انا صاحبه موضوع الله ياخذ حقي منه/ اليوم الثاني

السلام عليكم ورحمه الله وبركاته / صباح الخير
اولا احب اشكر كل من دعتلي بان الله يجزاها خير
اليوم الثاني يابنات رحت قلت لاخته انا ابي مستشفى لاني ماقدرت انام من اذني ودقت عليه ومايرد وارسلت له رساله انه يوديني او اهلي يودوني المهم مارد قلت دام هذا تصرفه انا بتصرف تصرف ثاني معه دقيت ع امي وقلت لها واهلي ماكانو يبوني اشتكي عليه المهم رحت انا وامي وابوي رحت المستشفى وشافو الكدمات وقلت زوجي ضربني ابي اكتبه تعهد وفتحو ملف وكتبو تقرير للشرطه وخذو مني القصه كامله ووقعت عليها واحنا راجعين في الطريق الازوجي يدق ع ابوي ويقوله تعرف بنتك وينها فيها بنتك في قسم الشرطه قال ابوي بنتي معي وانا اللي وديتها لان هي اللي تبي تشتكي قال المفروض يوم جتك عطيتها كف قال ابوي انت تضربها وانا اضربها وتصير ضحيه بينا هاذي بنتي انتو ماوديتوها انا اوديها المهم مااعطا ابوي فرصه انه يتكلم وانا كنت في السياره معه قال ابوي تبيني بيتك او بيت اهلك قلت ودني بيتي بعد تحضير مركز الشرطه وبعد مايكتب التعهد كل شي يتقرر ورحت للبيت نفس اليوم جا زوجي ودخل علي الغرفه لا كلمني ولا كلمته واخذ يشيل ملابسه ويحطها بالشنطه وخذا فلوس كان حاطها بالبيت انا يوم شفته كذا معصب طلعت من الغرفه وخليته ويوم طلع من الغرفه جا لعندي وعطاني نظره حقد و تهديد وطلع واسمع امه تقوله ترا بتتحسف بس مدري ع ايش وانتهى الموضوع كذا لاجا ولا عطاني جوالي ولاشي
بنات اللي سويته صح ولا لا والله ماكان ودي اشتكي عليه بس هو اللي جبرني ع ها التصرف ولانها مو اول مره يمد يده ولان اذني لحد الان ماسمع فيها زين والله جالسه وضايق صدري ومحتاره اروح عند اهلي ولا اجلس لين هو من نفسه يقول روحي عشان مابي لو اطلع تصير حجه علي ويقول هي اللي راحت من نفسها انا ماوديتها ترجع بنفسها بتصير رجعتي صعبه
بنات الله يوفقكم ادعولي