انا شبة يائسة من ايجاد عجينة السينامون هذي لكن محاولة أخيرة

شوفي ياقلبي أنا أسويها والكل ينجنن عليها حتى بعضهم مايصدقون أنها مصلحه بالبيت

وعجينتي نفس عجينة الفطاير


بس السر

أني الزبده اللي ادهنها على العجينه ماأذوبها على النار بس أخليها تذوب على حرارة الجو
يعني أطلعها من بدري


وبعدين أخلط معها القرفه والسكر وأدهن أدهن والفها ثمين >>>>وحده متحمسه

أقطعها بالخيط موبالسكين


وبس وأي إستفسار آخر أنا حاضره

وعجينتي اللي أستخدمها أغلب الأحيان (عجينة العشر دقايق)رهيبه

شوفي اختي هالعجينة أخذتها من موقع أجنبي وسويتها وطلعت مرة حلوة ..
المقادير:

كوب حليب
كوب ماء
نص كوب زبدة>>> أنا أستخدم بدلها الشورتنينج زي ( كريسكو ) بس ضروري يكون يازبدة أو شورتنينج ..
ملعقة صغيرة ملح
كوب سكر
6 أكواب دقيق ( لجميع الإستخدامات )
ملعقة طعام خميرة
2 بيض

سخني الحليب وارفعية من النار ثم ذوبي الزبدة بحرارة الحليب..
اضيفي الماء واتركيها شوي لين يبرد او يصير دافي مو حار ..
اضيفي البيض والملح والسكر والخميرة وكوبين من الدقيق واعجني
واضيفي في كل مرة نص كوب ..
الى ان ينتهي الدقيق ويكون عندك عجينة ..
اقسميها نصفين واتركيها ترتاح لمدة 10 دقايق على سطح مرشوش بالطحين ..
بعدين
رشي طحين وافردي نصف العجينة بطول 12×9 سم وضعي عليها ربع كوب زبدة مذوبة و كوب من السكر البني ( ضروري بني ) مخلوط مع ملعقة دارسين ..
افردي خليط السكر والدارسين زين بس اتركي قليل من طرف العجينة نظيف عشان تتسكر لما تلفينها ..
لفي العجينة بقوة وبإحكام :) وقطعيها >>> أفضل الfloss بالتقطيع ..
سوي نفس الشي مع النصف الثاني من العجينة ..
ضعيها في صينية مدهونة ..
واتركيها مدة 35 دقيقة لين ترتفع ثم اخبزيها على درجة 375 فهرنهايت او 190مائوية لمدة 25 دقيقة لين تتحمر زين وتستوي ..

الfrosting :
كوبين سكر بودرة
علبة جبنة كريم ( زي فلاديلفيا )
ملعقة زبدة
نص ملعقة صغيرة فانيليا
3 ملاعق حليب (سائل )

تخلطين السكر + الجبنة + الزبدة + الفانيليا وتضيفين الحليب لين تتما سك ..
ممكن تحطين روح الليمون اذا عندك يطلع مرة حلو معها .. وتحطينها لما تبرد الرولز ..


:) وعلى فكرة أنا أسوي نص المقادير واستخدم اكوب القياس فتطلع معاي ممتازة ..
يعني إذا كان عددكم قليل استخدمي نص المقادير راح تطلع لك 12 حبة ..
وبالتوفيق >>>>> ترى تعبت وانا اترجم .. سويها احسن لك :42:

الله يجزاكم الجنة يا صوووووصه والبدره

البدره ولو اهم شي لا تزعلين وان شاء الله اجربها

صوووووصه كثير مدحو عجينة العشر دقايق ومن زمااااان جربتها ماضبطت معي
لكن متحمسة اجربها ثاني ان شاء الله

ومنكم نستفيد

عمري ابحثي هنا بالقسم عن عجينة الاخت هند صراحه جناااااااااااااااااااااااااااااااااااااااااااااااااااان يوه شئ غير طبيعي طريه هشه تهبل جربيها ومو خسرانه وادعيلي تكفين ولو اعرف احط الرابط حطيته بس مااعرف