انا صاحبة موضوع/زوجي وعياله بيجيبون لي الجلطه والجنان

السلام عليكم ياحوائيات مااخفيكم بعد ماقريت ردودكم علي ودعواتكم خففت عني شي كثير الله يسعد كل وحده ردت علي وعطتني نصيحه او راي وللي ماقرأوا موضوعي الاول هذا الرابط حقه
http://forum.hawaaworld.com/showthread.php?t=3822975&page=7

انا كتبت هالموضوع عشان اوضح بعض الامور ولاني ماقدرت ارد على كل وحده لانو الردود كثيره والشي الثاني قررت قرار وودي انكم تشورون علي اسويه والا لا
كثير منكم سالوني عن امهم وليش مايوديهم لها ...امهم مريضه نفسيا ومطلقها بعد ماالحت عليه انه يطلقها وبعد الطلاق قالها انه بيخلي العيال عندها وكل مصاريفهم ومطالبهم بيجيبها لهم لكنها رفضت وقالت ماتبيهم حتى اتصال ماتتصل تسال عنهم واذا زاروها ماتمسكهم يجلسون عندها يادوب ساعه ويرجعون مع انهم مايزورونها الا في الاعياد بس او مره في الاجازه
بالنسبه لبنت زوجي علاقتها رسميه مع امها حتى ابوها يقولها ليش ماتتصلين تكلمين امك قالت له مادام هيه ماتسال عني انا ماابغى اسال عنها
فيه بنات يقولون لاتكلفين عليها بشغل ماتقدر له وانا اقول والله والله يابنات اني مااقوله تسوي شي صعب كل اللي اطلبه منها انها تسوي شغلات خفيفه لاني برضو اراعي انها صغيره في السن ومو كل شي تتقنه
حتى دايم عماتها يقولون علميها الشغل اللي في عمرها شايلين بيوت ودايم اقولهم مابجبرها لانها ماتبغى بس وقت ماتبغى ماراح اقصر معها
واللي تقول اكسبيها وسولفي معها ..انا حاولت معها ومع كل اخوانها في بداية زواجي اسولف معهم واجلس معهم وربي حتى البلايستيشن لعبته معاهم وكنت اجيب لهم هدايا في المناسبات والاعياد بس احسهم مو متقبلين رغم كل شي اسويه احس انهم شايفيني ماخذه مكان امهم فتركتهم براحتهم لانهم يعاندون وينرفزون حتى الشغالات هججوهم
تخيلو وانتو بكرامه عندهم تلفزيون في غرفتهم ويتركونه ويروحون على تلفزيون الصاله وتعالو شوفو المخدات اللي ع الكنب يرمونها ع الارض ويعبونها مناديل واكياس شيبس وكاسات مويه وكراتين عصير
وطول اليوم على هالحاله وربي مافي وحده ترضاها والمطبخ بعد كل وجبه انظفه من والى وامسح البلاط واغسل المواعين ومايمديني اجلس شوي او انام شوي واصحى القى الارض تلصق برجولي من العصيرات المكبوبه واالرز منثر ع الطاولات ..يعني طول اليوم يفترض اقعد اشيل وانظف وراهم غير الغسيل و الكوي والكنس واهتمامي بولدي وطلبات ابوهم والله ماعاد عندي وقت حتى اني اهتم بنفسي
ويوم حاولت اعدلهم ماني شايفه الا العناد والقهر لانه مافي فايده والبنت موعاجبها الحال وبدت تنافخ علي وتدور ع المشاكل
عشان كذا يابنات انا ماعدت قادره اتحمل فقررت اني اكلمه واقوله يجيب لهم شغاله تقوم فيهم وتسوي لهم كل شي من والى وانا ماعاد لي شغل فيهم ابدا واذا مابيجيب يوديني اجلس في بيت اهلي لين يجيب اي شغاله
للمعلوميه هو ماعنده مانع يجيب شغاله لكن يقول يبي اندونيسه عشان عياله يتقرفون من الصوماليات والاثيوبيات ومالقينا اندونيسيات ماعاد فيه الاصوماليات بالله وش رايكم