انا صاحبه الموضوع اهانات زوجي لي...ادخلووووا ضروري..الله يوفقكم

ليش تتطلقين حبيبتي ع الاقل الرجال شاريكي وما يبي يطلق

في رجال ما يكذب خبر وانتي يحاول فيكي معناه فيه الخيييييير


اصبري وهدي بالك بس حلو ما عطيتيه وجه شوي عشان يخاف ويتأدب بس لا تزودينها بعدين يعاند

وتكبر السالفة انتي الحين هدي اعصابج وريحي بالج وتعوذي من الشيطان


واذا جاء ان شاء الله تكلمي معاه وحطي النقاط ع الحروف وخليج صريحة باللي تبين

وقولي مثل ما قلتي بموضوعج



وقولي له انت عندك كرامة وما ترضى ع نفسك وانا بعد بنت عالم وناس بس لا تشدين بالكلام حاولي تحسسسينه بالذنب


وقولي له اذا مثلا ابوك والا امك والا حتى مديرك بالشغل اذا عصبك

بتغلط عليه والا بتمسك اعصابك معاه !!!!

(ع فكرة انا ما قريت موضوعج الاول )

بس جد ما انصحج بالطلاق خااااااصة عندج عيال

وشوي شوي ان شاء الله تقدرين تغيرينه ويصير احسن

والرجال اذا عصبي وانضغط بشغله يحب يحط حرته بالبيت

فانتي يبين من الواحد اذا معصب تجنبيه او خلي العيال كل ما يجي

من الدوام يحضنونه ويستقبلونه اكييييد ان شاء الله بيفرفش

خليج ذكيه بالتعامل ترى حركات بسيطة تغير نفسية الواحد وتخلي يومه حلو

وع الفطور لا تسوين اطباق جديدة لكن سوي بالاكل حركات حلوووة (مثل قلوب او ابتسامة ع القهوة)


عشان الواحد يبدا يومه بتفاؤل وقريت الواحد اذا بدا يومه حلوو يظل طول اليوم رايق وهادي

يمكن اكون طلعت شوي عن الموضوع لكن احس المشكلة عندكم تبدا وتنتهي عند العصبية فحاولي انج تقرين عن الموضوع وتعلمين شلون تمتصين غضبه ع الاقل

عشان رااااااااحتج

وما انصحج بالطلاق فكري عدل وفكري بعيالج والناااااس كلها مشاكل وهموم

ولو كل وحدة عندها مشكلة مع زوجها تطلقت كان كل العالم مطلقة

انتي بيدج تخلين البيت جنـــــــــــــــة او نار وكل فترة غيرو جو عشان

تنسون المشاكل والهموم مووووووفقة اختي

تعوذي من الشيطان واقبلي اعتذاره ولاتخربي بيتك كفاية اللي سويتيه واهم شي انه يبغى يرضيكي الله يهديه ويصلحه بس لوخرب البيت راح تندمي وتلومي نفسك ومعليش عشان العيال الله يصلح حالكم واسمعي مني واقبلي اعتذاره والحياة الزوجية مليئة بالمشاكل والله يعينك وعليكي بالصبر واحتسبي الاجر عند الله والله يسعدك

الله يصلح الأحواااال

قريت موضوعج الاول والله يلوووم اللي لومج

مهما كان الواحد كرامته فوووق كل شي ومهما اشترى وسوى لج مايعوض كرامتج

ومع هذا انا ما انصحج بالطلاق عشان عيالـــــج الله يصلحهم لج يا رب

انتي قلتي انه كان يغلط عليكي من الاول وسكتي له شنو معناه


يا انج راضية وعادي عندج الوضع ( ترى في ناس اعوووذ بالله عاااادي عندهم ) !!!

