انا طيبه وهاديه ليه يستثقلون دمي ويسفهوني تعبت منهم

مساء الخير بنات .. كيفكم ؟ ..

بصراحه انا ما ادري من وين ابدى بس بحاول ادخل على طول في موضوعي .. انا يابنات هاديه وماني اجتماعيه .. و صحيح احضر مناسبات لكن طول اليوم شايله هم مدري ليه ؟؟ ولا اعرف امسك مجلس واسولف .. ولو كوني اتكلم بمجلس وكلن يسمع لي شيء مره يوترني !! اكره هالشي فيني وربي :icon36::icon36: .. .. ماحس باريحيه حقيقيه الا مع ناس امون عليهم .. اهلي و زوجي وصديقات العشره .. وانقهر انا يابنات لاني هاديه ويحسبوني فاهيه !! وانا فاهمه حتى الي في قاع نفسهم واحلل حتى نظراتهم بس ماعرف اموووووووون ..

المهم وانا بنت ماقصروا يقارنوني بخواتي و لي تعذروا لي يقولون يمكن حياء عذارى .. بس حسيت بمشكلتي تتعبني زود يوم "تزوجت" .. صاروا يقارنوني بمنافساتي من حريم حمواني .. عندهم قدره على الضحك 24 ساعه وسوالف العالم كلها عندهم ماشاء الله ولاني ماعرف اصير كذا يحسسوني اني نفسيه ..

المشكله انقهر ان حتى اذا رحت مناسبات احس ما امون على احد بسرعه و عندي كرامه تذبحني ولا اقط وجهي على احد .. اذكر مررره امي الله يهديها قالت كلمه ما انساها .. تقولي ليه انتي زي الشغاله وجودك زي عدمه .. وانا كنت متزوجه .. وربي الكلمه جرحتني لان مو بيدي انا من الله استحي .. وحتى اختي تقول نفس هالكلام و ياكثر ناس كانوا يمدحون خواتي وخفه دمهم وانا يعنني ثقيله الدم .. ولان تكرر الموضوع لكن مع زوجات حماواي ..

:icon36:
يابنات ياليت الي زي حلاتي تكتب شعورها .. والي عندها نصيحه تنصح بليز ..

وانا ابغى اوصل لحبيباتي اخواتي الحوائيات كلام من قلبي :
1- اذا قابلتي احد هادي لاتعززين شعوره بالاحراج سوي نفسك تعرفينهم من زمان ولا تحكمين على طول انهم ثقال دم وربي انا لي شخصيه غيرر بس مدري كيف ابين هالشي ..
2- لاتقارنين احد باحد ابدااااا هذا مشروع خلق الغيره والحقد والكراهيه كوني شخص يطرح الالفه والمنافسه الجميله ولا تستاثمين بتحفيز السلبي لاحد .
3- احسنوا الظن رجاءا


وشكرااا لانصاتكم لهذرتي :icon36: