السلام عليكم ورحمة الله وبركاته




الله عليك يااختي 💔
ماخلق الله قبيح ، ( لقد خلقنا الانسان في احسن تقويم )
الله يشهد انه خلقنا باحسن تقويم ، وكفى بالله شهيدا ♥️


،
انما الناس يااختي درجات ، وانواع
واصلا الجمال نسبي ، يعني فيه ناس بياض وشقار ، مايعجبوني لكم أقرّ ان فيهم جمال ..
فيه ناس اقل منهم جمالا ( وكل خلق الله جميل ) لكن الاقيهم يجذبوني .. سمار وفي ملامحهم الروح ❤️


الفكرة ان جعلتي الناس تقيمك بناءً على ذوقها وهواها هي ورايها هي (( ظلمتي نفسك ودمرتيها ))💔💔
و العن من ذلك ، تسيئين على خلقة الله لك الجميله بدلا من تشكرينه عليها ☹️


اختي وحبيبتي الغاليه ♥️
ناظري لنفسك مقارنة مع كثير من الناس اللي صادفتيهم بالمدرسه ، وقيمي نفسك بطريقه محايده ( تخيلي ان انتي مو انتي وحده ماتعرفينها وقارنيها مع البنات ) بتلاقين ان فيه بنات اجمل منك ، وبالمقابل انتي اجمل من كثييييرات ❤️✨
وهذا امر طبيعي ، فيه ناس ربي معطيهم جمال بالملامح ، وفيه ناس ملامحهم عاديه مقبوله لكن الشعر وجع قلب ♥️❤️
وفيه ناس كله عادي لكن الهيئه فيها رزه ، ومن الله لهم حضور ، وفيه ناس نفس التركيبه توحي انهم شخصيات وعندهم عالم يشهيك تتقربين منهم وهكذا ...الله خلقنا مختلفين ، وكلٍّ ربي عطاه ❤️👌🏻✨
واكرمه بما يميزه ..


لكن انتي دمرّ ثقتك بنفسك ..
كلام الناس حولك ، ومقارنتهم لك باخواتك ( وهذا امر مرفوض )
اذا انتي سمرا وهم بيض و هم شعر وانتي شعر .. فالمقارنه باطله
لانهم قارنوا شكلين مختلفين اصلا ببعض ، زي اللي يقارن البر بالبحر ( هذا عالم وهذا عالم ) هذا سايل وهذا جامد .. هذا له كائنات تناسبه وهذاك له كائنات تناسبه ، ذاك له نباتاته واعشابه و ذاك له نباتات واعشابه المختللللللفه جداً .
انتي واخواتك نفس الشي ، شكل مختلف تماماً ..وانتي شكل مختلف تماماً !!
كيف يقارنونكم ببعض ؟؟
انتي ملامحك وتركيبتك تناسبك وتتوافق مع بعضها وتناسب تركيبة جيناتك اللي تمثل شخصيتك وطبعك
واخواتك كذلك .. حتى لو بعض الجاهلات قارنوا بينك وبينهم تذكري ( انك جميله وبشهادة ربك خَلقك حسن )
وكل ماناظرتي لنفسك بالمرايه قولي هذا الدعاء مستشعره نعمة الله عليك حمداً ، وتذكير لنفسك بالنعمه
(( الحمدلله الذي أحسن خَلقي ☝🏼 ، اللهم كما احسنت خَلقي فأحسن خُلقي ))
وهنا تتذكرين ان الاخلاق اهم من الخلقه ..وهي اللي تجملك


وكم نا يااخوات بالاذكار النبويه من تحصينات من سوء الخلق اللي ممكن تضرنا نفسياً حنا غافلات عنها ❤️✨




،


الشي الاخير ، كما قلت ان الاصل ان خلق الله جميل ✨
مايكون الشي قبيح الا بابتلاء ، تشوّه ، دمامة ، كسر بالاسنان وتسوس ، صفار بياض العيون
وهذي كلها تعتبر امراض تلزم علاج طبي وتدخل ..