يا اما انج ضعييييفة وما تعرفين تاخذين حقج وع فكرة مو بس الزوج اللي يستغل

ضعف الناس الكل بس الزوج عنده السلطة الاكبر انا بالاول عبالي المشكلة

من عصبيته بس احس الحين انه متعوووود وعادي عنده طيب شلون تقدرين تغيرين

من اسلوب تعامله لما يجي يغلط لا تسكتين قولي له بكل قوة وثقة ما اسمح لك

وان غلط عليكي لا تسكتين له لانه يدري انج بتسكتين او ترضين يعني هو ضامنج

ولازم تحسسينه انه ممكن يخسررررج عشان يتأدب وان غلط عليكي بشكلج ع طول قولي له ما شفت وجهك بالمراية تجي تتكلم علي

وبالنسبة لما كنتي بتروحين لرفيجتج لما مد يده وقال بعد خمس دقايق تعالي السيارة تدرين لو انا منج

كنت قفلت الباب من بعده واذا فيه خييييييير يدخل والا يمد يده

الموضوع لحد الحين بطريقة التعامل يعني احس لما تزعلين وتتهاوشين ما يحس بخوووف انه ممكن يفقدج

ترى ردة الفعل وطريقة التعامل تفرررررق والحين حاولي تجاهلينه

ولما تكلمينه تكلمي بغرور وشوفة نفس واللحين الكرة بملعبج

انتي قلتي انج ان شاء متاكدة ما يقدر يطلق ويحاول فيييج بلف ودوران ترجعين

تكلمي كانكم خلاص بتتطلقون وقولي العيال عاااادي عندي تاخذهم وانا اشوف نصيبي بمكان ثاني

حتى لو من ورا قلبج عشاااااان يخاااااااف وبالنسبة لتحطيمه قولي الحمدلله انا واثقة بنفسي وما همني كلامك

اذا حاول يصغر منج انتي قزميه ترى الناس تمشي ع المثل ( ان لم تكن ذئبا اكلتك الذئاب)

واهل زوجج خليهم برا الموضوع عشان ما يقلبهم عليج وانتي رزي عمرج يعني لما تجين من مناسبة


قولي فلانة (اخترعي اسم كانها ضيفة) يوم شافتني قالت بتخطبني عبالها للحين بنت

وحاولي تبنين انج محبوبة ومرغووووبة عشان يقدرج اكثــــــــــــر والناس تشوفج مثل ما انتي تشوفين نفسج

يعني ان شفتي نفسج حلوة وواثقة بنفسج الناس بتشوفج جذي وزوجج اولهم وان رجعتي ان شاء الله البيت

لا تعطينه اكبر من حجمه وصدقيني بيصير مثل الخاتم باصبعج الموضوع بس شلووووون تورينه

مقداره لو انا كنت مكانج كنت بسوي جذي وحاولي تقرين وتدورين بالنت

كيفية اكتساب الثقة بالنفس وكتب علم النفس تساعد واااايد

وقبلهم تقرين عن سيرة الرسول - عليه الصلاة والسلام - وسيره اصحابه - رضي الله عنهم اجمعين-

صدقيني بتطلعين اكثر حكمة

والاستغفار اختي ما اوصيج فيه واقري صفحة بس من القرآآآآآن الكريم خاااااااصة الفجـــــــر

والله كل يومي يطلع حلووو ...ان شاء الله اكون افدتج ولو شوي والدنيا ما تسوى يا الغلا

وان شاء الله يا رب تجين تكتبين موضوع تقولين كيف زوجج يحبج ويحترمج ويدور رضاااااااج ياااااا رب

اممم ع فكرة تذكرت مرة (انا من النوع اللي ما احب اعاند اولساني طويل

تقدرين تقولين ما ارادد) المهم كنت قاعدة والسالفة مو جنبي بس تخيلي انقلبت السالفة علي وحصلت كلالالام جد تنرفزت بالعادة اسكت واطنش بس هالمرة عصبـــــــــــت وما سكتت عن حقي تدريييين ارتحت وحسيت بقوة والله من هالموقف للحين ما اسكت او اطنش الا بمزااجي صرت اقوى حتى نفس البنت قالت لي بعظمة لسانها صاير لسانج طويل وما تسكتين لان من الميانة احس مرات احصل لي كلالام

وغيري لا فانتي لا تكونين سلبية مخليج قوية حتى ترتاحين وما احد ياخذ حقج لا زوجج ولا غيره وبعد عيالج يتعلمون منج وتكونين لهم قدوة

تمنى اكووون وصلت فكرتي لج مووووووووووووفقة أختــــــــــــــي

انا اشوف ااختي انكم تتفاهمو الطلاق مصيبه والله فكري بعيالك حرام يعيشون محرومين منك ومن زوجك وانتي ادعي ان شاء الله يهديه ماتدري يمكن يتغير حاله