انا على بساط الفقر ( ادعولي )

السلام عليكم ..
بنات انا ابي اشكي لكم حالي .. انا تزوجت وانا صغيره وسكنت مع حمولتي المهم اول ماتزوجت زوجي
كان يدرس بس اخر سنه له بالدراسه طلبات اهله كثرة وهو كثر غيابه وفصلوه الجامعه وجلس
خمس سنوات بدون شغل ولامشغله وحاول يكمل دراسته بس الله ماوفقه وبهذي الفتره رزقني الله بأطفال ..
وكان ابوه يعطيه فلوس يمكن الف ونص بالشهر المهم من سنتين قام يدور على شغل والحمد لله لقى بس الراتب قليل والدوام فترتين وبعيد عليه وتعب وارهاق ثم صار يدور على شغل ثاني والحمد لله لقى بس الراتب اقل من الشغل الاول بس دوام فتره وحده ..
اليوم زوجي جاء ضايق صدره يقول ان المدير حقه الي هو راعي الحلال انه اذا شاف زوجي انه يكشر بوجهه ويقول زوجي ان المدير ماهضمني وانه لمح لي انه يمكن يستغني .
واني خلاص احس انهم مايبوني ويبون يطفشوني والحين له 3 شهور ماعطوه راتب ..
وهو ضايق صدره وانا ضاق صدري
انا يابنات اتمنى اني لي يكون لي بيت واطلع ببيت لحالي والله ان احس اني مذلوله ببيت اهله واخوانه ما شاء الله واجدين وانا بس جالسه بغرفتي والله اني مراقبه بدخله والطلعه
المهم يابنات زوجي يبي يفصلونه خلاص وانا كان عندي امل اني اطلع ببيت لحالي مليت من كثر المشاكل اتمنى ان يكون لي بيت لحالي اسوي فيه الي ابي .
والله يابنات اني احيانا افكر اني خلاص اروح بيت اهلي واطلب الطلاق
مليت من الفقر .
دائما انا اقل الناس.
يابنات اتمنى منكم انكم تدعون لزوجي انه يرزقه الله بوظيفه احسن من الي قبل والراتب يكون احسن
وتعرفون الاطفال ومصاريفهم ماتخلص وماودك انهم يكونون اقل من الناس
وأدعو ان الله يرزقني بيت ملك ارتاح فيه
وش رايكم اخلي له اعياله واروح بيت اهلي احس اني طفشت منه ومن العيشه معه