انا عايزة طريقة بيتزا تكون مظبوطة

ادخي قسم المعجنات في اشياء حاوه

عجينة منال العالم مره حلووه

عجينة العشر دقايق بس سوي نص الكمية

انا عجينتي بصراحه وايد عجيبه شفت ايطالي يعملها بالتلفزيون وسويتها وطلعت وايد رهيبه
حتى الوالد يفضلها ويقول دايم سويها لنا


مقادير العجينة
كوبين دقيق فاخر ابيض الكويتي
ملعقة شاي خميرة
ملعقتين طعام زيت زيتون
رشة ملح ورشة سكر خفيفة
والماء تحطينه على حسب العجينه

تخلطين المواد الناشفه اولا
بعدين تضعين الماء وتعجنين لين تصير عجينه متماسكة قليلا
وغطيها بنايلون وخليها ساعتين تتخمر


مقادير الصلصة
2 طماطم كبيرة حمراء مبشورة
ملح وفلفل اسود ملعقتين زيت زيتون
ملعقة شاي نشا تذوب في نص فنجان ماء
يوضع الطماطم في قدر على النار لين ينشف الماء منه تقريبا ياخذ وقت ربع ساعه لصنع الصلصلة
وبعدين توضع جميع المكونات المذكورة تبع الصلصلة
وتخليها عالنار مدة 3 دقايق وتسكري النار


والحشو جبن موزاريلا مبشور زيتون فلفل رومي
ومشروم

وبعد ساعتين تعجني العجينه وتقسميها على حسب اي شكل تبينهم صغار او كبار
وتحطين عليها الصلصلة وبعدين الخضار المذكوره واخر شي الجبن


وتدخليها الفرن بس تشغلين الفرن من تحت مدة عشر الى ربع ساعه ماتاخذ وقت وايد
وعلى نار وسط وليس خفيفه او عاليه فقط وسط
اهم شي تحطين لك منبه يرن بعد ربع ساعه عشان ماتحترق عليك البيتزا
وبعدين اكلي احلى بيتزا ايطاليه

شكرا لكم الاخت اخ مبارك لو سمحتي مامقدار ماء طبعا بيكون دافيء صح انا سويت اصلي يوم عجينة منال عالم بس مااظبطت عجينة نشفت مني اصبحت كالحجر ههههههههه