عسى ماشر يافلانه وشفيك اليوم كنك متضايقه ماهي طبيعتك ضحكت وقالت مافيه شي بس بندر اليوم ماتصل شكله غايب سكت شوي وقلت واذا غايب الله يستر عليه هي تغير وجهه وسكتت
مدري ليش حسيت قلبي ينغزني طبعا رحت للبيت وهالموضوع شاغل بالي امس بالليل تفاجات باتصال منها سبحان الله هالموضوع كان مشغلني سالتها بالله وشفيك يوم الاربعاء قالت بس متضايقه ان بندر غايب قلت لها وش عليك منه يغيب او يجي قالت بس اتضايق اذا مر يوم ماسمعت صوته تدرون حسيت كان احد كب علي مويه بارده على وجهي قلت ليش بينكم شي بامانه قالت لا والله بس عشان الشغل قلت الشغل يتاجل الرجال متزوج يمكن تعبان او زوجته تعبانه او عياله تعبانين مع العلم اني مادري هالبندر متزوج او لا بس بغيت اخليها تفكر ان اللي يربطنا ببندر الشغل يعني المفروض مايشغل تفكيرنا اذا جاء او غاب وقلت لها ترا عيب احد يسمعك تقولين هالكلام بعدين يصيرون يشكون باخلاقك وباخلاق بندر الرجال محترم وماعمرنا سمعنا منه شي والا انت سبق قالك شي قالت لا ورب البيت ماقالي شي بس تعودت كل يوم اسمع صوته المشكله يابنات اني اعرف بندر هذا قبل ماتتوظف صديقتي هذي شاب طيب وحليو باين من تصرفاته ان مو راعي لعب او راعي حركات وصخه حتى انا ماخذه في بالي انه ضعيف شخصيه تخيلوا يابنات اذا طلبت منه شي يقول ابشري وهو اعلى مني واقدم مني بالشغل مدري ليه صرت اشك بصديقتي وببندر غير كذا قالت لي تصدقين ارسلت له رساله على جواله عن الشغل ومارد علي قلت خيررررررررر ترسلين على جواله وش تبين فيه بعدين افرضي ان زوجته قرات رسالتك ممكن تجيبين مشاكل للرجال ترضين لو زوجك زميلته بالشغل ترسل له شي اذا مارد على مكتبه اعرفي انه غايب خلاص الشغل ينتظر لين يداوم مافيه شي مستعجل رغم اني اعرف بندر هذا الا اني افكر وش خلى صديقتي تلتفت له وش بينهم احيانا افكر اكلمه واحيانا اقول اذا كلمته يمكن افطنه ان البنت معجبه فيه او تحبه واحيانا اقول انا وش علي منهم بالطقاق وش رايكم وش تنصحوني فيه ؟

يلزم عليك تسجيل الدخول أولًا لكتابة تعليق.

تسجيل دخول

ausi • 18 سنة

انا اشوف انج ما تعيرين الموضوع اي اهتمام’بعدين يكبر الموضوع’خليهم ولا تدخلين نفسج في مشاكل انتي في غنى عنها.

soolaf • 18 سنة

هلا حبيبتي انتي نبهيها هي وانصحيها الله يهديها يارب
جزاك الله خير حبيبتي وكثر الله من امثالك
دمتي بأفضل حال وبراحة بال إن شاء الله

(alwan) • 18 سنة

ما لك الا تنصحينها وتخلينها ماتفكر فيه ..

ولا هو لا تقولين له شي

مايكبرني لقب • 18 سنة

مدري والله احس الموضوع مو كبير وماشفتي شي بعيونك

انصحك اشتري مخك وريحي بالك

وماعليك من احد

**نجمة سهيل** • 18 سنة

هو البلا من الحريم
ونتي انصحي صديقتك انها تبتعد عن الحرام ولاتصير شيطانه
الرسول عليه افضل الصلاة واتم التسليم قال بما معناه مو حافظه (ماتركت بعدي فتنه اشد من النساء على الرجال)