انا صح في اللي سويته و الا ...........؟؟؟؟

كيفكم يا حلوات


انا ابي احكي لكم موقف صار لي و زوجي ما يكلمني من يوم الخميس بسببه


انا من كثر ما سمعت عن اختطاف الاولاد و البنات الصغار صرت اهوجس على بنتي الله يخليها لي و يحفظها ... و من يومها لما نطلع مجمع او مكان عام ما اترك اي واحد من الاولاد الصغار يشيل بنتي و يتمشى فيها ابدا و اتفقت مع زوجي على هالشي .... و اتفقت مع الاولاد اللي في البيت كمان ..
يوم الخميس طلعنا لمكان سمك نتعشى انا و زوجي و اهله و لما كنا على العشا بنتي صارت تزن و تبكي قام اخذها ولد اخو زوجي اللي بأول متوسط قلت له بس حطها في حضنك و شغل لها طيور الجنة في التلفزيون ... قام يقول لي يا عمه بأمشيها في الالعاب قلت له لا .. قال لي لييييييييييييه قلت لا حبيبي في مكان عام لا اخاف عليها ... قام ابوه اللي هو اخو زوجي قال عادي اطلع فيها و تمشى شوي قلت انا لا ... قام زوجي قال اطلع فيها ووديها للالعاب ... انا هنا انحرقت و قمت عن الاكل ... قامت حماتي ام الولد نادت ولدها قالت ليه ما تسمع كلام عمتك و ما تطلع للبنت لازم تستهبل و تسوي مشكله و قال انتوا تفكروني مو رجال حسستوني اني بأولى ابتدائي مو بأول متوسط و قامت ام زوجي تقول لا يطلع فيها و كذا و انا محروووووووووووووقة من زوجي ... و ناظر فيني زوجي يتطنز علي و يضحك قلت له بالانجليزي " don't talk to me now " و الترجمة " لا تتكلم معاي الان " بس عشان ما احد يفهم كلامي له ,,, ما كنت ابيه يكلمني لاني بأنفجر عليه قدام الكل .....

و من وقتها زوجي ما يكلمني .....

انا غلطت في شي ؟؟؟؟ هل حرصي على بنتي راح يسبب لي مشكله مع زوجي ؟؟؟؟

بنات شسوي مع زوجي ؟؟؟؟ و الله متضااااااااااااايقه انه ما يكلمني .. و تخيلوا يا بنات صار يسوي اشياء من وراي و ما اعرف الا من امه او اخته ؟؟؟ حتى لما رحت الدكتور ما دخل معاي تركني لوحدي و هو يعرف اني خوااااااااافه و ما اعرف اتصرف في مواقف كذا ؟؟؟