انا صاحبة موضوع اه من الضرب شوفو وش صار لي

اول شي اشكر كل وحده ردت علي وابدت رايها سواء بالخاص او بموضوعي

بس صراحه بعض الردود حطمتني وبكتني الي هي ماوراك ظهر اصبري اصبر يعني اضيع عمري وشبابي على الضرب ؟؟

حرام لس العمر قدامي ان مارتحت معه رميته لو اجلس مطلقه بس ماعيش عيشة اهانه

علما ان عمري 24 سنه وعندي ولدين 5 سنوات و3 سنوات

وفي رد من ردود البنات دخل براسي وعجبني وعطاني دافع قوي اني ادافع عن ابسط حقوقي

هو رد للاخت غرشوب رعبوب وهذ1 ردها كان




وللي ماقرت الموضوع هذ1 رابطه
http://forum.hawaaworld.com/showthread.php?t=1718374&page=2


المهم اكمل لكم وش صار لما رجع بالليل هو وعياله

طبعا يكلمني ومااعطيه وجه نهائي حتى عيالي يعلموني وين وداهم وش اشترالهم برضو ماعطيتهم وجه عشانه جالس
طلعو عيالي برى الغرفه وهو استغل الشي هذ1 طبعا معودته انه مايرفع صوته او يمد ايده علي بحضور عيالي
المهم جا وقرب مني ومسكني مع ايديني اثنتين مسكه قويه بحركه سريعه خلصت ايدينه منه ومسكته مع شعره وقلت له بالحرف الواحد ان فكرت تمد ايدك على ثاني والله لااروح لااقرب مستشفى واقدم فيك شكوى وقتها برمي عيالي عليك وبشوف حياتي انا مابي اندفن مع .. زيك

اول مره اشوف الصدمه بعيونه حسيته ارتبك كثير عاد هو الا الشرطه والاقسام يخاف على سمعته

تركني لحالي وطلع غاب ساعتين وجاني كنت نايمه صحاني لعبه بشعري لما فتحت عيوني الا يبوسني ويعتذر ويقولي انتي ام عيالي وايدي ماراح تنمد عليك وعد رجال

بصراحه ماتوقعت كلامي بيأثر فيه للدرجه هذي:32:
وعرفت ان ضعفي معه مايجيب نتيجه

اتمنى تستفيدون من تجربتي ولو انها ماتنفع مع كل الرجال بس جربي وشوفي