كوبونات الراقية تسجيل الدخول

~ الفراشة ~

انا طفشت .. ابغى اطلع من البيت! .. ابغى اعيش مثل العالم و الناس! ..

الأسرة والمجتمع •

السلام عليكم و رحمة الله و بركاته ..

كيف حالكم يا بنات حواء ؟ ان شاء الله بخير ..

بنات انا متضايقة و حاسة بكآبة :44: .. أحس ان عمري يطير على الفاضي .. استغفر الله بس من جد ما ادري وش اسوي :06: ..

اقولكم سالفتي ..

انا بنت عمري 18 سنة .. مشكلتي .. عائلتنا! .. بصراحة حنا عائلة مررررة مملة :09:

يعني ما نطلع من البيت و لا نروح و لا نجي و لا نشوف الناس و لا نحس بالعالم و لا نسافر إلا نااااادراً جداً ..

و السبب ابوي الله يهديه .. ابوي الله يخليه لي ان شاء الله ما يقصر معنا ابد لكن مشكلته انه رجل مررررررة منعزل و متقوقع! :dry:

ما يحب يطلع برى البيت ابداااااا .. و هو من النوع القلق .. اللي يشيل هم كل شي .. يعني أبسط الأمور التافهة يشيل همها ..

ما يحب لا طلعات و لا تمشي و لا سفر و لا يحب الإجتماعات و العزايم نهائي .. و لما نقوله نبي نطلع نبي نغير جو احسه مرررة يتضايق .. و يغير الموضوع .. ما ادري ليه؟ :06: .. مع انه الحمد لله حالتنا المادية ممتازة .. يعني المشكلة مو في المادة .. بس المشكلة في طبعه! ..

و الله يا بنات اتفه الامور يشيل همها يعني حتى لو بقول له ودني للمحل الفلاني يتضايق و يشيل هم حتى لو كان المحل بجنب بيتنا! .. مرررة يتضايق من أي مشوار ..

يعني حنا جالسين 24 ساعة بالبيت ما نشوف أحد .. و ان طلعنا رحنا لبيت جدتي ..

الصراحة اني مليييييييييييييييت من هالوضع .. ياما حاولنا انا و امي و اخواتي نخليه يتغير لكن ما قدرنا :44:

حاولنا نقنعه بالتمشي و السفر و ان الواحد يغير جو و يغير الروتين و يبسط الأمور و ما يشيل همها بهالشكل! .. لكن ما فيه فايدة ..

و الله من جد يا بنات مليييييت خلاص ابي اطلع من البيت و اشوف العالم .. يعني ما شاء الله كل اللي حولي يروحون و يجون و يسافرون و حنا ما غير جالسين بهالبيت :44: .. من جد طفشت ..

ابي اشوف العالم و اعيش حياتي دامي صغيرة .. ما ابغى يطير عمري كذا و انا ما شفت شي :06: ..


وش رايكم؟ .. اتمنى اللي عندها حل تقول لي .. و ادعوا انه يتغير ..

و مشكوووووورييييييييين مقدماً :26: ..
52
35K

يلزم عليك تسجيل الدخول أولًا لكتابة تعليق.

تسجيل دخول

ROoh@ROoh
ROoh@ROoh •
الله يفرج همك اختي ويسر امرك يارب
عذا vip ري
عذا vip ري •
ما بعدتي عني كثير:icon33::icon33:

الله يوفقك ويشرح صدرك
إنسانه طفشانه
إنسانه طفشانه •
الله يفرج همك يمكن الوالد متعرض لموقف خلاه يتخوف من الظهور..

او يمكن رهاب اجتماعي ..

خليه يرقى نفسه وان شاااء الله ربي يسهل اموركم..
الجبال البيضاء
الجبال البيضاء •
يمكن هذا طبع ابوك والطبع ماتقدرين تغيرينه او يمكن عنده مشكله تخليه مايطلع
دلع اطفال
دلع اطفال •
ابوك نفس طبع زوجي بالضبط مايحب المشواير البعيده ابد الله يعين بس وش الحل معاهم..؟؟