انا صاحبة موضوع صرت بنت رخيصة .. انصحوني 💔

السلام عليكم ورحمه الله ،
بنات امس كتبت بموضوع بأن تانيب الضمير ذبحني واحس اني بنت رخيصة .. بكتب الموضوع باختصار لاني بنجن من التفكير ومو قادرة اركز بالدراسة ..
انا بنت عمري ٢١ .. من عائلة محافظة ،قدر الله وتابعني شخص على احد مواقع التواصل والظاهر انه انتبه انه نفس تخصصي .. لاني كاتبه بالبايو ايش هو تخصصي .. بعد فترة طرحت سؤال متعلق بالتخصص على العام وانتظر رد للي عارف اجابه سؤالي .. فجاه كلمني هذا الشخص على الخاص وانا ما كنت عارفه هو بنت او رجال لان اسم الحساب مبهم .. الزبدة .. جاوبني على السؤال ووضح لي انه رجال وانه نفس تخصصي وانه متخرج من فترة طويله .. دارت محادثة كلها عن التخصص والله العظيم .. واعطاني نصائح عن كم نقطه بالتخصص كونه بنفس التخصص ..
طبعاً انا صحيت على نفسي امس وكأن احد ضربني كف ، طول حياتي محافظة على نفسي ولا اكلم ولا لي بهالطريق ، بيوم وليله انقلبت حياتي ..
مدري وين كان عقلي وانا اكلم رجال !! هذي اول مره بحياتي اتصرف هالتصرف .. خاصةً مثل ما ذكرت فوق اني من اسره محافظة ولو دروا اهلي بنذبح ..
انتهى الكلام وشكرته وقلت له اني ما اتواصل مع الغرباء وهذا اخر رد لي ..
بنات الموضوع صار له يومين .. مشكلتي مادري وش صارلي ، في شيء يضغط على صدري مو قادره اتنفس منه ، وهالرجال شاغل بالي ٢٤ ساعه ، ادري بتنصدمون لكن انا منصدمه من نفسي قبلكم .. حسيته شخص كامل من كلامه عن نفسه وواضح انه صادق وطريقته بالشرح والكلام عن التخصص واضح انه شخص واعي وعاقل ..
مو قادرة انسى ، ما قاعد يفارق مخي صرت اقول ليته يتزوجني !
مع العلم فارق العمر اكثر من ٢٠ سنه ،
بنات انا انجنيت الظاهر بالله وحده تصحيني بكلام تخليني اصحى على نفسي ..
ضيقة على صدري مو قادره اذاكر ولا اسوي شيء ..
ليتني ما رديت عليه ، انقلبت حياتي بيوم وليله 💔💔💔
ساعدوني ارجوكم