ياااارب فرج قريب والله حالي من حالك بس احاول ما يكون نفس تفكيرك مع انو كل شي يقول انو راحت عليا وناس بتتعامل معنا اننا مجرد رقم

اختي كلنا بالثلاثينات ومابقى لنا الا القليل على الاربعينات وماتزوجنا حالنا من بعضه بس الاحظ هنا اللي يكتبون ويردون ياناس فاهمتك ياناس تحاول تعطيك الأمل ياناس ماجربت فمااحد يحس بالنار الا واطيها بعضهم ينتقدون انك تكتبين موضوع وكانك اجرمتي ليش بس لان هم ماعانوا نفس غيرهم
اللي مثلاً ماتزوجت بس بالعشرين غير
واللي ماتزوجت بس ساكنة ببيت ابوها ويعاملونها افضل معاملة بعد غير
واللي ماتزوجت بس اهلها مو مخلين عليها قاصر وملبين طلباتها وياخذون بخاطرها غير
واللي ماتزوجت وعندها خير ماشآء الله او موظفه بعد غير
واللي ماتزوجت وابوها متوفى الله يرحمه وساكنة ببيت اخوها وماعندها دخل ابداً الا الضمان غير
واللي ماتزوجت وابوها متوفى واخوانها الاولاد مايبونها بعد غير


يعني الناس درجات مو كلن نفس بعض وفي ناس اهون واخف من ناس يعني اللي جربت الضيم والقهر بتعرف مثلاً معاناة وحده زيها وهكذا الحياة
خليها على الله بس
هالسنة ماشآء الله من بدأت اغلب معارفنا واقاربنا وصديقات انخطبوا وزواجهم قريب ومابقى الا من الكبار بالعيلة انا وكم وحده بالثلاثينات والاربعينات اللي مااحد يبينا ولايفكر فينا اساساً والكل لما يبي يخطب يخش عنا هالامور يخافون نحسدهم وبعد الملكة يعلمون واللي مايعلم تعرفين ان اذا طلعت احيان يخلوني مع المبزره بنات ثانوي واقل بما ان الاغلب عندنا بالعيله متزوجات فكل قروب لحاله وتعرفين بنات هالاعمار يبون يجلسون لحالهم يبون يلعبون ويضحكون وسوالفهم مع بعض غير فاذا صرت معهم يبون اطلع مايبوني معهم رغم اني مالي دخل فيهم اجلس عالجوال بس لاني كبيرة عليهم واذا رحت اي مكان مافيه سوالف عند هالناس الافلانه انخطبت او اعرست او الخ تطفشين وتحسين يقصدونك
واذا رحت مكان يتوقعوني متزوجة لان عمري كبير الله يعطيني ويعطيك طولة العمر ويسعدنا في الدنيا والآخره
رحت المستوصف شافت عمري لما قلت لها تعبانه وكذا قالت في حملاو تاخذين موانع !!!! قهرتني قلت لها ماتزوجت اصلاً انا ! اسكتت
الناس تغيروا حتى الصديقات مايبون الا المتزوجات زيهم انا احذفوني من قائمتهم مااحد يبيني ومايهمني صدق صفيت وحيده بس هذا المكتوب حتى صديقاتي انخطبوا ماعلموني ملكوا مادريت عنهم سووا خطوبه ماعزموني علشان ماتزوجت وبعدها ارسلوا لي تعبنا في يوم ملكتنا ومدري من هالكلام الرخيص قلت لهم طيب انا ماادري عنكم انكم ملكت اصلاً اسكتوا
الناس اجناس اهتمي بنفسك وعيشي على انك صغيره وماعليك من احد انا زيك يجيني احباط شعري بالايام ماامشطه بشرتي وجسمي زفت حبوب وحساسية بس خليها على الله صدق لازم يجي الواحد احباط مهما كابر وقال العكس كلن عنده مشاعر واحاسيس يفهم
تعرفين اجل حالياً يكلموني الاغلب على ان خلاص ماراح اعرس ابداً وحتى احس اني ثقيلة وعاله على اخواني يبون امي الله يحفظها ويطول بعمرها بس مايبوني يعني مايبون اروح لبيتهم وكذا وماالومهم كل زوجة ماتبي حماتها عندها او كذا والله يوفقهم ويسهل عليهم مااهتميت والله بهالشيء عادي يعني حتى بنات جيرانا اخوهم كان بيسكنهم عنده بس بعدين مرته مابغتهم واجروا بيت بعيد عن اخوهم فيه الام وبنتينها لان مااحد يبيهم عنده من الاخوان والام بطبعها صعب تهد البنات وتروح عند الولد
وحتى وحده اعرفها اخوهم مايبيهم وسكنوا بشقة الدنيا اسرار ومااحد يعرف عن الثاني شيء وفي اشياء يخبيها الواحد عن غيره ومايبي يفضحها يبقون الاهل فوق الراس مهما سووا
حتى الام الله يطول بعمر امي وعمر امهاتكم وامهات المسلمين اللهم آمين وكل من قالت آمين تظل تحاتي بنتها ومستقبلها تخاف بكره على بنتها لازواج ولااحد يبيها من اخوانها وتصفى بالشارع تبي تشوف بنتها مع زوج واعيال عزوة لها بعدين يشيلونها اذا كبرت ويتحملونها
الله يعين كل واحد على مشاكله مااحد خالي من الهموم والمشاكل والله يسهل علينا ويرزقنا بافضل الازواج واخيرهم واغناهم يكونون لنا عوناً وسنداً في الحياً ويكونون قرة عين لنا ونكون قرة عين لهم اللهم آمين