اما المواصفات المختلفه الطبيعيه :
(( ابيض ، قمحي ، حنطي ، اسمر، بني ، اسود ))
(( قصيره ، طويله ، مائله للقصر ، تميل للطول ، طويله ))
(( عريضه المنكبين ، صغيرة المنكبين ، عريضة الحوض ، صغيرة الحوض ، رقيقة العظم ، سميكة العظم ، عضلي سميك ، عضل ارق ))
(( عيون سود ، عيون زرق ، عيون خضر ، عيون عسليه ))
(( خشم طويل ، خشم قصير ، خشم عريض ، خشم رقيق ، خشم بمناخر صغيره ، مناخر اكبر ، مناخر مرتفعه ، مناخر منسدله ...الخ ))


هذي المواصفات المختلفه كلها تعتبر جميله جداً ..
انما تختلف اذواق الناس هناك من يحب البياض والشقار والعيون الزرق
هناك من يحب السمار والشعر الطويل والعيون الكحيله
هناك من يحب البياض والسواد للعين والشعر ..!!


عادي ، ما شأنك بما يحب الناس ؟؟ كل واحد حر ؟؟🤧
انما لاينبغي لهم ان يؤذونك اذا كانت خلقة اخواتك توافق اهوائهم وتعجبهم ويسيئون اليك ☝🏼❤️
و المفروض انك ماتسمحين (لكن لان شخصيتك متضرره وتحتاج لاصلاح و ثقتك انعدمت ) صعب اقول دافعي
قوي نفسك من جوى اول ..♥️♥️


،
طبعاً حالياً انصحك تبعدين عن من يسيئ لك .. حتى تتعافين نفسياً
اذا صاحبات اخواتك ، فلاتجلسين معهم ولاتطلعين لهم ولاتسمحين لاخواتك ولاتسمعين منهم ينقلون لك مثل هذا الكلام
اذا اقاربك ادي الرحم بالوصل ، سلام واحسان كلمه طيبه وضيافه ( لو ضيوفكم ) ثم انسحبي من الجلسه ( لانها تضرك )
وابحثي عن علاقات طيبه تقدرك وتحترمك وماتضرك نفسياً وناس تحبك لذاتك وتتقبل مظهرك ولاتقارنك مع احد
مافيه ؟؟؟
الله يملك الخلق وقلوبهم سليه ، يرزقك صحبه نافعه صالحه خيّره لاتضرك وتعينك على رضاه ❤️♥️


---


طبعاً فيه نقطه مهمه ، كل انسان عنده مركز جمال ..
ابحثي عن مركز جمالك واظهري جمالك اناقتك ..
ربما عندك عيون واسعه يليق فيها المكياج ويجمّلك ..
عندك جسم له بنيّه جميله > فالبسي (((((((((( مايرضي الله ))))))) ولاتبيعين ريح الجنه ورضاه بناس لو شقيتي نفسك ماعجبتيهم انتبهي ☝🏼💔
( ومن شرى رضا الناس بسخط الله ، سخط عليه واسخط الناس عليه ومن شرى رضا الله بسخط الناس ، رضي عنه وارضى الناس عنه )
البسي لباس يرضيه يجمّلك ويرضى عنك ويصلح بالك وقلبك باذن الله
تنره او فستان طويل واكمام لنص العضد اقل شي ، وطبعا راهي ، والسوق مليان
تلاقين ملابس جميله اشكال والوان


ادرسي نفسك الجميله وتركيبتك وسلي الله يعينك على ان تكونين جميله .. لانه خلقك جميله اصلا 👌🏻✨
لكن لعلكِ ماعرفتي تبرزين جمالك كما ينبغي ..

