انا طبعي مسالمه واحصل الصد من الناس😭

السلام عليكم
انا طبعي هادئه واذا تكلمت وخالطت الناس لازم في حد يكرهني ولو مهما غيرت من طبعي وسكتت وبعد الناس ينفرو مني معرف ليش؟! اعترف احيانا بعفويه اتكلم والبعض يفهمني غلط.. صرت الحين امسك نفسي وما اتكلم وايد وبعد ينفرو مني وما يجلسو معي الا كم بنت.. احاول قد ما اقدر اني اخالط الناس واسولف معهم واضحك بس محد يفهمني صح.. واذا حصلت حد يفهمني لازم في حد يفتن علي وتضيع العلاقه؟!! او لازم حد يطلع لي شر ويخلي الناس شر.. مثلا فالعمل ياما حاولت اكون صداقات بس ما حصلت الا القليل ووحده معنا فالقسم تكرهني وتفتن علي عند البنات مع اني ما اذيتها فيوم لكن هي تكرهني.. وتتقرب من المسوولة ومن المديره وتفتنهم علي باشياء غلط عني والغم انها كسبت الجميع باسلوبها.. صرت افضل اجلس بروحي واستغفر لما افضي واقرا قران بدل الجلسه مع هالاشكال الا ما منهم فايده غير سوء الفهم.. ومن جهة اجلس مع نفسي واقول ياربي ليش انا غير ومختلفه ومحد يعبرني ومحد يحبني بالرغم من اني مسالمه.!! عمري مااذيت اي مخلوق وبعد احصل حد ياذيني،، ويكرهني وحظي زفت. وزميلاتي يضحكو ويسولفو مع بعض وتكبر علاقتهم ما عدا انا اذا تكلمت وسولفت ابعدهم عني مع اني ما اقول شي غلط بس مجرد ادخل معهم بالسوالف. وحده مم البنات حاطه فالحاله ان الي يحبه الناس معناته ربي يحبه.. قلت فنفسي هذي اكيد تقصدني.. مع انها تشوفني لما اقرا قران واصلي الضحي واستغفروجالسه فمكاني اشتغل.. بعكسها هي لما تخلص شغلها تدخل من مكتب لي مكتب وسوالف وضحك..