انا عرسي شهر 11 ومحتاسه ومحتاجك ولكم كل الدعوات

:) والله اني احبكم في الله حبيباتي انا عضوه جديده ومحتاجه انكم تتقبلوني اخت لكم في الله وانا فرحي ان شاء الله بعد رمضان اللي جي يعني في شهر 11 وانا من مصر وخصوصا عروس مصر اسكندريه يعني انا عروسه من عروس مصر وبصراحه محتاسه مش عارفه اجيب ايه بالنسبه للبسي ومكياجي انا مش عارفه ايه الليبس اللي احتاجه من الاندر وير والسوتيان والاطقم وملابس النوم وملابس لشغل البيت وملابس للصبح والبيجامات ونفسي لو في خياطه تخيط قمصان نوم لاني شفت بالمنتدي موديلات كتير حلوه لمصممين بس بصراحه مش عارفه اشتريها منين وممكن تكون غاليه شويه وبصراحه التفصيل ارخص وانا احب امسك العصايه من النص يعني بدل ما جيب قميص واحد غالي قوي وموديله بسيط اصممه واعمل اتنين وده احسن بس بيني وبينك والسر فيييييييييييييييي بييييييييييييييير انا منتقبه وعندي كبت يعني عمري مالبست بنطلون جينز برمودا او بدي ضيق او اي حاجه من دي ونفسي البس حاجات من دي لجوزي لان بصراحه الشارع دلوقت مليان بلاوي ول بص شمال ويمين حيلاقي البنات في الشارع شبه عريانين وخصوصا علي البحر وزي ما انتم عارفين اسكندريه شوارعها معظمها بتطل علي البحر وانا عايزاه لما يجي البيت يلاقينا احلي واحده واحلي من اللي في الشارع فعايزه اعرف ايه الموديلات اللي ممكن تتلبس في البيت وتكون مريحه ومش صعبه للحركه عشان طبعا انتم عارفين ان البيت يحب الملابس الخفيفه اللي متقيدش وكمان فستان الفرح مش عارفه اعمله ازاي انا حعمل فرحي في مسجد بس حلبس فستان مفتوح بس مش أوي عشان برضه في عورات علي النساء ما بين بعضهم بس عايزه موديلات ناعمه وعندي تسأل انتم بتعرضم فساتين الزفاف وحلوه كتير بس عندي سؤال انا نفسي في موديلات للكاب معرفش اسمه ايه عندكم بس هو رداء طويل مطرز بنفس تطريز الفستان وبيتلبس فوق الفستان من عند الكوافير لحد القاعه او المسجد وبعيدن يتقلع ويتلبس تاني وهي مروحه علي بيتها و كمان ساعدوني المكياج ومستحضرات العنايه بالجسم لان طول عمري بدرس وبصراحه قليل ما كنت بعتني بجسمي والمستحضرات لان كليتي صعبه وتقريبا كنت مش بنام:09: يعني انام ولا اعمل مساج واعتني بجسمي طبعا انام :eek: بصراحه عايزاكم تساعدوني في تجهيزي كل حاجه عطور وموبيليا وستائر وسجاد وشموع ونجف كل حاجه كل حاجه وكل حاجه ساعودني ولو بنات مصر يعرفوا محلات يدلوني علي حاجات رقيقه بس اسعارها معقوله وفي نفس الوقت شيك حبايبي والله اني احبكم في الله ساعدوني واعتبروني اختكم وبتشركوا في تجهيزي وحدعيلكم علي كل واحده حلوه :32: :7_18_2: حتشارك