مو معقوله أخواتك حلوات زي السوريات بياض وشعر حرير وانتي عكسهم تماماً زي الأفريقيات سمار وشعر خشن يعني شطحة جامد بينكم لو قلتي انك من ام غير ولا اب غير كان ممكن تمشي علينا القصه اما كذا قويه مره

لمن اقارن الناس ببعض ..
سهل اني اقبّح فلانه وعلانه
لان الله خلق الناس درجات


،


حتى اخواتك قارنيهم بناس ثانيه تلاقينهم شينات بعينك صاروا
لان مافيه احد كامل ، وفيه ناس الله عطاهم شي وشي اخر لا ( منيرة مثلا )
وناس عندهم الشي الاخر وماعندهم الشي الاول ( نوف لتكن )
⬆︎⬆︎
اذا احب منيرة بناظرها بعين النعمه واغض نظري عن النقص
واذا احب ا نوف واكره منيره ، بناظرها بنعمتها واغض عن قبيحها واقارن اللي نوف بنعمتها بمنيره ونقصها
= (( هذي سياسة الهوى المريضه ))
فلا ينبغي لك ان تهتمين بهذي المقارنات الباطله
واذا انتي ماعرفتي نعمه ربك عليك ، من يفترض ان يعرفها !!
💦🌿


وكما قلت لك ابعدي عن الناس السلبيين
اللي يحسسونك انك شينه ، او تحسين بعدم الرضا بوجودهم عن نفسك ❤️
وبالمقابل اشتغلي على نفسك ، ربما انتي اجمل من اخواتك بالحقيقه
لكن مهمله لمظهرك ، او ماتعرفين تبرزين جمالك
دبه انحفي ، وجهك مو صافي اشتغلي عليه ، تعلمي كيف تبرزين مراكز الجمال بوجهك من غير عبث بالحواجب ✖︎
وهكذا ، البسي الوان تتناغم مع درجة سمارك ..
بالاخير انتي مو بدعه بين اخواتك
اكيد من اهلك اللي شعره خشن ، واللي حنطي واللي واللي ..
واكيد بعد ان طقتك متقاربه من اخواتك !!🙂😊

تعوذي من ابليس يااختي اذا شفتي نفسك شينه بتصيرين شينه بعيون الكل واذا حبيتي نفسك وشخصيتك الكل بيحبك واذا شفتي نفسك حلوه بيشوفونك احلى مو شرط الجمال ملامح اهم شي الاهتمام والشخصيه الواثقه اهتمي بنفسك وتثقفي وحبي نفسك كثير جميلات لكن شخصيه مو زينه واهتمام مافي هذا الشيطان بيوسوس فيك اذا قالو شينه اضحكي وطنشي ماعليك وذا قالو مثل اهل ابوك قولي والنعم انتهى

رحت أجوجل عن فرح الهادي
كانت حلوة والله
حبيبتي كمية سلبيات عددتيها في موضوعك عن نفسك ولا حصلت إيجابية وحدة!!
حرام عليك نفسك يا عسل
والله يا أختي أمي قمة في البياض والجمال وشعرها كستنائي وينادوها الناس الحمرة😬
وباباتي أسمر وشعره كيرلي مع إنه ولد خالتها
وخواتي وإخواني كلهم يشبهوا أمي تقريباً ما عدا أنا وأخوي نشبه أبوي ما عدا لون البشرة حنطاوية
والحمدلله أحب نفسي جداً
بالرغم جيراننا دائماً يقارنوا بيني وبين أختي اللي الأكبر مني لجمالها وشعرها الطويل الناعم لكن عادي أحبها
تزوجنا كلنا ومرتاحين الحمدلله
يعني أنا ما جميلة نفس أختي ( حسب مواصفات الجمال عندك) لكن تزوجت اللي أتمناه
خلي الناس لأنهم ببساطة ما يعجبهم العجب
اشتغلي على نفسك وقوي ثقتك بنفسك وحبيها وقدريها
أزيدك صار عندنا عيال وبنات أختي نفس مواصفات أخواتك
وبناتي شعرهم كيرلي يجنن وبشرتهم حنفية وكل يوم أتغزل بجمالهم 😬😬
الجمال يختلف في كل عين
زوجي من كثر ما أتغزل بنفسي وأرمي بوسات لنفسي 🤓🤓 صار يكرر العبارات اللي أقولها
أعيد إذا ما تحبي نفسك لا تطالبي الآخرين يحبوك
ما حد بيحبك كثر نفسك...
حتى مع طلابي لما أريدهم ينتبهوا أقولهم ( عند العد إلى ٣ .. ننتبه إلى معلمتنا الحلوة 😬😬)