السـلام عليكم ورحمة الله وبركاته
اولاَ : قبل ما ادخل بالموضوع ياليت كل وحده تحط نفسها بنفس الموقف الي مريت فيه
قبل لاترد علي .
ثانياَ : انا ماكتب الموضوع الأ علشان اسمع شوركم فـ ياليت أي وحده عندها رد جارح تسكر الصفحه لأن نفسيتي مو متحمله .
ـــــــــــــــــــــــــــــــ
*** مدري من وين ابداء المشكله لاكن بقولكم الي بقلبي اولاَ انا عمري 20 سنه حالياَ اولاد العيله كنت
العب معهم من لما كنت صغيره:04: > مثل أي بزران يلعبون وفي واحد من عيال عمتي يحبني من لما كنا صغار
ومازال طبعاَ انا ماعرفت بهالشي شخصياَ لاكن الكلام يوصلني راح اسميه ( ع , ز ) .
راح ابداء لكم بالموقف الأول :
قبل سنتين كنا مجتمعين في استراحه حنا وبنات عمتي وعيالهم اعمارهم متفاوته
هم الله يهديهم يحبون يرتزون عن الحريم وخاصه لأن في بنات مع ان عايلتنا محافظه جداَ من ناحيه الشباب والبنات
كنا نتعشى والباب مسكر الأ شوي وكانو يروحون ويجون:mad: انا ماكنت منتبهه لما خلصنا عشاء وانبسطنا ورجعت البيت فتحت الإيميل
جاء ولد بنت عمتي عمره 13 سنه بكل وقاحه و قال الله يا ظما تغيرتي واحلويتي انا ماصدقت لما شفتك قلت قمر مو ظما
حتى اخوي كان معي وقال نفس الشي للمعلوميه اخوه اكبر منه بس اصغر مني ) انا ماحبيت اكبر الموضوع وسكت
شوي قام يقولي ان ( ع , ز ) شافك وقال انك حلووه !!! :mad:
قلت نعم خير وشلون حرام تتجسسون وتستغفلونا وحنا ولادارين انا ضايفته علشانه صغير لاكن للأسف غلطت
انا سكت وعديت .
الموقف الثاني : ( من سنه تقريبا )
كنت رايحه بيت عمتي لهنا تمام ومافي شي ولا احد شافني من الشباب طلعت ودخل ماحولي احد
فتحت الإيميل جات بنت عمتي قالت ان ( ع , ز ) يتكلم فيك قدم اولاد عمتي:icon33:
واختي راحت وهاوشته ولما هاوشته قالها << من زينها فلانه ( الي هي انا ) علشان اطالعها هالشينه الي
فيها وفيها مو حابه اذكر الكلام قالت له عيب تتكلم عن البنت كذا وسكت .
** انا لما سمعت الكلام تجمدت انصدمت وسويت ان الموقف عادي
من الضيقه انسدحت وانا والله مانمت الأ دموعي مغرقه المخده :icon33: ودعيت عليه من قلب
اليوم الثــأني قلت لازم احط له جد يمكن اكون تسرعت لاكن هذا الي طلع معي
خذت ايميله من بنت عمتي وارسلت له اضافه وقلت له انا ظما وقلت له ماتخاف ربك ترضى احد يتكلم في اختك
في مجلس وقدام رجال وخاصه هالرجال يعرفون هالبنت الي تتكلم عليها قال اكيد لا قلت اجل ليه ترضى علي
هذا وانا اقرب لك المفروض تخاف علي وانا ماسويت لك شي ومن هالكلام
قام قالي : انا كنت امزح ....!!! وليه انتو ماتتحملون مزح
قلت : نعم وش مزح وش بيني وبينك علشان تمزح وياليت مره ثانيه تحترم نفسك ولا بيكون لي تصرف ثاني معك
قالي : انا اسف وحقك علي وماله داعي يكبر الموضوع .
قلت : حصل خير وانهيت المحادثه وحذفته
بعد اسبوعين من كلامي معه جاتني بنت عمتي بالكليه وقال لي ( ع , ز ) يقولك اسف
انا فرحت انه حس بغلطته وماراح يكررها
لهنا انا ضنيت خلاص المشكله انحلت والرجال اعتذر..!!
الموقف الثالث : (صار امس )
كانو الأهل مجتمعين حنا مارحنا لأن اناع ندي صديقتي وامي عندها ضيوف
كلمتني بنت عمتي قالت : انتي صايره حديث المجلس تخيلوووو ( ع , ز ) والشله يتكلمون فيك لاحظو اني مارحت وبعد يتكلمون فيني
انا هنا عصبت :mad: هي لما شافتني عصبت مارضت تقولي وش الكلام الي كانو يقولونه
حاولت فيها ومارضت بس قالت لي ان الي ضايفته بإيميلك ( الي قلت لكم عمره 13 ) كان يتكلم معهم
انا هنا عصبت عرفت منها ان هو يتجسس علي بالإيميل وينقل اخبار لـ ( ع , ز ) مع انه بزر وانا ضايفته على انه بزر ومايعرف شي
وتخيلو يابنات حاطه يتجسس علي بالإيميل وقالت انه يقول لـ( ع , ز ) ان خالي انتاجه حلو..!! :mad: تصورو الوقاحه
( الي هو ابوي ) هو يصير خال امه لاكنهم احتراماَ لأبوي يسمونه خالي م ان ماضن يعرفون الأحترام
وتقول ماسكتهم الأ ولد فلانه (ولد بنت عمتي الثاني ) قالهم عيب تتكلمون ببنت خالكم الله يجزاه خير :icon33:.
