يختي على شنو معذبة نفسك و كأن اللي حواليك يستاهلون دمعة اغلب مشاكل الحريم انه الناس مزعلينها حاقرينها ما يحترمونها وش بقولون علي وش سووا و ليش و مادري كيف الخ
بقولك شي هو الحل لكل شي انك تقتنعي تماما انك تشيلي الناس من حساباتك لا تهتمي فيهم كثير انسي الناس و ركزي في امورك
بس بنفسك الوقت لازم تصلين رحمك و لا تقطعين و خلك اجتماعية الوحدة تجيب الكآبة بهالحالات بس قصدي لا تهتمي لهم لا تهتمي ايش يسوون وداو ليش يعاملونك كذا لا تجي على نفسك عشان احد منهم مو لازم تكلفين على نفسك شي خليهم حق الوناسة و الطقطقة و اذا بغيتي تشكي اشكي لرب العالمين انت مو الوحيدة اللي تحس بالضعف و كسرتها الظروف الناس هو اللي كسرو ظهرك انسيهم ؤد

انا قلتلك بمواضيعك الاولى
قوي ايمانك بالله عزوجل اولاً
وارجعي لربك
وشوفي ايش يرضي ربك راح تغير حياتك
قراءة القران
سورة البقره يوميا
الحوقله
الاستغفار
كثير من الاذكار بين يدينا يفرج الله بها همومنا
بس انتي مابديتي بشي لحد الحين لو باديه كان وضح عليك
مستسلمه ويائسه
المؤمن القوي مايصير انهزامي ولا ضعيف
المؤمن القوي مستمد قوته من الله عزوجل
ايمانه قوي لانه عارف فيه رب فوقه يقول ابسط يديك بالدعاء وانا استجيب لك


لا تهملين نفسك من ناحية تقوية ايمانك
سوي لك برنامج رقيه
راح تتغيرين انتي قبل حياتك اذا تغيرتي انتي تتغير كل شي حتى اطفال
ولدك فرط حركه ماهو مرض اغلب الاولاد بذات فيهم فرط حركه
ولدي متعبني فرط حركه ويذي وغيوور وعنيد بس ماهو مرض
لي قريبه ولدها من فرط الحركه فوق الدولاب يصير ويسوي امور عجيبه غريبه الحين رجال والنعم فيه ماعالجته مانهبلت
حبيبتي الاطفال يستمدون قوتهم من امهم اذا الام قويه صاروا اقوياء
الا اذا الام بدت بنفسها راح ينعكس على اطفالها
انتي ابدي بنفسك وعالجي نفسك
القران يعالج كل شي حتى التأتأه القران علااااااااج للتأتأه كثير يقولون اللي يبي يعالج التأتأه يقراء القران لانه كثر القراءه ينطلق اللسان


وروحي لطبيب نفسي لاتاخذين حبوب وادويه وكذا لااااا انتبهي روحي لطبيب نفسي يساعدك سلوكياً راح تنحل مشكلتك
صديقتي كان عندها رهاب اجتماعي وعالجت نفسها كذا ماخذت ادويه ولا شي بس بدت تعالج نفسها مع الطبيب النفسي سلوكياً وصارت اجتماعية من الدرجه الاولى
قريبتي برضو نفس الشي وهي رافضه علاج الطب النفسي عالجوها سلوكياً وصارت وحده ثانيه قوووويه


ابدي بالقران والطب النفسي جميع
بس تحطين ادينك على خدك وتقولين صار وصار وصار
المؤمن القوي احب عند الله من المؤمن الضعيف

بداية إحساسك انه فيه مشكله لازم تنحل هذي خطوه اولى عشن تتغيري للاحسن والأفضل
للتقريب انك ضغيفه بالعكس غيري نظرتك لحالك انك قويه ومتميزه وماينقصك شي هنا حتستفيدي قوتك من نفسك مو من الي حولك والناس ماتحارب الا الانسان القوي والواثق تاكدي من هالشي
حدددي مشاكلك بالضببط مع زوجك وقرري حياتك معاه تمشي ع اي اساس اغلب الرجال التعامل معهم صعب لكن اذا افتقدتي بزوجك اهتمامه واحترامه لك فخذي موقف منه وخليك عند اهلك الين يرجع ويعمل لك حساب
اما تستسلمي لوضعه وأحواله معاك ويستمر معك ع نفس المنوال لا تسمحيله يهدمك ويهد حيلك
بنفس الوقت حبيبتي عيشي حياتك وانبسطي مافي احد بهالدنيا مرتاح بس الواحد يعيش ويبسط نفسه وتقربي من الله وادعيه كثير حتلاقي انواع السرور تدخل لحياتك وتتغير امورك صاحبي بنات طيبات يغيروا عليك نفسيتك ويتفهموك اشتغلي طوري مهاراتك بكل شي وربنا يكون بعونك ويصلح حالك يار

حاسه فيك لان مشكلتك قريبة من مشكلتي
اول شيء حاولي تتقربين لأهلك بهدايا وبكلام حلو
واذا رحت عند خواتك خلي الجلسة جلسة هدوء ورقان وسولفي لهم بكل شفافية وبمشاكلك وقولي ان اخطيت بكذا وكذا وحياتي كذا وكذا
خليهم يحسون فيك برحمة مو بشماته
وامك اذا قالت لك هذا اللي اخذتيه ووو قولي لها ياامي انا جالسة معه بجحيم اذا تتحملوني واطفالي قعدت عندكم ولارجعت له


وزوجك طنشية اهتمي بنفسك وبجسمك
مارسي رياضة بالبيت
وسوي طبخات
واذا حولك دار تحفيظ انصحك فيها
انا بعد ماحفظت القران تبدلت حياتي
تقربي الى الله وخلي سلاحك الدعاء
وربي ييسر امر

حبيبتي .. اولا انتي حددي مشكلتك احسك شوي مشتته .. بالنسبه للخجل عليك بالقران وتحصين النفس لان له علاقه كبيره بالاشياء ذي .. انتي اول شي شوفي صلاتك علاقتك مع ربك اذا حلوه ابشري بكل خير واصبري واذا مو حلوه عدليها لتتعدل حياتك .. أنتي ابني نفسك طوري منها اقرأي كتب كملي دراسه اذا مو مكلمتها واذا مخلصه دوري لك مشروع دوري دوره سجلي في تحفيظ قرآن المهم اشغلي نفسك الفراغ بحد ذاته مرض .. صومي اثنين وخميس احفظي او عالاقل اقرأي ورد يومي لك او خلي كل اسبوع ختمه للقران اسجدي من قلب وادعي .. خلي معك خاتم استغفار انشغلي فيه خلك دايم مبتسمه ومتفائله مو اصغر شي يحطمك ويكسرك .. انتي حافظي على نفسك انتي ام وعيالك محتاجين لأم قويه .. انشغلي بتربيتهم وتعليمهم .. وبالنسبه لفشل زواجك ترا شي طبيعي المشاكل والهموم بس يبيلها قوه ووحده متفائله وبشوشه وتمشي الامور ببساطه .. التدقيق سبب المشاكل .. واي احد يضايقك اتركيه وابعدي عنه .. واياك والحزن تراه من الشيطان .. اسأل الله لك سعاده ابديه فالدنيا والاخره❤