انا ضعيفة شخصيه وش الحل ولا اساسا مايوجد حل

غيري نضامك بدايه بجمعاتك حاولي تجتمعين وتتعرفين على الناس وتعرفين معادنهم من خلال هذا كله راح يكون لك اسلوب وشخصيه مع كل الشخصيات وراح يكون عندك خبره
بس تقفلين على نفسك الباب هذا اكبر تدمير للشخصيه لانك عزلتيها عن الناس وهذا مو من طبيعه البشر

قال الله تعالى وجعلناكم شعوبا وقبائل لتعارفوا ان اكرمكم عند الله اتقاكم

طموحه 3

ررررررررررررررفع


الله يكون بعونك

وعليكم السلام ورحمة الله وبركاته

مشكلتك هذي عند ناس كثير
وكبيرة بصراحه
بس لها حل
و لو عندك عزيمة على تغيير وضعك
ومو متحملة الوضع بتنحل بوقت قصير باذن الله


1 لازم تغيرين نظرتك عن نفسك، انتي اذا قلتي احس الناس ما يحبون يجلسون معي هذا مو شي اكيد،، مين قالك؟؟لكن لانك انتي مو عاجبتك شخصيتك تحسين ان الناس مايحبونك

2 اكتبي بورقه كل ايجابيه تشوفينها فيك
اول الايام بتحسين ان ما فيك مميزات بس انتي اكتبي اي شي حتى لو بسيط جدا
بعدين بتلاحظين انها تكثر مع الايام
وبالمقابل بتشوفين ان السلبيات قليله مقابل الايجابيات
لان الشخص غالبا ما يشوف نعمة الله عليه لكن يشوف اللي ناقصه ويخليه اكبر الهم وينسى شكر النعمة
وهذي طريقه فعالة جدا
فاذا رجعتي من عزيمة مثلا وانتي متضايقه من نفسك روحي للورقه واقراي ايجابياتك بترتاحين

3 لازم تدعين الله بكل شيء تبينه ولا تقولين كيف ادعي ربي يصلح شخصيتي ، ربك على كل شيء قدير.

4 لازم تشوفين انتي ايش ميولك وتطورينها لأنك بتزيدين الثقة في نفسك واذا قارنتي نفسك بغيرك بتشوفين انك متميزة بهذا الشيء .

5 اهم شيء لا تلومين نفسك اذا ما عرفتي تردين على احد اذا اخطا عليك، وجيبي الاعذار لنفسك ،لانه ماراح تستفيدين من لوم نفسك
ولأن الرد على هذول الاشكال مو سهل حتى على الاقوياء لان هذي المواقف تجي وانتي ما توقعتيها
واحسن طريقة تسوينها اذا احد ضايقك انك تسكتين وتناظرينه بنظرة جامده، شوفيه وحطي عينك بعينه ، بدون ما تتكلمين، لانك اصلا تقولين انك ما تعرفين تتصرفين في هذي المواقف ، فهذي سهله ، وتحبط اللي قدامك لانه غالبا يبي يستفزك وانتي بها النظرة كانك تقولين مو غريب منك هذا التصرف وما هميتني اصلا..

6 حطي في بالك انك بتتحسنين ولا تحبطين نفسك.
واذا صرتي في مجلس لا تضايقين نفسك وتقولين ليه انا كذا، بالعكس قولي لنفسك هذي طبيعتي وانا راضيه بها، وخليك مبتسمه ، عشان يبين عليك الرضى عن نفسك، فيتاثر الناس اللي معك ويحسون انك طبيعيه وما عندك مشكلة
و زي ما فيه بنت شخصيتها قويه وفيه بنت شخصيتها عصبية وفيه نكديه، قولي انا خجوله او هاديه او عاقلة اهم شي لا تسمين شخصيتك ضعيفه لانك بتصدقين مع الوقت كل ايحاء توحين به لنفسك.

++++++++++++++++++++

ون كان فعلا فيك رهاب اجتماعي فالمساله بسيطه جدا بس تروحين طبيبه نفسيه وتعطيك كم حبه تاكلينها وتتحسنين باذن الله
لكني ما اتوقع انه رهاب ، لكن من الاحباط تحسين ان فيك رهاب

ان شاء الله اكون افدتك

:26:

الله يوفقك والله اني زيك بس مازلت اختلط بالناس واحاول اطلع من اللي انا فيه
واقري قبل ماتدخلين على الناس المعوذات اسوي كذا واتطمن وادعي الله يفرج همك

الله يشفيك ويعافيك

ما عندي خبره

الزمي الاستعفار