انا صاحبة موضوع اترجاه ما يطلقني

السلام عليكم
أشكركم على نصائحكم و مواساتكككم

الحمد لله المشكلة انحلت حبيت أطمنككم
طبعا حلي لها ماراح يعجب البعض ولكن بعلمكم كيف فكرت
أزحت المشكلة عن تفكيري رغم أنها جرحتني كثير
قعدت أشوف إجابياته اولها و أكبرها انه رغم عمليتي تبع ولادتي الاخيره لها 3 سنوات
إلا انه يوم هربت شغالتي صار يأخذ كل الملابس الكواي ويغسل معايا المواعين يخاصم عيالي
إذا حاسو البيت ،،، انهبل لحد ماجاتني الفلبينية وهذا كله وأنا ماطلبته خادمه ولا شكيت من عمليتي ،، لانها الحمد لله قديمه
ثاني شيء آدمي يأثرني على نفسه بكثير أشياء ماله داعي اذكرها

ثانيا فكرت أني زدت عليه لما قلت له قلة أدب يعني المفروض أطنش هو جاي يشتكي من وقاحة أخواته واجي انا اتواقح قد تكون كلمتي القشه التي قصمت ظهر البعير
وزدت عليها بكلمة طلقني يعني انا ما احتويت الموضوع
قررت اعتذر ولكن بدون أهانه

هو نايم بالمجلس رحت ونمت جنبه على طول صحى وحضني الحمد لله

ولكن لام عليا ولا اعتذر وبدا يخطيني استمعت له ولا علقت على خطا مين لأني مابي الموضوع يتشعب ولكن حاولت اضغط عليه من جهة عياله و أبرر بكاي انه مو عشانه ولا أني خفت من الطلاق

قلت له امس انهرت لأني خفت الأولاد يشوفونا ويتعقدوا نفسيا
وأتذكر كلام حمودي ولدي لما قال لي أبو فيصل (ولد اختي ) مو زي بابا بس يخاصم بخالتوو وعياله (طبعا حمودي ما عمره قال هذا لكلام بس زوجي اعرف نقطة ضعفه عياله حبيت استغلها وابرر بكاي امس

المهم الحمد لله انحلت المشكلة وطلبته دبله جديده كعهد ان هالحركات ماتنعاد و قال لي ابشري


و فعلا انا ارتحت كثير لردود البنات اللي قالوا اعتذري ولكن اللي أثرت فيا وحده قالت زوجك انتي أدرى فيه ردها برد قلبي وقواني

ياليت كل وحده فينا ما تختار الرد الأقوى واللي تحس فيه سطاوه تختار الانسب لشخصية زوجها و لا ياما بنات قويات فبيوت أهاليهم ويعضوون أصابعهم ندم

انا ما أقول الطلاق عيب ولا ماهو حل بالعكس هو حل للمشاكل اللي مالها حل
و ما حطيت سالفة يهينني مستقبلا لأني ماراح اسمح له بطريقتين الأولى ما أرادده وهو معصب
وثانيا ابعد عنه لا عصب ولا هدا أعاتب وأخلي عتبي يلامس ضميره وهذي المره احتسبت الأجر بيوم الجمعه ولعله عند الله حسن تبعل يدخلني الجنه و فيها من ترك المراء ولو صادقا له بيت بالجنه
و آسفه على الإطالة