انا شينه شينه بكل صراحه

السلام عليكم
جيت لكم اشكي ك اخوات
ماكنت اتخيل بيوم اني اكتب الشي هذا
انا من سنين اتابع واشوف مشاكل قبل ٧ سنوات
يوم كان عمري ٢٠ الان ٢٧
السالفه باختصار شديد
انا مافيني جمال مافيني اي شي ملفت
وزياده ع كذا ربي بلاني بتشوهات مثل جروح بجسمي وجهي حبوب شباب
شيب بشكل يوحش بشعري ولا اعرف السبب
شعري خشن
جسمي فيه صدفيه
يعني زياده ع شيني ربي باليني بشين اكثر
والله لو اهلي واخواتي كذا اشكالهم عادي سكت
لاكن خواتي وامي ملكات جمال خاصه اختي اللي اصغر مني بتسع سنوات الان عمرها ١٨
ملفته بشكل بياض شعر ناعم جسم بشره صافيه
عيون عسليه اخذه شبهه امي
انا للاسف اخذه شيهه ابوي سمراء وقصيره
وشعري خشن زي ابوي
تخيلو الموقف لما ندخل انا وياها ع اقارب ؟
او صديقات؟
اقسم بالله مره من صديقاتي اول مره تشوف
اختي هاذي شهقت قالت يالله ماتتشابهون!!
اقاربي يقدسون شي اسمه جمال لو اخلاقها
شينه ومغروه يصيرون عبيد عندها عادي
امي تفتخر باختي وتمشي معها بالمناسبات
وانا تتفشل مني
الى هنا متحمله الوضع وساكته
لاكن المصيبه جالسه افكر من بيخطبني وانا كذا؟
من بيقتنع فيني كذا؟
وكيف اهل زوجي بيشوفو اختي وبيشوفوني ؟
زوجي لو فجاه سمع او شاف اختي بيقول
وش هالشينه اللي اخذها
انا وربي صرت اغار من اختي بعذ ماكبرت
مع انها بنت الحلال على نياتها وطيبه معي
بس انا كارهتها بسبب الجمال وبسبب
حب الناس وامي لها عشان بس جمالها
وانا ايش؟؟
والله سالفه من سنين صارت لي
الى اليوم اذا تذكرتها ابكي وكانه صاير الموقف امس
ع ايام الثانوي تعرفو المراهقه
كنت يقالي معجبه بقريبي وادري قريبي
عنده ذوق بالجمال يعني يميز الجميله
من العاديه من الشينه وكنت اعرف انه صايع
وحق سفرات برا ويحب الحريم بس هذا قريبي
كان ملك جمال يعني لدرجه البنات اذا سافر
يرمون نفسهم عليه
المهم اخته عرفت اني معجبه فيه
وراحت قالت له تدرون ايش قالها؟؟
لو اخر وحده بالدنيا ماشفتها
هاذي تعتبر نفسها بنت
انا ماتجيب راسي الا الطخمه واحب الزين
ناقص شيون والله ماتتخيلون الحرق اللي صار لي
بذيك الليل بكيت بكي عمري بحياتي مابكيته
وكثير صارت لي مواقف يوضوحون اني شينه
ويوضحون اني اشين وحده باهلي حتى العيال اجمل مني
وفيه ناس من الاقارب تتصيد بالماء العكر
لانهم يكرهوني فصارو يدقو اني فرق بيني وبين اختي
وفرق الجمال فيها وفيني واني شينه