انا صاحبة موضوع (كيف أقتنع بزوجي)

أهلين بنات 
الي مايعرفني أنا صاحبة هذا الموضوع
http://m.forum.hawaaworld.com/showthread.php?t=4114707
المهم بقولكم وش الجديد الي صار معي أنا ولد وجبت ولد الحمدلله ولدي عمره تقريبا 7 شهور 
قبل اسبوع زوجي كان جايبني عند أهلي المهم بعد ماوقفنا عند بيت أهلي قلت له عندي موضوع بصارحك فيه قلت أنت رجال ماشاء الله تبارك الله ماقصرت وأنا أشهدلك بحسن الخلق واني ماكنت أتوقع ان فيه رجال بيشل حرمته ويعزها ويكرمها مثلك لكن أنا وحده ما أستحقك لأن كل الي سويته معي ماخلاني أغير نظرتي اتجاهك قال وهو مصدوم ليش وش نظرتك اتجاهي قلت له ان ماتقبلتك من يوم خطبتني مو عيب فيك لكن نفسي أبت ان تتقبلك قال أنا شاك فيك من أول لكن ليش توك تعترفين وجالس يعاتبني قلت له شوف ما أبي الموضوع يكبر لكن أنا فاتحتك بالموضوع لأني قررت أتطلق حسيت اني ظالمه نفسي المهم قال بعصبيه توك تفكرين بالطلاق انزلي ويصير خير انا دخلت عند أهلي ولا كأن شئ صار بعد يومين فاتحت أمي بالموضوع وقلت لها عن الي صار أمي عصبة علي وجلسة تهاوشني قلت لها أنتي السبب انا قلت لك من أول ماخطبني انه ما أعجبني لكن انتي أجبرتيني قالت مالك مكان عندنا ورحت لم أبوي وفاتحته بالموضوع وقلتله كل شئ أبوي ضاق صدره مره وهاوش أمي قال ليش تجبرينها من الأول شوفي وصار الحين طبعا مع هذا كله أنا مصره على رأيي وحتى زوجي بعد مانزلني ما دق علي الى الحين وانا عندي عادي لأن والله كل المعروف الي سواه معي ما أثر فيني والله الى الحين ما أشعر بأي شئ اتجاهه أحس اني صبرت الي فيه كفايه 
وانا قلت بأتطلق وان شاء الله ربي يرزقني واحد أتقبله ويرزقه هو البنت الي تستحقه المهم يابنات أنا جايه أطرح عليكم هذي المشكله عشان تعطوني حل كيف أقنع أمي والشئ الثاني أنا أبيه يتصل عشان أعرف وش قراره الآخير أبيه يتصل بدون ما أتصل فيه 
يابنات لاتجلسون تعاتبوني مايحس بالنار الا الي واطيها