انا صاحبة موضوع التعاقد هذة سالفتي واجاباتي ع اسألتكم

هلا بنات انا جيت ارد لان جتني رسايل ع الخاص

حتى موضوعي الي نزلته عشان تشرحولي انقلب اسأله

بقول لكم السالفه

انا وحدة متزوجه وساكنه مدينه بعيده عن اهلي بالمدينه وماعرف احد طفشاااااانه بالمررره الدرجه صرت اشتغل احيانا متطوعه بدون راتب هذا بنسبه للبنات الي يقلون الراتب مو كل شي
اشتغلت بأهليه مدة براتب الف وياليته كامل خميس وجمعه ينخصم وايام الغياب خصم عذر ولا بدون عذر
بختصار يعني ماعمرها جتني الف كامله بس كنت اصبر لاني طفشت من الوحدة والقعده

سالفة التعاقد
امس كنت طفشانه قلت خلوني اروح ادور وظيفه بتحفيظ لان عندي ولد عمرة شهرين وبنت ثلاث سنوات وماعندي شغاله وانتوا تعرفون ازمة الشغالات

قلت يمكن القا وظيفه العصر اخلي ولدي عند ابوة وانا وبنتي نروح عشان فيه روضه

ورحت يوم جيت اقدم قلت لهم انا عربي تخصصي وبي وظيفه اذا عندكم

قالت الموظفه جيتي بوقتك فيه مدرسه حكوميه محتاجينك تعاقد

براتب 2000 واكدت كل شوي تقول الفين وهذا الي شككني بالموضوع اذا تبغين معك يوم تردين مع الايام

يمكن يجي امر ملكي وتتثبتين فرصه لك ومن هالكلام

بيني وبينكم طرت من الفرحه وقلت ربي استجاب دعائي

بذات اني انتساب ومقبول ومو تربويه والحاله حاله

بس يوم ناظرت ضرروفي صعب وين اودي اولادي

شلحل الشغاله الايجار مالها امان
وقرايب جيران ماعندي ولاحضانات ولاشي

بلعربي ظروفي اكسسس بكيت انقهرت

بعدة بديت استرجع وقول اشمعنا تعاقد وليه 2000

وش هدفها يوم تحاول تقنعني

فجيتكم هنا اسألكم تشرحون لي

وبالمناسبه من عندها شغاله للتنازل اوتعرف احد سيرلنكيه تساعدني وربيي مراح انسها من دعايي وبتصدق عنها وربي

جد طفشت من الوحدة ومن مشاكلي مع زوجي ابي اطلع ابي اغير جو بس عيالي لازم شغاله المكاتب مبالغين بسعارهم مررررررره ويتاخرون"

طولت عليكم بس هذة سالفتي

والراتب طبعا 500 وبدفعها البنتي بروضه