انا عضوه جديده وحابه مساعدتكم

السلام عليكم حبيباتي
انا عضوه جديده ولي حمسني اني اشترك في المنتدى واشاركم مشكلتي هي اني شفتكم مثل الاسره الوحده وكل وحده تنفع الثانيه
انا مشكلتي ان لي 10 سنوات متزوجه وعندي ولد وبنت وانا مو مرتاحه بحياتي مع زوجي ابد
زوجي انسان عصبي لابعد الحدود حاولت اني اكسبه بكل الطرق بس مانفع وياه الطيب والشده والسكوت والمزح كل شي مانفع
وزي ماقلت لكم لي 10 سنوات ولاني عارفه كيف اتعامل معه هو من الشخصيات الي شايف نفسه دايم هو الصح ولايحب احد يقول له ان اسلوبك هذا غلط اذا عصب يجلس يصرخ بااعلى صوته قدام العيال والعيال يخافون منه ويمد ايده علي قدامهم حتى عيالي تعقدو ولدي تأثرت نفسيته ويوم اني زعلت ورحت بيت اهلي وشرطت عليه اني ماارجع لك الا لين تتأدب وماتمد ايدك علي وافق وفعلا صار مايمد ايده بس اسلوب الصراخ على اتفه الاشياء لازال موجود فيه ويوم كلمه ابوي واخواني ليه تصرخ عليهم زعل وصار يكره ابوي واخواني كره العماء
ودايم يشوف نفسه هو احسن من الناس ومغرور والمشكله ان ماعنده احد حتى خواته مايطيقونه ولا ابوه ولا حتى اصدقاء عنده بسب اسلوبه محد يحب يحتك فيه عقدني بحياتي يابنات والله وفكرت الطلاق دااايم براسي بس هو يهددني بعيالي ودايم يقول روحي عند اهلك وخلي العيال وانا قلبي وروحي متعلقه في عيالي ومقدر اخذ هالقرار وامن عيالي عند واحد مثله حتى عياله اقسم بالله مايحبونه
ودايم يقولون لي ليته هو مو ابونا وانا تعبت حيل من هالحياه تعبت وغير كذا كان في بداية زواجنا شكاك وكان يراقب التليفون دايم ويسمع مكالماتي مع امي
ساعدوني يابنات وش اسوي وهل اذا طلبت الطلاق اقدر اضمن ان عيالي يكونون عندي
اتمنى تفيدوني بخبراتكم يابنات وتريحون بالي الله يريح بالكم دنيا واخره يارب 💞