انا صاحبة موضوع اخت زوجي وطليقته وجديدي

السلام عليكم
واسعد الله اوقاتكم بكل خير
اللي ماقرو موضوعي الاول هدا الرابط
http://forum.hawaaworld.com/showthread.php?t=3384043
وهدا رابط موضوعي الثاني
http://forum.hawaaworld.com/showthread.php?t=3385330
طرحت مشكلتي وبعض الاخوات الله يجزاهم خير ساعدوني وارسلو لي ع الخاص واعطوني حلول افادتني
فحبيت اقولكم اخر اخباري واطمنكم على جديدي ومن جدحسيت انكم اخواتي وتحبون لي الخير واشكر كل من شارك في موضوعي واعطاني حلول وافكار واشكر كل من رفع موضوعي بدعوه طيبه
في بنات سالؤني عن راي زوجي بالموضوع اهو مو مؤيد التواصل بين اخته وطليقته عشان العيال مايحطون امل انهم يرجعون ولما ينقطع الزيارات بينقطع الامل في نفوسهم ويتعبون نفسيا \
زوجي مستحيل يرجعها واهو يقول انا صبرت عليها عشان العيال بس الحمدالله جت منها ولامني لاكبرو العيال بيعرفون ان امهم اللي تركتهم مو انا اللي طلقتها
ادري ان فراق الاطفال صعبه عن امهم والله اني حاسه فيهم لاني عندي اطفال واموت في اليوم مليون مره عشانهم وليش سكنت قريب من امهم عشانهم متى مابغو يروحون لها وديناهم ومتى مابغوابوهم احنا قريبين منهم
وكثير لاموني عالعام والخاص عشان سكنت قريب من امهم لاني حاسه ان فقد الام عن اطفالها جدا صعب
وكثير يؤدون رجوع امهم لهم واني برتاح منهم وكيف ترتاحين من الاجر اهم غراس الجنه كلما اطعمتهم غرست نخله في الجنه وكلما مسحت دموعهم غرست نخله في الجنه وكلما علمتهم القراء غرست نخله في الجنه من اللي مايبي الاجر من اللي يطرد الاجر واهو عندها
بالنسبه لرجوع امهم لابوهم فيها مشاكل لي ولابوهم ولها وللعيال وبشهادة زوجي فليش وجع الراس خلاص نقفل الباب من البدايه والله احيان افكر اكلمها ترجع بس حايفه تنقلب حياتي بسبتها وربي يكتب اللي فيه خيره
بالنسبه لبيت عمي
يابنات زوجة طليقي ماتبيني ازور عمي من الغيره مالومها انا امر باللي تمر فيه عمي لو يبيني يدل بيتنا واشوفه عند ابوي ف وشهوله اروح لبيته بتفهم اني ابي اغيضها
واللي تتمنى ان الله يرزقها ولدها زوجة اب مثلي دعيت لك ولولدك من قلبي ان الله يرزقه بافضل واحن مني وان الله يريح بالك في ولدك ويتمم لك امورك على خير
وكل اللي مرو بموقفي الله يريح بالكم ويبعد الشر عنكم ولكل مطلقه الله يرزقك باللي تتمنينه ويحقق لك حلمك ويريح بالك
جديدي يوم الخميس
كلمتني اخت زوجي بالموضوع وفيه ثنتين من اخوات زوجي واقفين معي ومؤيدين موقفي شرحنا لها الموقف العيال بياتثرون وبيتمسكون في الامل برجعة امهم وعلى كلام ابوهم الرجعه مستحيله لو يرفضونه كل نساء العالم ومايوافق عليه الاهي
على قولته حلم ابليس في الجنه
وثانيا مشاعري لازم تحترمها وحطيتها بموقفي خاصه ان لها جاره يعني كلمه من هنا وهنا وهنا اقتنعت وقلت لها لو حابه تتواصلين معها بكيفك بس انا بكون انسانه ثانيه معك بتعامل معك برسميه لانك فضلتيها علي لو انا سيئه مع عيال اخوك كان قلت معك الحق تحاولين تحسنين نفسيتهم بس ناديهم واساليهم عني وشوفي مستواهم الدراسي ماشاءالله من الاوائل ونظافتهم وصحتهم وضحكتهم دايم ماتفارقهم وجعل ايامهم كلها سعاده وافراح لو مقصره لك اللي تبين وحده من بنات زوجي يومي تنومت عشان ولادة طفلي يابنات البنت مانامت ولاطاعت تنام لين تسمع صوتي واليوم الثاني زارتني بس صياح تحسبني بموت من الالم لان وجهي يفجع وواضح اني تعبانه وماتحب اخوها تقول بتدخل النار لانك تعبت امي اللي اهي اناربي لا يحرمني منها ومن اخوانها والله يهدي امها ويوفقها ويرزقها الزوج الصالح
المهم ونهاية القصه
استحت مني اخت زوجي خاصه لما دكرنا لها مواقف صدرت من طليقته انها ناويه بشي بينناتفرق بيني وبين خوات زوجي وقالت اني فهمت الموضوع غلط واعتدرت لي ووعدتني وبنتها انهم بيحطون حد للموضوع ولا راح يردون على اتصالاتها وبيعتدرون لها على انشغالهم في حياتهم
شكرا لك من سال عني وشكرا لك من اعطاني الحلول وشكرا لك من دعالي وشكرا لك من رفع موضوعي ولكل من انتقدني اقول االله لايحطك بموقفي ويريح بالك
دعواتكم لي