انا صرت متهاونه بكل شي مابعرف ليش.. اسالكم بالله لتدخلو

السلام عليكم

انا يا بنات الحمدلله ملتزمه على قد استطاعتي
يعني صلاه الحمدلله مابقطع ولا باخر وقت
الاذكار دائما بقولها مابنساها
والحمدلله اغاني مابسمع وغيبه ونميمه وحسد ماعندي من هالشي
وبيتي عطول موسوسه فيو لازم يكون نضيف
وحتى ابني وزوجي لازم اقوم بواجباتهم على اكمل وجه ومابرتاح الا ازا عملت هيك


بس هلاء من شي شهر
صايره قرفانه هيك فجأه اجاني شعور غريب
صرت دائما افكر بالكوارث انو حدا من معارفي واهلي بدو يموت او زوجي او ابني او ام زوجي
صرت احس دائما انو بيتي رح ينحرق
صرت اكسل مشان الصلاه باخرها لاخر وقت للاخير يعني يادوب قبل الوقت التاني بخمس دقايق
واحيانا بتضايق وانا بصلي نفسي ما اصلي !!! عم بزعل على حالي
القران كنت لازم كل يوم اقرا على الاقل وجه بعد كل صلاه هلاء يعني ما عم بحب
زوجي عطول مكشره بوجهه مع انو حرام الزلمه يالله اديش بيعاملني منيح
اوقات بفكر اني ما افيق معو الصبح لما بيروح على شغلو
ابني صرت اهملو كتير ولما يبكي بعطيه الرضاعه فاضيه متكاسله قرفانه اروح اسوي حليب
ولما يبك ييبضربو وبصرخ عليه مع انو عمره 10 شهور
بالليل لما يصحى جوعان بتركو يبكي لحتى ينام

انا كان قلبي يتقطع عليه لما يبكي شوي لبينما اعملو حليب
كنت اخاف عليه اكتر وهلاء بترك حفاظو 12 ساعه بدون تغيير

كرهانه حالي حتى مالي نفس ارتب بيتي بخلي كلشي وخلص ريحتي طلعت
وعلى طول ضايق صدري ونفسي ابكي
بجي اسمع قران والله مابرتاح بطفيه وبروح بنام


يا بنات الله يوفقكن الي معا نفس الحاله وبتعرف ايش فيها تقلي
انا ماني هيك ولا راضيه عن هالوضع بس مو ادرانه ارجع لوضعي القديم مع اني كنت مبسوطه كتير بالوضع القديم ومابشتكي من شي

ارجوكم الي بتعرفلي حل
على الاقل بس الصلاه بغصب نفسي عليها والله مابيصير هيك
ياربي انا خايفه اموت وانا لسا هيك
ايش بدي اقول لربنا انا كنت بصلي وانا قرفانه ؟؟؟
ياربي رحمتك