تخيلو يابنات والله اني مو حاطتهم في بالي ولا ادري عنهم لاكن ليه يتكلمون فيني انا ماسويت شي
ولا اتعرض لهم ولا امشي بدون عبايه وعمرهم ماشافوني من لما تغطيت الأ في الموقف الأول الي قلت لكم
ومو من النوع الي نزورهم كثير ومثل ماقلت لكم عايلتنا محافظه مانكلم الأولاد وحت سلام مانسلم وفي بنات
كثير بالعايله لاكنهم مايجيبون سيرتهم ليـــه انا ليه ليه حسبي الله ونعم الوكيل :44:
وللمعلوميه ان صايره مشكله بيني وبين عمتي من رمضان وماصرت اروح كثير ولا احتك بأحد
ماني عارفه وش السبب كل الي سويته اني صليت ودعيت عليهم حسبي الله ونعم الوكيل
انا ما اذنبت وششش ذنبي ليه أي تجمع يصير انا اكون حديث فيه علشان ( ع , ز ) انا وش ذنبي
اذا هو يحبني والله اني كرهته واتمنى لو انتقم منه واي واحد يحب مايرضى احد يتكلم بالشخص الي يحبه
لاكن ماني عارفه وش اسسوي حتى فكرت اكلم اخوي لاكن بنت عمتي مو راضيه اقول اني قلت لها شي
وثانياً : ماني حابه اسبب مشاكل بالعايله
والصغير الي انا ضايفته حابه أأدبه علشان ماينقل اخباري عند فلان وعلان وبعد مو عارفه وش اسوي
تكفون ابي رايكم بالمشكله – وابي تعطوني حل وشلون احل المشكله من دون ما ادخل اهلي ؟
ظمـا قلبـي @thma_klby
محررة
يلزم عليك تسجيل الدخول أولًا لكتابة تعليق.
امطار ابها
•
الله المستعان
ياحبيبتي.. الله يفرج همك يارب..
ادعيلهم بالهداية.. ويارب يبعد عنك شرهم ويكتب لك الخير..
انا بصراحة مااعرف وش ارد
اخاف اقول اسكتي ويطلع بعدين عنك كلام واخاف اقول قولي لاخوك الكبير او ابوك وتصير مشاكل...
مااعرف....
الله يهون عليك..
حبايبي ادعولي تتيسر عمليتي واحمل بتوائم ذكور اولاد هالشهر وافرح بخبر حملي...
تكفون ادعولي ربي يهدي زوجي ويثبته
ادعيلهم بالهداية.. ويارب يبعد عنك شرهم ويكتب لك الخير..
انا بصراحة مااعرف وش ارد
اخاف اقول اسكتي ويطلع بعدين عنك كلام واخاف اقول قولي لاخوك الكبير او ابوك وتصير مشاكل...
مااعرف....
الله يهون عليك..
حبايبي ادعولي تتيسر عمليتي واحمل بتوائم ذكور اولاد هالشهر وافرح بخبر حملي...
تكفون ادعولي ربي يهدي زوجي ويثبته
يصير ادخل ملفك الشخصي خخخخخخخخخخخخخخخخخخخ
لازام احد يوقفهم عند حدهم والصغير تراة مب صغير وصغير اعطية انقور علئ طوووووووول
والصغير مصيرة يكبررررررررررررررررررررررررررر
لازام احد يوقفهم عند حدهم والصغير تراة مب صغير وصغير اعطية انقور علئ طوووووووول
والصغير مصيرة يكبررررررررررررررررررررررررررر
المشكله مو فيك..
المشكله باللي مايستحون ومحسوبين عالرجال ويتكلمو فيك خيتي
وكلي ربك ولاتعطينهم بال
هم شكلهم ينبسطون لما ينرفزونك وتقومين تخاصمين فيهم..
الحل تكلمين رجال بالعيله ابوك والا كلمي عمتك ام الولد
عشان يوقفونه عند حده
واحذفي البزر اللي مايتسمااش قال بزر قال
والله انه ساس البلا انتي صكيه ببلوك
والا فضل يكون بلوك بالواقع عشان يتأدب
فديتك لاتشيلين هم واستغفري وكبري مخدتك
المشكله باللي مايستحون ومحسوبين عالرجال ويتكلمو فيك خيتي
وكلي ربك ولاتعطينهم بال
هم شكلهم ينبسطون لما ينرفزونك وتقومين تخاصمين فيهم..
الحل تكلمين رجال بالعيله ابوك والا كلمي عمتك ام الولد
عشان يوقفونه عند حده
واحذفي البزر اللي مايتسمااش قال بزر قال
والله انه ساس البلا انتي صكيه ببلوك
والا فضل يكون بلوك بالواقع عشان يتأدب
فديتك لاتشيلين هم واستغفري وكبري مخدتك
الصفحة الأخيرة