لا حول ولا قوة الا بالله يختي انتي اللي قاعده ترسلين لنفسك و عقلك طاقة سلبيه و بالمقابل طاقتك السلبيه هذي تنعكس على كل شخص يشوفك لو انتي تمدحين نفسك كل ما شفتي المرايا كان وربي كل الناس بيشوفونك الطف من خواتك و بعدين ترا انتهى زمن الجاهليه اللي تكون مقاييس الجمال فيه البياض و الشعر انتهى الحين يا عمري كل الالوان و الاجناس فيها جمال بس احنا ما نرضى بنفسنا رحت امريكا والله ماشفت وحده محبطه نفسها الشقرا حلوه و البيضاء الحلوه والسمرا حلوه و السودا حلوه لا تدفنين نفسك الناس ما صارو يتمادون عليك الا لانك انتي مو واثقه بجمالك و بعدين الجمال ماله شغل بحب الزوج و الزواج و الحياة السعيده هذي كلها ارزاق من ربك شوفي الفنانه وعد سمارها قوي بس جمييييله لان شخصيتها حلوه و ملامحها تهبل و عارفه لنفسها صح و ابشرك يخطبونها أمراء من آل سعود يعني عمرك لا تقرنين الجمال باللون اهتمي بنفسك و اكلك و خلطات و زيوت ربي ما خلقنا بشعين ابد لا تعترضين على خلقة ربك و ادحري الشيطان 🌷

حبيبتي دامك تشبهين نفسك بفرح الهادي
خلاص سوي نفس طريقة ماكياجها وضبطي شعرك مثلها
وبيكون لك ستايل مختلف عن خواتك
مو لازم تكونون نفس نوع الجمال

اغلب الحلوات الي انتي حاسدتهم حياتهم خايسه
وكلها نكد وغثى
بس انتي تشوفين الظاهر ولا تدرين عن المستور

اعرف لك وحدة كانوا اهلها يتمسخرون عليها لانها مو جميلة
فانقهرت عليها جدتها ودعت لها دعوة حلوة بان يتزوجها واحد يعزها ويكرمها ومايشوف غيرها
وربي استجاب لها وماشاءالله عاشت حياة سعيدة وهنية معه وجوها بنات جميلات ماشاءالله على ابوهم ومشهورات بجمالهم بجماعتهم ،،
فالزواج توفيق من الله ونصيب ماله علاقة الجمال ابدا
بالعكس انا اشوف ان الجميلات هم اللي حظوظهم طايحة بالزواج يتزوجون لكن تكون حياتهم مو موفقة

حبيبتي شوفي انا فهمانة شعورج لأني انا بعد كنت احس تشي
اخواتي شقر وطوال وخشومهن صغار وبشرتهن صافية على امي وانا سمراء وشعري جعد وقصيرة وبشرتي موب حلوة و اقصر شي على الرغم اني اكبر وحدة وهالشي كان محطمني ..
نصييحة اهم شي واول شي نمي ثقافتج تعليمج احفظي قرآن ادخلي جامعة او اشتغلي يعني سوي انجاز احسن منهن وتميزي وبهالطريقة لو حد قارن بالشكل تقدرين تردين عليهم انا هالشي رفع ثقتي بنفسي واايد صت اقول "الجمال شغل رب العالمين انتي شو سويتي لا شغل ولا دراسة ولا حفظ قرآن"
تلقائيا بيشوفونج من مكانتج الثقافية وما بيقدرون يقولون شي لانهم بيعرفون ان انجازج اهم من اشكالهم صدقيني


ثاني شي المكياااااااج والله قعدت 4 سنين وانا احاول اتعلم من النت واطبق على نفسي واصييح لانه ما يضبط بس اغصب نفسي وكانت امي تسمعني تعليقااات الله يعين بس انتي اصمدي وكملي تحاولين واهم شي بالمكياج هو رسمة الاي لاينر مع الظل وتعرفين تركبين رموش ويكونو حواجبج نظاف والله,الحمد لله الحين كلهن ينبهرن مني بالمناسبات ويسألني كيف تعلمتي الميك اب واذا مسوية بصالون او لأ
والتصوير له فنون حاولي يوم تصورين ترفعين راسج اذا ذقنج صغيرة وخشمج كبير او لو كان ويهج طويل يبين دائري اكثر و تصغرين خشمج ويكون الاضائة على وجهج تبينين ابيض من الطبيعة ومشرق طبعا يباله تاخذين الف سيلفي تا تعرفين زواياج بس هذا اللي تعلمته وبعد اضائة الشمس تجنن للصور او الضو الاصفر يخفي العيوب
وشوفي دكتور الاسنان يمكن يبالج تقويم لان شكل الاسنان اذا خرب بيأثر بالفك والشفايف صدقيني


هاي الاشياء ساعدتني وااايدد وصدقيني كلامج هذا هو مجرد اعذار وضعف وخوف لانج ما حاولتي تغيرين بنفسج ولمتي اهلج وخلقة رب العالمين وما لمتي الاهمال اللي منج هذا الكلام خذيه مني لأني عشت نفسج واايد بس تعبت على عمري والحمد لله الحين الكل يشير لي بالبنان