السلام عليكم ,, كيفكن
ان شاءالله بخير
انا كتبت موضوع هنا قبل شهر
http://forum.hawaaworld.com/showthread.php?t=2890471
وقلت لكم ان الدكتورة قالت لي حامل ب3 اكياس وووو......وكنت حامل بالشهر 1
و بسبب انشغال زوجي(عسكري) و المرابطة اللي جاتهم ماراجعت المستشفى من يوم كشفت علي الدكتورة ذاك اليوم ومع انها اعطتني موعد بعد اسبوعين بس زوجي فكر انها تستغل وتبغى فلوس بس و انا حاولت اقنعه اننا نروح لكن دون فايده وانا حاسة انه فيه شي ضروري لكن تعرفون الرجال مايهمهم شي ابد:44:
و مرة عزمت الجيران ع العشاء ونظفت البيت وتعبت مرة وجلست على السفرة الا واحس بشي ينزل مني قلت يمكن افرازات طبيعية وشوي وتزيد اكثر واكثر وحسيت اني تغرقت واقوم بسرررررعه عالحمام وانتو بكرامة الا والاقي افرازت مثل الدم شفافه مايله للبني مثل هاللون بس ماهو مثل دم الدورة -تكرمون- واروح للطواري بعد ماراحوا الناس وقالوا تعالي بكرة ضروري للطواري لانه مابين معنا شي
وانطلق اليوم الثاني للطواري ورحت للاشعة ولما كشفت من فوق شفت الممرضه ارتبكت قالت لازم كشف مهبلي وكشفت و زاد الارتباك وراحت نادت الدكتور وشاف الاشعة وهنا كانت المفاجأة قال (حمل خربان) كييييف
حمل خربان وصرخ قال حمل خربان روحي للدكتورة
حسبي الله عليه كان يتادب وهو يتكلم ماتكفي الصدمة
ورحت للدكتورة ومعاها دكتور واعطيته الاوراق واشوف وجيههم متكدرة ويقول اختي انتي حملك حمل عنقودي وشرح لي بس انا مافهمت من الخوف بس يقول حملك عنقودي يشبه عناقيد العنب والجنين ميت ولازم تنظيف موافقة انك تتنومين وهزيت براسي ايه مع اني ماني مصدقة واحس انه كذب وركبولي ابرة المغذية ودموع الحزن والم الابرة ع وجهي وواستني الممرضة وانتظروا يفضى لي كرسي وجلست ابكي بهدوء من خوف العملية والحزن وشوي صحت فيهم طلعوني انتوا كذابين طلعوني بسرعة ليش واش فيه كنتي موافقة تتنومين ليش غيرتي رايك صحت فيهم اناباروح مستشفى ثاني اتاكد عندكم مانع قالو تخرجين ع مسؤليتك ونشيل الابرة قلت اوكي وزوجك يوقع وقلت لزوجي خلنا نتاكد من مستشفى ثاني يمكن غلطانيين انا ماابغى المستشفى هذا بس مااهتم ووقع على العملية واضطريت اوقع وتنومت والحمدلله على كل حال جلست3ايام الاول متابعه الثاني اعطوني حبتين طلق وحده في الصباح وجا الدكتور وشاف صور الاشعة في الملف وشرح لي حملي انه حمل عنقودي المشيمة متمزقة تشبه حبات العنب والجنين ميت ولو استمر الحمل راح يكون خطيروطمني ان العمليه بنج كامل وان الدكتورة راح تعطيني تحاميل منشطة للرحم وفي الظهر العملية وبتكون من تحت ومافيها جراحة وان العمليه بسيطه مدتها ساعة وراح اقوم ومافيه الم طمني الله يسعده وقال اي اسئله اسالي قلت له وش سبب الحمل العنقودي وهل السبب شغل البيت قال لا ابدا الحمل سببه مجهول من الله سبحانه
وجا الظهر وودوني لغرفه العمليات وبنجوني
والحمدلله سووا العمليه وقمت بالسلامة وحمدت الله على كل حال الحمدلله عندي طفل سنه ونص ونعم الله علي لاتعد ولاتحصى صح حزنت لكن علمت ان الله يريد ان يعاقبني بذنوبي او ان يكون ابتلاء لتكفير الذنوب او انه قضاء وقدر وكلها تقبلتها بقلب رحب محب لله وانه لايريد بذلك ظلم معاذ الله او ماشابه( وخلق كل شيء فقدره تقديراً )
( إن الله لا يظلم مثقال ذرة وإن تك حسنة يضاعفها ويؤت من لدنه أجراً عظيماً )
حطيت هذي القواعد في بالي وارتحت وكان ماصار شي والحمدلله
واليوم الثالث كان متابعة ومغذيات ومحاليل بس حطولي حاجة في المغذية زي القارورة الصغيرة قزاز كانت مرة توجع حسيت عرقي بينفجر من المها هذا اكثر شي عذبني في المستشفى المهم اعطاني الدكتور حبوب ومراجعة يوم27-4 وكتب لي خروج وخرجت بالسلامة والحمدلله اليوم الثالث الساعة 11 ص
وبالنسبة للدم خرج مني بعد العملية مثل ماخرج قبل العملية بالضبط ماكان فيه دم حقيقي وجلس 3 ايام وراح
اعتذر عن الاطالة
والسلام عليكم:26::26::26::26::26::)
صوت الطفــل @sot_altfl
عضوة فعالة
يلزم عليك تسجيل الدخول أولًا لكتابة تعليق.
%بسبوسة%
•
الحمد لله على سلامتك والله يعوضك ان شاء الله
الله يعوضك والحمد لله على سلامتك الاهم حبيبتي ما تهملي نفسك دحين في المراجعات الجاية لان حالتك كانت خطيرة بنت عمي كانت زيك واخذت فترة بعد العملية تراجع اهم حاجة دحين المتابعه
الصفحة الأخيرة